المشاركات

عرض المشاركات من يوليو, 2020

131 نش ‏تگغ ‏السنة

نش تگغ السّنّة  نش تگغ السّنّة حد ؤر نّس ئحاري ، مرا سدجمغ خ حد ؤخا ؤثِيذْياري ، نش ؤيديشقي ؤر ئنو ؤيتمجاري شحار ئذاس نّان أسُنّي ذ أبوهاري ، نتّا ئطاع ئ ربّي ئبريس ؤثيتغاري ، مرا ئخظا أتيغ ربّي ؤكِس ئتمعاري ثوذارثَا أتعذا حد ئنّا رعيب ئتواري ، ثساعت نّس أتبَد س بزّز س ؤماري ، ثوذارثين أتقّيم ربّي ذَا ؤثِيذِيتَاري أشهبار محمد  امنود  22/07/2020 

130 مايمي ‏أراذي

مايمي أراذي مايمي رحسذ مايمي أراذي مايمي ئمنغان سحس قا ئمسرمن نثنين ؤحسذن بو ئوذان ؤحطّين شي أياويا ذ ئكافريون ئثن ئتراذان وَخّا شك ذ أصبحان تازّون أشارن ذ أعفان أتيغ أثنديهذا ربي أتيغ أذسنَن من ئدجان شحار ما عمّارن ذي ثوذارثَا ؤسان أسنقضان شحار ما جمعن أذيِري جار ئوريثن ذ ئزگنان عاذ أذتواحرن سّاني سْ راخاث أذتوافنان وَخّا ثشناسن مشَا ذي ثنضرين أثنسّهوان حد أذيمّش ذگ أمان أم تمشّان ئسرمان قّاع أذودّارن ذگ شار ذ شار ئغا ذحان قّاع أذودّارن ذگ شار ذ شار ئغا ذحان أشهبار محمد امنود 20/07/2020