سويزضغ -1- سويزضغ س ؤفوس ئذور ئقساي وا ؤفيغ بو أبريذ ن راصّاي قيمغ كّورغ ضار ئندرفاي ؤر ئنو ئندراي ذى ئبريذن أراي ئودراي ؤجّيغ من ذي ؤفكّارغ أدجي يوحراي س ئرس ثمنّا قضانتاي س ؤفوس ثيرا نزغنتاي -2- سويزضغ س ؤفوس غا ثوذارث ثسعاناي ثجاي ذى ؤنخسس ئ ثفقحث ثسرقاي ام ون ئ غا ؤر ربدا ئسفاي ام ون ئدورين ثصمض ذى أغراي ئنقّع ذى أبريذ طفنث ثمرودجاي ئنّودم ذي ثيسي ذي ؤسيفي ؤزواي أمّن ئدجا نتا ئمسغراي ئدّار ؤيدّير ئتنودوم ذى ؤفراي ئدّار ؤيدّير ئتنودوم ذى ؤفراي أشهبار محمد الحسيمة: 2002

نش زى أريف -1- نش سّا ؤدجي سّيه ؤذاي قّار مانيس ؤياش نش ذ أمازيغ ئ أريف نش ذ أمّيس را ذ نش اذاريغ خ ؤمزروي ذ ؤنغميس ن أريف مان ئ خرقغ ذ يزري ذايس ييغيس اذاريغ س ئرقرم ثدوات اك ؤغزذيس اذاريغ خ ؤسكواس ئ يورين ئسم ئس يوريث ذى ؤمزروي ئقّيم ذ أغميس -2- نش سّا ؤدجي سّيه را ذ نش ذاي أمنوس من ئشغرن ربار اثاريغ س ؤفوس اث ئنيغ س ئرس ذ ردجواح اذ ئتمروس شحار ما نّيغ ئعين شواي ذروس تتّارغ زى ئمازيغن اذ ؤجورن خ ؤيفّوس اذصورفن غا زذاث اذكسن أغمّوس اذ ارزمن ثطاوين اذ فاقن ئ ركُْنوس اذ ندارن أخيّق ئتكَُّْن أشبّوس اذ ئنين من خسن س...

فلسطين ثترو -1- فلسطين ثترو ئذمّن ذ ئغزران أبريذ ماي غا عجنن تافن ذين أسنّان تافن ذين أصهيون ذ ئخفيفن ئ رقّان شّاثن س ؤزرو أمّن والو تمتّان فلسطين ثتعايان ؤفوغ يوكي اد ئبان ثتعايان ئمسرمن اذمونن اذكّان اذكّارن اذبدّن اذكسين ئميران اذكسين رسيوفاث اذ نين خ ئيسان اذرقان أصهيون اد فكّارن من ئعذان اس قضون ازدجيف اث قسّن ذ ئزينان اث جّن ذ أقاروج س نتا س ؤمعاوان اس محان ئروثار اث نغن اث فنان -2- فلسطين ثترو ئذمّن ذ ئغزران أبريذ ماي غا عجنن تافن ذين أسنّان تافن ذين أصهيون ذ ئخفيفن ئ رقّان شّاثن س ؤزرو أمّن والو تمتّان ئنايد ءا يا امسرم ئنايد من ئمسان من...

موخاس موخاس ئ بناذم زي ثوذارث ؤيقنّض زمان ئضفاريث أقث ربدا ئنّض رمحاين ارغينت خاس ام ثارغي و أصفض ثسا نس ثتقّس ؤر نس ئشمّض فوس ئسويزض غا ئيمار ئقّوضض ثط ثخزّار غا ثزيري ماني ثوّض ضار زي رغيس ئزروزا ئزوكَّض ئمخاواض رحار حد ئبد حد ئمحض حد ئزوور غا زذاث ئتيخضار ئرقّض حد ئقيم غا ذفّار س ثطاوين ئسوكَّض س رعقر ئتفكّار ماني ؤيتيوض الله ئحسنعاون س زرض نتا ئزدجض الله ئحسنعاون س زرض نتا ئزدجض أشهبار محمد الحسيمة :  2002

بناذم أغدّار بناذم أغدّار ذي طّحصاث ئتضهار ارزو غاس ثسينفث اذيوعرا س زنقار اش ئحسب ذ والو اش يار سدو رثار ادياني أوارن زيد عاذ اش ئسحقار مشا غا ج اذ ئنوقار عاذ ادياس ئج نهار مارا من ئكَّا اثيذياوض رخبار اذ ئسن ئزرفان ن ثومات ئ ئغذار اذ ئرو غا ئثران ؤرا ذ ئج اذايس ئخزار اذ ئحصر ئج ؤمار روقت اخاس ثزيّار ثرزكُْوث ثتنكَُورا ؤثتيري ذى ؤمزوار ون ئفهمن ئ ثوذرث ئخسا ات ئسزوار متاف ؤيحصّر ذي نهار أنوكَُّْار ثمزي وخّا ثصبح مشا عاذ اتوسار خمي غا ئبوري ؤسرهام ن رعمار ام ئج ؤزرو ذى أجنا ئتوحجّار اشت ئ غا ياري اشت ئد غا ئضّار ئناي اذ اش ئنيغ...

روحن ؤسَّان ؤسيند (1) روحن ؤسَّان ؤسيند اقاي ذي رفيافي كَّْورغ ذى أبريذ تعججِّيغ س ثِوكُْذي ؤفيغ ذين أمتِّين ئقطعايد زذاثي ؤر ئنو ئخدَّم وا بغيضغ اذ ييري سِّيورغ غاس سدجمغ خاس س ربِّي سَّقسيغ مامش اديار خافي يوكَْي خزارغ ئج ن رخزراث بدَّغ ئج ؤبدِّي س وأرشام ن ثطاوين ذ ؤحراب ذ ؤحاذي نخرعغ راقيغ ؤفيغ حد اكيذي زغيراي ذ شواطن ئكَْ ئخزا ربِّي زِخنت ذ تسكُّورث ثقَقَاشث ن ئيري ؤشيغاس اتعرف س ئرذن ذ ئمندي س ؤيثماس قا تتَّنت ما نتَّاث قا ثوكَْي ثقِّيم ثخزَّار ثتميَّاز من تغا ثيني نّيغاس من شم يوغن ثسنعمير وا ثتسري عاوذغ اس سقسيغت ثنَّاي ذاي ثمسِّي نيغاس وام ثضويذ...

ثمازيغث ذ ئغزران -1- ثمازيغث ذ ئذمّن ئغزران ئحارن ئتازرن ذى ئزوران أوارن نس ئودان س ئسقسان ادمّضهان ثمازيغث ثسّرقاح ئزوران ات ناري س ئقرم ذ ئضوضان اتغمي ذ تشجّارث ات نسسّو س وأمان اتقّيم ئ نشنين ذ ؤمازيغ ئديوكَّان -2- ثمازيغث ذ ئذمّن ئغزران ئحارن ئتازرن ذى ئزوران ثمازيغث ؤدجي وت غا ئمحان ثمازيغث ام رعنصار و أمان ؤيقطّين شحار ما ئكَّا و ؤسّان ثمازيغث ام وأذوف ن ئخسان ئوزنن أمازيغ ئتبدّا نيشان من زي ئكُّور ئسنهزّا ئضوضان -3- ثمازيغث ذ ئذمّن ئغزران ئحارن ئتازرن ذى ئزوران ثمازيغث ثتراغاد زي مكور أمشان ثقّار ئ ئمازيغن ماني ما دجان اذكّارن اذسغارن أوارن ئ ؤسّان ئديتاسن ام رموجاث تكّن ع...

مسكينا يا فطوش مسكينا يا فطوش ثسّنس ثشرا ثابو عامين ئعين كتار أس ؤخاس ئعدّو ثقّاراس اد ئمغار حمّو ئنو اذاي يار رخير ئنو ثشّاثاس ذى ؤعرور ثتكَّاس هلَّرارو نتا ئشا ئسوا ما ذ نتاث ثسعدّو وام ئد ئمغار ياراس ثنت ذى أعرو رخير نّي ئ ثكَّا ئخرفاسث س ؤقابو يوفا ئكَّا ئضارن يوجار ؤذايس يارزو ئتبدّا خ ثفذنين ئصوروف ئنطّو ئفغ أبريذ ئشنان ئروح ئضفار زهو ئسمح ذي يمّاس ئجيت ربدا ثترو شحار ئتكسي ئرا ئدجا ذ والو خمي ثتاف ئتكْ واع ئقار يما حنّو ثقاراس أقاي تايريغ شك ءا ثساينو داداش داداش ؤجورد سغذ أمّي حنّو ئ مرمي ئد غا ثمغارذ اش زاغ زذاث ئنو اتنوّارذ را ذ...

فلسطين -1- فلسطين ئترون ياوكْرن غا ثعورا سدجوم ميخ تارين ثشّيث ثزورا أبريذ ميخ كَُّوارن مارّا ذ ئصورا ثدّارث من ذي زدغن وا غاس ثغمّورا أصهيون بوكمارن ئقرع ثشجّورا ئسّشماض ثجانين ئشارع ذي ثمورا ئبذا أك ئمزذاغ ئطرزّا ثوّورا يوذفاسن غا ثقبيتش ئنق ئطضرورا يادّراسن ربيوت ئتارا ثنت ذ ئنورا يارزّو اثن ئفنا ئسكَُوفاسن ثورا ئنق ئفروخن ئتسرها ئوسّورا ينّ ئك ئسهرن ئجّين ذ ئمكُّورا -2- فلسطين ئترون ئسرون ئوذان مارّا أيذوذ نس ئقّيم ئتمندار ذي بارا كور أس ئتموتوي س زرض ذ تمارا ئتشّح خاس رعذو بوفارومن ئعارا ئتوش اث ئسودّار يارزّو اث ئهارا يارنو خاس أزيّار ئتوش اث ئجارا أمّن ئكَّا شارون ام ...

أزول أيّوز أزول ذ أمقران ذ أمغناس ذ أفولكي أزول خ ثمسمونت ن ثشامّا ؤمغرابي أزول خ ئلعابن ذ بادّو الزاكي أيوز ئ المنتخب س جهذ منزي يوري أيوز ئ الشّماخ ذ يوسف مختاري أيوز ئ طلال ذ موحى يعقوبي أيوز ئ النّيبت ذ حجّي ذ فوهامي أيوز ئ ويتيعيارن خ ثشارّيظت ئتاوي أزول ذ أمقران ذ أمغناس ذ أفولكي أزول خ ئمازيغن ذ مايما ئدجا ؤمغرابي أزول خ رغاشي أيذوذ نّغ ذ أحُواَري نشنين ذ أوماثن را ذ ئج ؤذانغ ئوطّي رفراحث ئ نفاح نطراجات زي مرمي أيوز ئيلعابي رعز نسن يوري رعز نّي ئدوين ثشهذ خاس ثزيري شهذن خاس را ذ ئثران دُّونشث أمنضني أشهبار محمد الحسيمة : 2002  

أبريذ أيثما سويثما كّارث غا رفجار زّادجث ثزادجيث را ذ ئج ؤت ئنطّار حَماتيو غا رخير س ؤر ن وم ئمغار خزارث من غا ثكَّم ئ ثذومّيت ؤنگّار كور ئجّنت اذيخذم من ؤمي غا ئزمار حما أتعيشم ثوذارث ن يزري ذ نوِيوار ون ئدجان ذ أمسرم ئتنكّار غا رفجار ئعبّذ س ؤر س ئرس ئذكّار ئقار القرآن كور أس ئستغفار   ئعدّر جار ئوذان سرخير ئگ  ئتامار ؤر نس ذ أشمرار أَمْ ئثري خاس سّار نتا ئگ ئغربن ئبريس ؤس ئزمّار ؤس ئتيف بو ثوّارث ؤيزمّار أثيجار ئتشّاس تّاسيع ياوگّر ؤديحصّار ئ ون ثنت ئخدمن أعشيريس ئظهار ئبريس أگ ؤغزذيس ئعدجماس ئروثار ئشاث ذي وين ذ وين ئتقّس ئزبّار ئحسّذ أيثماس س ثوتشيس ...