ؤخظين أمشان ئوذان روخ ذورن أم ئغيار تشحن حشّان مرا نّاناسن رّا أذرّان مرا نّاناسن شّا أذشّان خدمنثنت تشَارن رحق ن ميدن تغشّان ذروست ئغا ثافذ ذ راصر گّورن نيشان ئوذان ئصبحانَن دجان ؤخظين أمشان رَا ذ ئوذان ئعفّانَن دجان ؤخظين أمشان ئوذان ئصبحانن خاسن سّار غاسن شّان تيرين عِزّن ربِّثْنغ ئتخسيثن تجّاند شّان ؤدجي أم ئوذان ئعفّانَن ذ ئجِهريوَن تّشّان زعما تْرايّان ذي رسواق ن ميدن تمخشان أمسرم ذ أمسرم ئقسح خاسن أستحشان وخّا دّنيا ؤسثشني ذي جّنّثْ غاس أمشان ؤدجي أم ئكَفْريوَن غاسن ؤر ذ أبرشان ظدجمن تنعدّان أگ رحق ن ميدن تخشّان وخّا دّنيا ثشناسن ذي جهنم غاسن أمشان أشهبار محمد امنود 27/01/2023 

 ؤخَا أذسنَن ئخ ربعاضِث زعما أقاثن ذي رْمخزن خدمن مشَا ؤخدمنشي نيشان ئتعجيباسن أذدمن ؤخَا تتّن رحق ن رمسكين خدجان عدمن مرا حد غاس خدمنّاس مرا ئميزار ئدراهمن مرا حد ؤغاسشي سقاذانث سّاذسّا أثبارمن وخّا ربعاضِث بنّان نيشان ربعاضِث هدمن نشنين نارزّو رحق نّغ مغار ئذانغ تشَارن نوريد ذ ئيوجيرن ؤ عاذ غانغ ئيوجيرن مشَا ربعاضِث تسحقارنانغ أرجفن دّاغرن تاوينانغ زي ثمورث نّغ خسّنّاسن ئسقّيرن غا مري ئذانغ عوضن بعدين أتاف ئروخن ياش ؤذانغ عوضن شي مغار ئذانغ تتّن ما زغيراسن ؤتمتّينشي واللهِ حَما مّوثن كورشي أذيقظا ذي نهار ؤنگّار أذتخارسن ؤخَا أذسْنَن من سْوَقعن أذسنَن من خَذمن الحمد لله دّنيا ؤثتذومّي ئحد قّاع أذمثن أشهبار محمد امنود 27/01/2023 

 ؤتنتيف موخ نخس كور أسگّاس ثْتاسد ذايس رمشتا ثْزبّار ذي ثسمظ بناذم مرا غاس ئزغَر ئنّوفّار مرا ؤغاسشي ئتقديدّيو ئزغار ئتنقثمار مرا غاس رغظا مليح ياسَا مليح ئسقار مرا ؤغاسشي ربدا ئتسلاّك وخّا ئتنزبار ذي ثوذارثَا ئقسح أذيِري قّاع من غانتّار ذين شي وخّا نَتّاريث ؤثنتيفشي ئوعار ؤتنتيف موخ نخس والو زمانَا ذ أودّار  ياش بناذم ضْعيف ذ والو موخما ئتدّار ذي رحمو ئتفّغ ذايس رحمو ئتننّا ئتفوّار ذي ثسمظ ثْتفّغ ذايس ثسمظ بزّز ئصبّار موخما ئتشذشا مرا ئمّوث أتاف ئسَافار غا ثوذارث ويس ثناين كورشي أنهَاجار غا ثوذارث ويس ثناين كورشي أنهَاجار أشهبار محمد امنود 26/01/2023 

 رعذواث عاذ أذندمن مري غاي أقاطاس أتاف كّيغاسن زي طّاف أتاف ستفغ ئهارافن ئجّيج أسنتاريغ صّاف ئهارافن ئخسّاسن ئجّنت أذينق أذيتستّاف ئخسّاسن ئجّنت أتيري ذ أمجاهذ ئتزلاّف وخّا نشنين ذ ئيوجيرن ئروخن ربِّثْنغ خَلاّف وخّا رعذو نّغ ئسّحقارانغ ئتاشارانغ ئتهاراف ئروخن دّنيا ؤسثتذومّي عاذ أذيندم بزّاف ؤمي ذين ثمسّي ذ تّنّي ئغايوارمن ئ عزّاف ؤمي ذين ثمسّي ذ تّنّي ئغايوارمن ئ عزّاف أشهبار محمد امنود 22/01/2023 

 ئِييهْ يا دّنيا   ئواها دّنيايا شحار ؤمي ثمزيّان حد أقاث هانت حد أقاث عيّان ذين حد ؤيهني ربعاضِث هنان ذين حد ؤيشني ربعاضِث شنان ذين حد ؤيتريذي ربعاضِث تراذان ذين ربعاضِث ذ راصر ذ ئوذان ذين ربعاضِث ذ دّيشي ذ ئطان وخّا ربعاضِث غاسن ئگروان ؤتذومّين منما غاسن أثقظان مرا ؤثقظين ئوريثن أثقظان مشَا ئخسّا أذسنَن من ئدجان عاذ ذين رموث ذين ئمضران رموث أتقّاسن أمزيان أمقران ؤخا أذزارَن أذسنَن من ئجران ؤخا أذزارَن أذسنَن من ئجران أشهبار محمد امنود 03/01/2023

 كُولها أذيفاح نشنين ذ ئريفيّن ذ ئمازيغن ذ ئشلحيّن نتشجّاع أيثماثنغ نشنين قّاع ذ ئمغرابيّن نقّن خ ئكرواتيّن نْزياريثن نسضوقزيثن ئبلجيكيّن نسْريريثن ئكَنَديّن نسَتفيثن ئسبّونيا نْصبنيثن ئبوردقيسن نْذقسيثن نجّيثن سْعارن ينّي ئجهذن نسقاذيثن أتيغ أنهزم ئفرنسيسن ذي فينال أنعجن أتيغ أدناس أگ كرواتيا ئلعابن أتابجن ئمغرابيّن شدّن أذارين أمزروي أثيذجّن أتيغ أداوين ركاس نّي مرا قيمن أربحن أتيغ أنفاح كُولها أذيفاح ئلعابن أذفاحن أتيغ أنفاح كُولها أذيفاح ئلعابن أذفاحن أشهبار محمد امنود 11/12/2022 Mohamed Achahbar · كُولها أذيفاح

 سير سير سير أيوز أيوز أيوز سير سير سير ؤلي ؤلي ؤلي أيّوز قّاع ئمغرابيّن عِزّن سير سير ؤلي ؤلي المنتخب أمغرابي ئجهذ س وليد الرجراجي ذين زياش بونو أبوخلال حَكيمي ذ الناصري ذين سايس داري ذ صّابري المهم قّاع دْراري رغاشي ئفاح ئقطوطّش أتيغ ركاس أثِذياوي أيّوز مرا گين ئگونَنْ ؤخا أربحن وه ؤلي ؤلي أيوز أيوز أيوز سير سير سير ؤلي ؤلي ؤلي أيوز أيوز أيوز سير سير سير ؤلي ؤلي ؤلي أشهبار محمد امنود 04/12/2022 

 قطر 2022  ركاس ن العالم قطر أرفاين ؤثناين ؤعشرين أياو عاوذ ئلعابن أذعيارن أذزّيكظن ذي ثنّارين ذين ربعاض ئوذان أذفّورجن ذي قطر أذيرين مشَا ربعاضِث أذفّورجن بارا ن قطر ئغايرين ربعاضِث ؤتفوروجنشي تْواران نيغ ؤتويرين مرا ؤسوفين تسران خاس نيغ ؤخاس تسرين ذين حد أديبان ذين حد أخاس أرين ثِوارين ذين حد ؤديتبين خ ؤذوكان ربعاضِث أذغرين مرا حد ئويتيد أثجّن مرا حد ؤتِديوّي أثسْرين ون غا ياوين ركاس يوبح أثهنأن ذي ثنفورين ينّي ؤثيوينشي مرا خسارن أذّورن غا ثوذرين س رغاشي ذ ئمنّعيارن قّاع أذعاوذن من زْرين أشهبار محمد امنود 08/11/2022  Mohamed Achahbar · Qatar2022

 شحار ئقمّومن  شْحار ئقمّومن ذ ئقمقامن تتّن رحق نْ ميدن تْقمقامن جاراسن خ أياويا تْسدجامن ذي رْقمّث جاراسن تقسامن ظدجمن أيّاو شحار تْناقامن ربدا تَشَارن سكفن تْعزّامن دّاحان تحدجارن تحارامن مشَا عدمن رْمسكين تْقارامن تْحجّيفن غا ثمسّي تْقدّامن رعقور حنشن مشَا تْخمّامن تْواران تعقارن نّيمن تْعلّامن ذورنّاسن ئعبّوضن أم ئگرمامن دّاغرن قفرن ؤراون ذ ئسمّامن حد همرنث خ ؤمسرم تْذمّامن حد هبرنث ئ و أياويا تْرقّامن أشهبار محمد امنود 23/10/2022 

 رعذوَاث تَشَارنّانغ  ئرا نشنين ذ ئكّوحن وامي ئمّوث باباثنغ نوريد ذ ئيوجيرن أقا ذين حد ئحسذانغ شحار نخذم ثمورث نّغ رعذوَاث حطّانانغ حسذن تشكّيمن س مِن ؤيحرين قابرنّانغ رعذوَاث يازماسن ؤركّوض قا تَشَارنّانغ عاذ ذين غانغ ئيوجيرن أمّن حد ئتَشَارانغ نشنين شحار ئنخذم غا رمحنث ثكّا خانغ نخذم نيشان رْغش ؤثنسّين ميدن ئسْنانغ حد أقاث ذي رهنا نشنين غا تمارا ثنغانغ ئروخن قا ذين ربّثنغ يارحمانغ يارزقانغ ؤذين حد أم نتّا ئخرقانغ نسنيث ئسنانغ أغديطّف رحق وخّا ئظدجامن ظدجمنّانغ وخّا رعذوَاث مونَنْد ذ ئنظرامن ظرمنّانغ ربّثنغ حْسن نْعبذيث ربدا نْتاف ئتفكّايانغ نشنين نومن ئمسرمن كورشي ذ أيثماثنغ نشنين نومن ئمسرمن كورشي ذ أيثماثنغ أشهبار محمد امنود 22/10/2022 

 صنثم صنثم قا دّنيا ؤثتذومّي أ ثين ذ وين شحار ئغا ثدّارم قّاع أتزغم ثمضرين ون ؤيمّوثن أذيمّث ربعاض ؤتَتْويرين ذي دّنيايا ؤتغيمين قْوان نيغ ؤقوين وخا تشَارن أيوجير ظدجمن رْمسكين ئشفّارن ئصولان وخّا تْهزّان ثشوّاظين نثنين ذ ئخوّانَن فاغن ياش ؤتغيمين ياش أذنقظعن ؤتيرين أذهنان ؤهنّين مرا فهمن شي تْحوّاسن أزّون أذاوين غا جّيثن ئروخن ما تغيراسن ؤفنّين ؤغاسن من غا فهمن وَرا من غا أوين مرا ثوارم مايما أسنصّيوض ثبراثين أسنيني رْحقْ وخّا ئخوّانَن ؤتسذحين نشنين ثاوا ن ثمورث ذ ئريفيّن نشنين نشنين ثاوا ن راصر زي ينّي ؤيتنعدّين محمد صلّ عْلِيهْ وَسلّم زّايس نشنين ياش نشنين ذ ئمسرمن ئجمعانغ دّين مرا ئنعد خانغ حد ذين ربِّثْنغ ئسنين قّاع أثنينغ وخّا ئضوراسن ذي رسنين قّاع أثنينغ وخّا ئضوراسن ذي رسنين أشهبار محمد امنود 21/10/2022 

 زي ثوذارثَا أذخوان نگا رخير بزاف ذي ربعاضِث نجّيثن أذعذان عِوض أداسن غا رخط نثنين والو غا تنعدّان تارانانغ رخير ثمورث سخسارنت وگار ئطان سْعورشن ذايس أرينت ؤثسوي ؤخَا توعران تاران ئخفنسن ذ شي غا جّيثن قا عاذ أذفنان زعما مِن غا أرن ئخفنسن قّاع وگار ئمسعان ما تغيراسن مرا روخا وّينانغ رحق نّغ أذهنان والله ئمَا أذهنان قا عاذ زي ثوذارثَا أذخوان ذين ثوذارث نّضّن أذياربح ون ذاس غايبنان ذين ثوذارث نّضّن أذيخسار ون ئشّين ئوذان ؤفينانغ ذ ئيوجيرن ؤخَا تْسحقارن تتّن هدّان مشَا عاذ أذسْقارن ذي ثمسّي أذَّعقن أذتننّان مرا كْفارن ؤسريمنشي أذخسارن جْ أذراذان مرا نثنين ذ ئمسرمن ميمي ظدجمن خدجان تاشارن مِن ؤيدجين نسن ذ ئهارافن ئدجان أتِيغ ذين حد أذيِري ئگا من ئدجان ذ أصبحان مرا ئسرم نيشان ئبعّذ ئ مِن ئدجان ذ أعفّان أتِيغ أذينعم أديذور غا ؤبريذ ئسگذن ئشنان أتِيغ أذينعم أديذور غا رخط أذيوگور نيشان أشهبار محمد امنود 19/09/2022 

 أنيرظ زعامث غا صنّثم مليح أي أيث بوشيبوظ وخّا حد ئشّا رحق نّغ ئگا أعبّوظ رعوين ن راخاث ؤلابد أديصوظ شحار ئغا ثشّم ئخسّاوم ؤركّوظ نسّن ئرا غاوم أمزروي ذ أمزروظ عاذ أتنّوقارم أشكمدارن رحيوظ نش أذّافعغ ؤدجيغشي ذ أمقنوظ رْحق نّغ نّغ ؤثتيوين أيث بوباروظ  مرا حد ؤيزعّم أذيقّيم ذ أمهيوظ ئخسّا أنزعم أنيرظ زعامث أم أروظ ئخسّا أنزعم أنيرظ زعامث أم أروظ أشهبار محمد امنود 10/09/2022 

 حْشي ؤخَا حْشي  حْشي ذي ين ذانغ ئشاهن حْشي أقاثن خ ؤقيش حْشي ؤشا حْشي أقاثن خ ؤجيج حْشي ؤخَا حْشي رعذواث أذمثن ماشي ؤتمتّينشي ذي دّنيايا سكورشي ؤذاتغيمينشي وخّا غاسن شي أمخمي ؤغاسنشي منما غاسن كورشي ؤسنيتغيميشي ؤخَا أذزان غا ؤنضر أذازفن كورشي ئيّا ما أذنعدّن أذارن ئخفنسن ذ شي نثنين ذ والو تتّن تْكورومن كورشي شّين نيغ سْوين أمّن جوعن كورشي تتّن رحق ؤيوجير زغيراسن ؤتگّنشي أشهبار محمد امنود 09/09/2022 

 زعما نتّا ذ شي زعما نتّا ذ شي ئتكوّار ئغبّر يا حصراه زعما نتّا ذ رعاذر ئغرا مشَا غا يوري س ؤناقر ئتارا ئخفيس ئسّن نتّا ئقفر ئسم ؤثيوري نيشان ئدّاغر تجلمامٍ ئگاس تلجماما، ئحصر أخاس گغ ثقسّيسث ثفصّر ئطّف رفروس ئتخارس ئكمّر مشَا ؤيگي بو رخذمث ثعذر شي ؤثيگي نيشان وگار بوزْبر شي ؤثيگي نيشان وگار بوزْبر أشهبار محمد امنود 07/09/2022 

 غا تْزمّيغ أوارن غا تزمّيغ أوارن تاريغثن قّارغ ثِمنّا مرا سّيورغ ؤخَا سّيورغ س رْمعنا ذين حد أذيفهم حد ؤيتفهيم رمعنا أتيغ عاذ أدياس حد أسيِني من ئنّا أذزمّغ أوار وخّا رعذو ئتنحراي ئفنّا مرا حد ذ أخوّان تحسابن خاس شنّا مرا حد ئقّار نيشان تحسابنث ئتغنّا بناذم ؤيتيري حتّا طّاف ذي رهنا وخّا أقاث مْليح هانت ذين رْمحنا بناذم ئمّوثن ذ أمسرم ئحْياتْ ئهنَا كورشي ون ئدجان ذي دّنيايا ئتننّا مرا حد غاس ؤر ذ أحنين ؤخَا ئتحِنّا ذين حد ؤغاسشي ؤر ذ أحنين ئجنا ئتخايار ذي رخاوي ئتگ بلاناث ئبنّا زي من ئدجان نميدن ئتاوي أحنّا من غايذحا نتّا قّاع نيغ من غايعنا أشهبار محمد امنود 30/08/2022 

 ماشي كورشي  ئواها رْمخزن ذ أخوّان ذ رَمكزّن ئتكزّان ئتاوي ئگروان نميدن ئتاشار ئتتْ ئوذان ئتسحقار ئظدجم ئربّز شْعَبْ ئنق ئسگمان ئتحوّاس رحق نميدن ئتغشّا وگار أخوّان أعموذ ئتتّيث شْعَبْ س ؤمزيان ذ ؤمقران موخاس ئ شْعَبْ أذيخس رْمخزن أخوّان ئتاشارن ذي رميزانياث ئتغشّان رميزان مشَا ماشي كورشي ذين ؤذين ذ ئوذان شي أقاث هانت ئشّا ئسوا زي من ئدجان شي ؤيدجيشي هانت أزّوناست أثخران كور ثوارا أثمونِستان آزّوناست أثسّهوان أشهبار محمد امنود 29/08/2022 

ذين حد أثيغرب رْمخزن ئتاشارن شْعَبْ ذ أخوّان ئگا أم ئشْعَبْ مرا يوفا ئخفيس ئغرب ئسقاقا ذي رحس ئنقّب ئستّن ذي ثذت ئقدجب مرا حد ئطفيث أذيدّبدب مرا ئفرث ئطّاوْ أذيزّبزب غا ئروخن أخاس نْقَشّب ئحاريتيد راخاث أتقزّب أخوّان أذيخسار أذيصّب وخّا ئتنوفّار ذي رْقب قا عاذ أذيصار مرا ياكَّب أذيحصر مرا خ شي ياگَب وخّا غاس رسناح ئغرب وخّا يوشار ئخرا شْعَبْ ئكشّظ رْمسكين ئعشّب أذيمّث ذين حد أثيغرب ذي ثوذارثَا أذيدّار مْعدّب ذي ثوذارث نّضّن أذيخّب مرا ئخسار ئخاب أذيقّاقب غا دّنيايا أذيازو أديعقب ما زعما أديعقب أذيحارب ؤديتعقيبشي وخّا ئجارب ؤديتعقيبشي ؤخا أذيجارب أشهبار محمد امنود 29/08/2022 

 غاي جيج ئغاي ربعاض ئذسن خْسن أذسنَن من غاي روخا نش من غاي، غاي جيج ئغاي ؤخا زعرودجومن صُوگْضن حطّاناي تْغيراسن مايس ذاسن دكّيغ حسذنّاي ؤخَا تْشتّاحن قّارن من ؤيدجين خاي أزّون أينغن مري ؤفين أتاف شّيناي غا تخطّاطن مري ؤفين أتاف نْغيناي ئروخن أقاثن خ ؤجيج وگار ئمتّوكاي ئروخن أقاثن خ ؤجيج وگار ئمتّوكاي أشهبار محمد امنود 27/08/2022 

 حصرن مرا شّينانغ  موخاس غا نگ أنحِب رْمخزن نتّا ذ أخوّان ئتاشارانغ ؤخَا ئتاويانغ زي ثمورث ئدنوارث ؤخَا ئسظوقوزانغ نشنين نوريد ذ ئيوجيرن نسبنغير غا تمارا ثكّا خانغ شحار ئنخذم را نشنين خ ثمورث رعذواث حسذنّانغ عاذ جْماعث زي رْمخزن غا ذورن طرايّان تاشارنّانغ أستِق ذ ئطان غا ستنَن شْطِطّيحن ذ ئمجواع تتّنّانغ ما زغيراسن ؤتمتّين ياش ذين ربِّثْنغ ئسنيثن ئسنَانغ شْبار مرا وّيناغث وِثَن غايفكّن حصرن مرا شّينانغ عاذ أذمثن دّنيا أتقظا وخّا حد ئسّحقارانغ يوشارانغ أشهبار محمد امنود 28/08/2022