ئنّاش سمحث  ثمّورث نّغ خْسن أتاشارن ئخوّانَن ؤيسوينشي عاذ بوكاشيش بويجاوان ئنّاش ؤغاوم ذينشي ئنّاش وخّا نْوم سمحث ئروخن ها ئقيم ذينشي حد ئنّاش سمحث ذي رحق نْوم سْبدّث كورشي مشَا نشنين ئمسرمن أگرا نّغ ؤذايس نْسمّحشي أخاس نمّث مرا شّينانغ قا عاذ أذارزفن كورشي عاذ أسنيقظا كورشي ذي ثوذارثَا ؤتغيمينشي بزّز خاسن أذمّوتين عاذ ئوذان أدنبعثن كورشي  مرا حد ئسقط ذي ثمسّي أذينّخشا ؤيفدجثشي مرا حد ئنجح جّنّثْ أتيزذغ ئ ربدا ؤديتفّغشي أشهبار محمد امنود 03/04/2022 

 أنذحا ذ شار قّاع من ئدجان زگ شار كورشي تافنث ذگ شار تتّن من ئدجان زگ شار سسّن زي سْما ذ ؤشار تْنگراون گورن خ ؤشار تمتّان تذوارن غا ؤشار غا أذگّوجن تاوين شبار أذارشّان ئتتّيثن ؤشار أذنفوين أذذْحان ذ شار قا عاذ أدنبعثن زگ شار أموخ ذي ثوذارثَا ندّار عاذ ذي ثوذارثين أندّار أشهبار محمد امنود 17/03/2022

 عماس نخدجسيث قّاع من ذانغ ئوْشا ربِّثْنغ عماس نْخدجسيث ئوْشانغ كورشي زي كورشي نحمذ نشكاريث يارزقانغ يارحمانغ شي نْتتّيث شي نْسسّيث نسّن نقّار نْتسرا نگّور نسوَزّاظ شي نْتگّيث الحمد لله نشنين ذ ئمسرمن رّسول نومنيث من ذانغ ئنّا نتّيقيث ربِّثْنغ نسنيث نْعبذيث قّاع ئخرقانغ شي ئتسدّاريث شي ئنقّيث ربِّثْنغ ؤذين حد أم نتّا ؤذين حد ئخرقيث ربِّثْنغ ؤذين حد أم نتّا ؤذين حد ئخرقيث أشهبار محمد امنود 15/03/2022 Mohamed Achahbar · عماس نخدجسيث

 رحق نّغ  ‏رحق نّغ ثتاويمانغث ثقّارمانغ روحث أتدعيم ؤمي ئشكُوم ندعا ثتاسمد ثقّارم ميمي ثدعيم شحار ما ثوشارم ثشّيمانغث ذي ثمسّي أتيريم أتشّم ثمسّي غا ئعبّوضن نْوَم ذي جهنم أتفسّيم ما زعما ؤثتمتّيم قا شبار نّي واللهْ حتا أتاويم شحار ما ثگاوَم ئگروان أكيذوَم شي ؤتكسّيم زي ثوذارثَا أتارحرم غا ثوذارث نّضّن أتمّوتيم كورشي أذيقظا ؤيتغيميشي را ذ ماي ثدجيم شحار ما ثحارمد أتيغ أتصارم شحار ما ثنديم أتيغ عاذ ذي تراپّاث أتوظام شحار ما ثغزيم أتيغ عاذ ذي تراپّاث أتوظام شحار ما ثغزيم أشهبار محمد امنود  14/03/2022

مرا ثخشّد شي ن رواراث ئذسن رعقر ئنّوقباسن غاك شي تاذسنجد ؤغاكشي تْنقباسن شارسن تقوّاسن تعسّاسن تمحدجاسن  ذ ئخوّانَن زي رحق نّغ تاوين تْحوّاسن ما تْغيراسن ؤتمتّين قا عاذ أذنمخسن بوحبر أذيفّغ راخاث واللهْ حتَّا أتقّاسن بزّز ئوا ئناسن ؤتمتّين مرا ثتاوظاسن قّاع أذمثن مرا ؤسّان نسن قظاناسن مرا ثخشّاسند ؤخَا ثوذارثَا ثكَمراسن أذراحن ماي نّضّن ؤخا أذين تخارسن أذراحن ماي نّضّن ؤخا أذين تخارسن أشهبار محمد امنود ١٣/٠٣/٢٠٢٢  Mohamed Achahbar · مرا ثخشّد.m4a

 قّاع أذارحرن من سّاغن تْغدجارنث تْقوارنث ئهارافن ئصولان  أرحبي تْحوّاسنث مرا ثجّيذاسن مِتروا أذعذان  أگرا نّغ تْمندارن خاس ميمي ذاغ تْراذان تنعدّان مشا أسن ثتواحشا وخّا أزّون غا من غا حْشان أج أذاشارن والله حاما مّوثن زي دّنيايا أذخران أذارحرن غا ئمضران قا دّنيايا ؤثتذومّي ئيوذان قا عاذ أذتخارسن مرا نثنين گين شي ذ أعفّان قّاع أذارحرن ئتغيما غا مرا گين شي ذ أصبحان قّاع أذارحرن ئتغيما غا مرا گين شي ذ أصبحان أشهبار محمد امنود ١٢/٠٣/٢٠٢٢  Mohamed Achahbar · قّاع أذارحرن.m4a

 أموخ نسّن  أموخ نسّن ئمسرمن ؤتنعدّينشي تطفن ئقمّومن مشَا بانَند شيذسن ؤشحمرن ئمكن أمّن ئنّومن ئخ يا جْماعث گين ئلاقوصن غا زعرودجومن  حطّانش موخ ثتزادجيث سّوارن خاش تّمتومن دّاحان زعما ذ ئمسرمن نثنين ؤرصوضن غومّن گين أم ئزومبيّن ئگ تتّن ئوذان تدمن تْهمهومن مشَا ماشي قّاعنت ذين حد ذ أمسرم ذ رمومن ينّي ئدجان ذ ئمسرمن عبذن نيشان ؤر يومن ؤدجي تقابارن تجسّاسن خ ؤمسرم تْشمشومن مرا ؤفيناست فارحن مرا والو أخّوند ئندرومن مرا ؤفيناست فارحن مرا والو أخّوند ئندرومن أشهبار محمد امنود ١١/٠٣/٢٠٢٢  Mohamed Achahbar · أموخ نسّن.m4a

 نتنارزاق ديمَا أرزق نتّا أَم ؤنزار ئديشّاثن زي سْما ئتاريد زي ثمورث ذ ربحار غا مايمَا أطّاس نيغ شوايت ئسمظ نيغ ئحْما موخما يدجا حد ربدا ئتنارزاق دِيمَا ئتسرا نيغ ؤيتسري ئتوارا نيغ ئعمَا ربِّثْنغ يارزقانغ قّاع ؤذين حد أم نتّا ذ نتّا ئذانغ ئخرقن نْتتّار غاس نهنا ئكافانغ كورشي نسّن نْتسرا نتوارا ئعتقانغ يارحمانغ زي ثمورث ذ سْما  ئگانغ أموخ وخّا نهرش قْدر أنگّنفا ئگانغ أموخ وخّا نهرش قْدر أنگّنفا أشهبار محمد امنود ٠٦/٠٣/٢٠٢٢  Mohamed Achahbar · نتنارزاق ديمَا.m4a

 رو  رو أ روسيا قا ثِمورا ئثحارقذ أشمارزنت أموخ أرزنت ثمبراطورين ئفاثن ؤقّيمنت شحار ئرا جهذنت طغانت قسحنت نقّنت  شي ئتوامحا شي ئتنأساس شي أداسنت ثوذارثَا أميا ئثدجا ثنّي ئضعفن عدمنت ثنّي ئجهذن ثهجّم ثتصفّانت ؤخا توگذنت ثتعاناسنت قابو ثتاشار ؤخا بزّز تخسنت ثتعاناسنت قابو ثتاشار ؤخا بزّز تخسنت أشهبار محمد امنود ٠٥/٠٣/٢٠٢٢  Mohamed Achahbar · رو

أرّاصا  وخّا ذي روسيا ذين بوتين ذ أرّاصا عاذ ذي كْيِف أذياس رحار أذيارَصّا مشَا مرا ؤيطيع ئطغا ئسيغي ئعصا أذياف ئخفينس وحذس أذيتّقصا ئتامار ئنق ئحارق ئتغامار ئتوصّا ئمجّار ئوذان أمشناو ئمجّار رفصّا ئشّاث س ئزومبيّن ئبزّق دْواصا ئذور ذ أحظيظ ئخسّاس مصّاصا ئذور ذ أحظيظ ئخسّاس مصّاصا أشهبار محمد امنود ٠٣/٠٣/٢٠٢٢ 

 أينّي ئوضن أينّي ئوْضن ؤذاين ئصهيونَنْ شْحن زوْغن زگزون شْمرن واغن شْحشحن ئزايونَن نقّن تْزلاّفن تْشتّاحن تشحن ئعثراس ئمَتراس تارسن نْقشحن ئمْسيحن نسيحن ئمشيحن مشحن فيحن تحيّاحن تنحنيحن فشحن مرا قشعن شي نْشقشن قّوشحن تْرشحن ؤبحن شّين عاوذ تْرشحن شي ؤثگين أمّن تگن زعما نجحن من گين ؤگينشي مْحناشن قّوفحن أشهبار محمد امنود ٠٣/٠٣/٢٠٢٢ 

 أذروْسن  ‏قّاع ينّي ئطغان ذي ثمورث ئذفراون ئمّارسن شحار ما تْموذن تمروروذن مرا ؤگين أذارسن عاذ أذنسَن أذنحرسن أذروْسن زْرض أثارسن بسرن نيغ بّاسرن مرا مْساسارن بذان فارسن عاذ أذنهارسن أذمّارسن أذنقارسن أذنجارسن وخّا شّين سْوين تارسن من أربون أثسّارسن أذوسارن أذنقوسن بزّز أذمثن ؤخَا أذتخارسن أذوسارن أذنقوسن بزّز أذمثن ؤخَا أذتخارسن أشهبار محمد امنود ٠٢/٠٣/٢٠٢٢  Mohamed Achahbar · أذروْسن

 زعما قسحن ئصهيونَنْ دّاحان زعما قسحن تْزيّارن مشَا تّون س رموث تمزراگن تمحيّارن رسمن زّين ذ أشمرار تسوگان تعيارن أغنزور ئنقبحاسن تمْتاراشن تنْقشّارن حشاناسنت نديناسن ؤسّا وثنيغارن گين أري ئ بوثَزَارث غا گيرّا نْجارن ميمّي ثمّورث ن ميدن خسن أتحارن من ئدجان نْميدن نْميدن ئخسّا أثارن أذفغن أذرمذن أذزمّن أذترون أذقّارن أذفغن أذرمذن أذزمّن أذترون أذقّارن أشهبار محمد امنود ٠١/٠٣/٢٠٢٢  Mohamed Achahbar · زعما قسحن

 حد ئتدّز حد سْبع ئگا قّز دُّوب ئگا بّز ثنِنَّا ثتْحوّاق ثْكسّي ثْربّز ئخّابر رْحار رعوش ئنهز يازيظ ئنقّب ئرمّذ أذيفَز والو س ئرس ما أذيغَز رقيذ ئنطّو أقزين ئهارَز موش ئتزّر ثارفسا ثارَز حد خ حد ئتومرا ئشارَز حد ئسدوبّوز حد ئتدّز حد ئتهروبّوز حد ئكمّز حد ئدم أگنشيش ئوّزوَز حد ئوثا ذگ ؤر ئدّزدَز حد ثْشارگاس ئطّزطَز أشهبار محمد امنود ٢٨/٠٢/٢٠٢٢ 

 حاين أروسي بوتين ذ ويكيذس ثمّجراسن أم ونّي ئقّيمن ذگ ئسنّانَنْ سْبدّنث شافنث سْنشفنث ئقبّوحن زوغن ئطنفيفن تْبانَنْ قدذنث ؤگرنث قّاع منزي ئديسوگ ؤكرانيّن فاقن حانَنْ فاسنّاس طياراث طنوگاث أروسي ئنحاي وخّا ئمغانَنْ ئروسيّن نْباين ذعقن قّيمن شْرن ؤكرانيّن شّاثن فارنَنْ أشهبار محمد امنود 28/02/2022 

 مشَا ثوفاست  ‏شحار زيوامي أمريكا ثندياس ئ روسيا ثتاف ثا ثتزلاّف ثا ثتحلاّف ثا ثتحلاّف ثا ثتزلاّف  مشَا روخا ؤفيناست عزرنت بوتين ئتمجيّاف نتّا ذ ويكيذس طْغان شي ئنق شي ئسّنشاف شي ئسظوقوز شي يادّر شي خ شي ئتهراف شي ئحارق مشَا شي ئبارق جّينث ئتمسنداف ئراح ياحر ئطّس أذيودّار أسثقّوري ئ عزّاف ئراح ياحر ئطّس أذيودّار أسثقّوري ئ عزّاف أشهبار محمد امنود ٢٧/٠٢/٢٠٢٢ 

 يارنّي ذگْسنت بناذم أعفّان وخّا ثسبدّيت نتّا ئغطريش مِنما ثسّوفغذ غاس عاذ نتّا ئتحزّاقيش مرا يوفا من غايحشا ئحشّا ئتُوكّاريش ئتارا ئوذان ذ ؤذاين نتّا ئگا أم ؤمحبيش ويث ئحسبن ئرا يدجا وگار بوطنشيش زي ثيذي ن أيثماس ئتكيّاف ئتحشّيش ئخدجاش ذي ثنعاشين ربدا ئتصدّاعيش  عاذ يارنّي ذگسنت ئتعاراض ئسنفقاسيش عاذ يارنّي ذگسنت ئتعاراض ئسنفقاسيش أشهبار محمد امنود ٢١/٠٢/٢٠٢٢  Mohamed Achahbar · يارنّي ذگْسنت

 أمسرم ئتبان أمسرم وخّا سبارشنَنْث ذُّنُوب غاس ؤر ذ أشمرار غا أذيتوب نتّا أم تْمار ئتبان ذگ أغمبوب أَمْ سّانوج مرا ئسيور ذ أروب رعقر ذ أمزذاگ نتّا ذ أمحبوب ئزريث حد ئتغيما ئستُعجوب مشَا ونّي ئكْفارن غا ئدّبدوب ؤر ئذقّساس أدجي ئتقاقوب ئتوگذ أميا وه ئتوگذ أعربوب را نتّا ئتفهام مشَا س رمقروب أهداس قا عاذ أذيقس لْمركوب عاذ أثتشان ذي شي أم أقبوب أشهبار محمد امنود ١٩/٠٢/٢٠٢٢ 

 شي ن حد ئوذان مرا أزين خ حد ثطاوين أثازن أذقّيمن تتْباعنْث ؤفين شي أثسفازن مرا ؤگ ؤفين شي أسحفّارن أسقّازن أذسنعميرن تخسنث أسندّين أثتحازن من غا گن قّاع وخّا ربعاض ذ ئمذيازن تتّن رمسكين مرا ؤفين أخاس شازن مرا شي ن حد ئسّن أذيوزن من ئفازن مرا شي ن حد ؤيسّينشي ئمنثيحازن أشهبار محمد امنود 18/02/2022  

نومن نتّيق  بانَند ربعاض ئدجّارن تشتّاحن ذ أغاريق أذيراح رحار أدياس ئتباند حد ئسخاريق ئتارا ئخفنّس ذ رّسول ئقّار شي ؤيتريق نثنين غا تخاباقن حد زگسن غا ئتزقزيق مشَا نّبي محمد نتّا ذ رّسول ذ أحقيق صلّ عليه وسلم ئنّا رحق ؤينّي أخاريق نتّا ذ أنگّارو ن رّسل من ينّا قّاع ئريق شحار ئگ ينّا شي ئخرق شي ؤيخريق من ئخرقن قا ئخرق نشنين نومن نتّيق من ؤيخريقن عاذ أذيخرق ئخسّا أثنتّيق من ؤيخريقن عاذ أذيخرق ئخسّا أثنتّيق أشهبار محمد امنود 18/02/2022  Mohamed Achahbar · نومن نتّيق.m4a