يوشار جدّس  أقارقاش يوشار جدّس أذيمّث ؤخَا أذيتخارس من يوشار ئقظا مشَا رعيب يوغا خاس ئقارس ئخسّاس قْبر ما أذيگ رعيب مري ئري ئخارس ئخ يا ماركا ئسغار ثبرات ئزوّاريت سّن ئفارس س نتّا ذ رْواشونيس ئدّار خ لْحيلاث ئسغارس ون ئفْغن أبريذ ئنضرقن ئخسّاس حد أثيهارس قا دّنيا ؤثتذومّي وخّا حد ؤيجّي من ؤيعارس كورشي أذيقظا ثوذارثَا أتفنا بناذم أتيديسّارس ذي دّنيا ؤيتغيمي حد عاذ أقارقاش أذيتخارس ذي دّنيا ؤيتغيمي حد عاذ أقارقاش أذيتخارس أشهبار محمد امنود 25/06/2022 

 ئخ يا ماركا ئخ يا ماركا ئوذان خ ثمورث حسذنّانغ سْموتويَن ئگميرن ؤخَا تدمن تاشارنّانغ ما زْغيراسن ؤتمتّين زي ثمزي شاهنّانغ مشَا بزّز خاسن أذمثن أسنيساخ وانغ ربِّثْنغ أثنينغ ئجّيج أموخ قّاع ئخرقانغ ذين عاذ رحساب ما أذينين سمحمّانغ ؤذين بورسماحث وخّا قّارن عثقمّانغ مرا راحن غا ثمسّي وخّا قّارن فكّمّانغ ؤذين حد أذيفك ظُّولاّم مرا ظرمنّانغ نشنين غا جّنّثْ أتاف ربِّثْنغ ئسّيذفانغ ياش نشنين ذ ئمسرمن ربِّثْنغ ئوعدانغ ياش نشنين ذ ئمسرمن ربِّثْنغ ئوعدانغ أشهبار محمد امنود 24/06/2022 

 ئفُتَيْحيّن ئفُتَيْحيّن ذ ئخوّانَن ضدجمن ئوذان س روسخ شورن صارضن أم ئرفان تْسحقارن رْمسكين تْراذانث تنعدّان دّارن خ تّفلايس ؤر نسن ذ أبرشان ذ ئمفلسن ئگ دجان سّاغن زْنوزان أك أياويا تْحامان خ ميدن تمحامان  تبعن دّنيا جُوعن تْحوّاسن تْغاران زگ أگرا ن ميدن غا تدمن تْحاران مرا ؤفينت ئحد معقول أثنغن أثهنّان تسنَن غا رفروس وه ئوّيثن شّيطان مشَا غا جّيثن أذدّودَارن عاذ أذقظان واللهْ حمَا مّوتين بزّز أذمثن أذارشان ثوذارثَا ؤسنثتذومّيشي عاذ أذفنان حْشي دّنيا أسنثقظا ذ شار ئغا ذْحان حْشي دّنيا أسنثقظا ذ والو ئغا ذْحان أشهبار محمد امنود 22/06/2022 

 بناذم أَمْ بوريش ثومات ؤشثتخس بو رخير مرا ثحسذيش  وخّا ثخسذ أتگذ شي ثومات ثتسحقاريش مشَا مرا ؤشثحسذشي ثتعاوان قا ثسنِيش حد ثْتقْسذّاس ئتْعاوانيش منزي قا ئسنِيش ذين ربعاض أزّونت ئخفنسن أقاثن خ ؤقيش ئخسّا بناذم أذيسّن قا منما غاس أذيِعيش غاس ذروست نيغ دُونّيث أذيِعيش أذيِعيش وخّا بناذم غاس منما غاس دّنيا ؤثتذومّيش أتاس روقت من ئدجان ذي دّنيا ؤيتغيميش ؤمي ذين رموث ؤذينشي بناذم أم بوريش ؤمي ذين رموث ؤذينشي بناذم أم بوريش أشهبار محمد امنود 16/06/2022 

 گين أم كلوبو ئسيّاسيّن مرا تّحصارن ذي لِنتِخاب أغاك دازرَن مرا حاثن ؤشتسنَن مرا ؤفيناكت ؤخاك تعقيرَن تِشّن أوار ؤيتفّغ تْنفراگن تطفن رقنوت تْنوفّارن گين أم كلوبو توفّن نّوقبَن مرا ؤشدّن أروگرَن ئزدجيفن ئخْوان س رهوا توفّن أم بالون قفرن مرا ذين حد أم نثنين سنّج نْسن أسْثَنشقِيقرن مرا ذين حد أم نثنين سْوَادّاي نْسن أثشقِيقرن خ أياويا تومران حد سْقاذانث ذايسن ئشفّارن  سْغوران رْفيهم أربّون جاراسن فارقن تْسقّارن ثسغارث ئوين ذ وين أينّي ئتاوضن تْسَسْقارن ثسغارث ئوين ذ وين أينّي ئتاوضن تْسَسْقارن أشهبار محمد امنود 15/06/2022 

ئخسار ؤحگّار بناذم ئگ ئسّوگّاذن س ثخذميث ئخسار مرا والو من غايكيّف وحذس وه ئسَّوار يمّاس ئسّهراشيت خ ثنعاشين كور نهار ئقّاراس أويثنْتيد حما أذيكيّف أذيبخّار ئقارظ بزّاف ئتزلاف ئتسيّاب وه ئنطّار ؤيتاثِير ؤيتِحثِير يوفيت خ حد ئتحگار زي مّيدن ئتعجيجّي ئتوگذيثن ئتنوفّار ئتبع تّفلايس حْشاناست ئتّبرا س زْمار مرا يوگي أذيعذر ئخْفِيس عاذ أذيزَار زْمان زْذاثيس ئتمغور ئتراح غا ثوسار أقاث خ ؤجيج يوگر ثوذارثيس أسيذبّار أقاث خ ؤجيج يوگر ثوذارثيس أسيذبّار أشهبار محمد امنود 29/05/2022 

 رْحق أثنيني بناذم غا أذيِعيش ئيّا ما أذيسَدج ئيّا ما أذيزَار ثوذارثَا موخما ثدجا ثيزيظ نيغ ثارزاگ أتندّار ئوذان ذايسن ؤذايسن رحق أثنيني ؤ أثنظفار ئصبحانَنْ دْجان تْعاوانَنْ تمعاوانَن خاسن سّار تگّن رْخير جاراسن مرا سْنَنْ مّارن ذْ حد ئقّار  را ذ ئعفّانَنْ دْجان مشَا ئخسّا أنتفكّار أنتحزّار قْبَرْ ما أنگ شي نيغ أنيني شي ئخسّا أنفكّار مايمّي ئدنتواخرق قا ؤدجي خ أياويا أنتعفّار نشنين ئمسرمن ئخسّا مايْما ندْجا أنسَگّذ أنحَار نشنين ئمسرمن ئخسّا مِگْمَا ندْجا أنزيّار أنصبَار ربِّثْنغ أسنطاع أثنعبذ نيشان أنزّادج أغاس نتّار ربِّثْنغ أسنطاع أثنعبذ نيشان أنزّادج أغاس نتّار أشهبار محمد امنود 28/05/2022 

 صنّث أ ثين أ وين  صنّث أ ثين أ وين غار رمذ نفّس س ثنفاس مرا ثگّورذ وْزَن ئصوراف س ثشري ؤتعفّاس مرا ثسّيوْرذ وْزَن أوار قارطسيث ؤتتْكفّاس رْخير گيث غا عاشار بناذم ئصبحن أذساس مشَا رْعيب ؤثتگ غار بناذم ئقبحن بعذاس أبريذ ئسگذن زيد گس من ؤيسگذن ئكفاس حما أتدّارذ ئج ن ثوذارث هانت غا عمذاس نشنين ئمسرمن عاذ أناربَح ئنيت عاوذاس ذ ئحنِينَنْ ئندجا نْخس جّنّثْ ئنيت عاوذاس ذ ئحنِينَنْ ئندجا نْخس جّنّثْ ئنيت عاوذاس أشهبار محمد امنود 26/05/2022 

 نش ذ أمسرم  أمسرم ئسرم يومن ئظفار ئتبع دّين أمسرم ئسّن شواي ئتصدّاق ؤيتبين شحار ئزّودجن ذايس أثنغن ؤثنغين تغيراسن قا مرا نغينث نثنين ؤتمتّين مرا نغيناي أذهنيغ زي دّنيا ؤيسوين مرا شي ئشثاباي رعذواث ؤثتارين ؤذين حد شاهغث إلا رعذو ن دّين ثمسرنت زّايس نش ئذامّن سْوين ثمسرنت ذ دّين ئنو أيا ثين ذ وين نش أذمثغ ذ أمسرم ذ أسُنّي ئعين أتيغ جّنّثْ أتاذفغ أذزذغغ ربدا ذين ؤذين بو ربّيّاث بزاف، ربّي ئج ئذين ؤذين بو ربّيّاث بزاف، ربّي ئج ئذين أشهبار محمد امنود 12/05/2022 

 زي دّنيا قا ثفّغ  قّيمن شْرن ئفوطوثن ن شيرين قّيمن شْرن ئخبّورن خ شيرين ؤذاين نْغينت نكارن ؤتسذحين بزاف ئتوّي ؤخبّور خ فلسطين نتّاث ئرا ثفطح ؤذاين منما گين مرا تنعدّان نيغ هذمن نيغ نْغين شحار ئتبان ذي الجزيرة ئتزرين أوار نّس ئقّس ؤذاين ئسبوهرِين زي دّنيا قا ثفّغ ؤرين عاذ أذارين زي دّنيا قا ثفّغ نّان عاذ أذينين أشهبار محمد امنود 12/05/2022 

 أقاثن خ ؤجيج  ربعاضِث وخّا حسذنّاي أقاثن خ ؤجيج أذمثن أذمثن وخّا دّارن ؤسّان ذ أغبّيج وخّا غاسن أگرا كورشي أذيذور ذ أريج وخّا دّاحان ؤتخوفن ؤر نسن أذيعجيج وخّا قربن ثيرا مشَا أوارن أسنگن أبعّيج ئقسح أسنفهمن شحار ؤيغرين ماغدّيج ذ ئمحساذن قفرن خاسن ئزران أغنّيج من حسذن ؤثتيفنشي قبحن أم ؤبجيج أذهنان ؤهنّين دّات مرا ثوسار أتعجيج أذهنان ؤهنّين دّات مرا ثوسار أتعجيج أشهبار محمد امنود 10/05/2022 

 ؤخا أذتخارسن  ربعاض تحكامن مشَا نثنين غا ذ ئخمّاسن وخّا خذمن رسناح وخّا ئقّار حد قا غاسن مري ئدغا سمونَن قّاع ربومباث نِّي غاسن قّاع من ئطّوقوزن وخّا أثستفن أثسّارسن وخّا گين أرهاج وخّا سظوقزن من غاسن ؤتْسوْقين دّنيا رموث ؤسزمّارن أسغاسن عاذ أذمثن ئج ئج وخّا سّقسيحن فارسن نقّن أيذوذ رمسكين ئمخومبار تسبابناسن حسذن أياويا تاغنتْ تْموغزارن جاراسن حارقن تْنحراقن ؤخا خسّارن من غاسن عاذ أذانفن زي ثوذارثَا أذنفويَن أذنهارسن أذراحن غا ثوذارث نّضّن ؤخا أذتخارسن  أذراحن غا ثوذارث نّضّن ؤخا أذتخارسن  أشهبار محمد  امنود  10/05/2022 

 سْتوك صنّث سْحس سَدج أوار ربار ئهوّر ربحار ئتنهوار حد ئتَتْ حد ئنق ئتخوّار  شْت سْغذ سْتوك سْقار تَتْ تْقاس تْسقسا خزّار سْرم آمن تْبع وه ظْفار زوم صدّق زّادج صْبار رْمذ أتسنذ قّار غار سْغار سّن سرمذ ؤمارنش أمَار أري ثيرا سْتِذت سطّار ئني رحق، رباطر ؤثقّار ئني رحق، رباطر ؤثقّار أشهبار محمد امنود 09/05/2022 

 سْنغ شي وخّا رجيوب حبّاشي رفروس ؤغاريشي غاري أگرا گيغ شاشي ؤذفغ ذي رغاشي زارغ سْنغ شي زي شي سْنغ شي خ شي حشي ذي كورشي دّنيا ؤسنثتذومّيشي وخّا شْحن خ شي وّين شي شّين شي قا رباطر مرا ئتبوشا رحق ؤيتبوشيشي ئخسّانغ ؤنتتّوشي قا قّاع ؤذانتغيميشي قّاع أنمّث كورشي زي ندجا ؤنتيريشي عاذ أدنتوابعث ذ شي روخن ؤنتمتّيشي عاذ أدنتوابعث ذ شي روخن ؤنتمتّيشي  أشهبار محمد امنود 09/05/2022 

 شْعايبوت مرا ئوذان قّاع أم شْعايبوت ئخ يا ماركا  غا زعرودجومن حطّان أستِق شّين ميكا بوثعبّوط شحار ما يفهم أذيمّث أذيارشا مرا ئشّا ئسوَا ئشهذ زّور ؤسثتذومّي دّنيا بناذم شحار غا ئبد قّاع أذيسراو أذيوظا أمغرور ئثوّي دّنيا أتيخسار عاذ أسثقظا أجهريوْ ؤيغرين مرا غْرين خاس ئتسطّا موخما يدّار حد أذياحَر وخّا ئقابر ئحطّا وخّا ئگا أرف ن رحساب أذيگّام أذيقطّا وخّا ئگا أرف ن رحساب أذيگّام أذيقطّا أشهبار محمد امنود 07/04/2022 

 ؤتغيمين بو ذي دّنيا ئوذان ئعفّانَن غا حطّانش س ئلاقوصن ؤسّا مِن ثن يوغن ؤرا من ذاسن ئنقصن قّارن من ؤيدجين حسذنش تسغراصن سْنغ ربِّثْنغ ئسناي أهداسن أذمّورضصن مشَا ئوذان ئصبحانن خدمن شْغر نْسن مايْما كّين منما گين ربِّثْنغ أقاث أكيسن سْنَن قا عاذ أذمّوتين ذي ثندتش أذنسن ئوذان أذمثن أذارشان أذنفوين أذفتوتسن ؤتغيمين بو ذي دّنيا سير ؤخا أذتخارسن ؤتغيمين بو ذي دّنيا سير ؤخا أذتخارسن  أشهبار محمد امنود 01/04/2022 

 سْنغ من قّارغ  نش تفكّارغ ذي جّنّثْ أغاس راحغ قّاع ؤداريغ رخبار خ ربِّثْنغ تْشارغ دّونّيثَا ؤيثهم موخما ثدجا أتدّارغ سْنغ ربِّي ئسناي را ذ نّش صبّارغ سْنغ من تگّغ توابِّغ سْنغ من قّارغ ئنَاي من تگّغ ئحد من تسخسارغ نش خدمغ شْغر ئنو ربدا تقابارغ غا ربّي خزارغ ؤخَا رمذغ قّارغ غا ربّي خزارغ ؤخَا رمذغ قّارغ أشهبار محمد امنود 29/04/2022 

  سْنغث ئسناي  وخّا نش شّيغت ثووري ؤسزميرغ مشَا تشبّارغ ثنعاشين ؤثندتَحسيبغ را ذ نّش قارضغ تصدّاقغ ؤتشفّيرغ عبذغ ربِّثْنغ نيشان نش ؤسحاريبغ سْنغث ئسناي، عاذ أكرا ئنو أثفيرغ أذشّغ أذسوَغ أذارحرغ ؤثتفيريرغ دُّنّيثَا أتقظا أتيغ زي ثمسّي أذفرثغ أتيغ جّنّثْ أتاذفغ ربدا أذين زذغغ مرا ربِّي يارحماي عمّاس أذخسارغ مرا ربِّي يارحماي عمّاس أذخسارغ أشهبار محمد امنود 29/04/2022 

 أرزمند أقمّوم  مرا وّينانغ ثمورث نيغ شّينانغ رحق نّغ ؤقّيم عاذ أذصوتغ نيغ عاذ أك حد أذكّغ واگار ئطان جّيونَن زايسن بعدا ؤيسغ كورشي أرزمند أقمّوم أزّون أكيسن كّغ ياش ذي من ئعذان كّيغ أكيسن صوتغ من گين شّين ؤشارن شارگن ماجع نّغ عاذ أزّون أذاوين أزگن زي ثمورث نّغ تجّانش أتايسذ مرا حد يوبح أذينّغنغ شحار قفرن سّنزاغن غاسن ؤر يوزّغ ذي ثوذارثَا تْهوفن صارضن تقنَن مازَغ ربّي مرا ئعاوناي زخ رحق نّغ أثنحازغ ربّي مرا ئعاوناي زخ رحق نّغ أثنحازغ أشهبار محمد امنود  28/04/2022 

 جْ أذعذان  ؤنكّيس بو أبريذ ئحد جْ ئوذان أذعذان غانغ غا الله تعالى ئج ن رجار ذ أمقران مشَا ربعاضِث شاهنّانغ حسذنّانغ تنعدّان ئوذان ئعفّانَن ئصبحانن ؤخظين أمشان مشَا من ئدجان نّغ نّغ وخّا نجّيثن عدّان مرا نحذاجّيث مرا نوسد غاس قا ئبان مرا حد ئتنعدّا ئتاشارانغ أتاف ذ أخوّان مرا حد ئتنعدّا ئتاشارانغ أتاف ذ أخوّان  أشهبار محمد امنود 27/04/2022  Mohamed Achahbar · جْ أذعذان.m4a