خسن أذانغ أشَارن  ‏نوريد ذ ئيوجيرن ربعاضِث خسن أذانغ أشَارن ربّثنغ تّونث زغيراسن أذقّيمن ذي ثوذارثَا دّارن مشَا عاذ أذمثن غا ثوذارث نّضّن أذتواهاجارن بزّز خاسن أذزذغن ئمضران ذگ شار أذودّارن مارّا من غاسن أذيراح مرا حوسن شي أثيذارن مرا ظرمن شّين ؤشارن أذتواعصارن أذسقارن مرا ظرمن شّين ؤشارن أذتواعصارن أذسقارن أشهبار محمد امنود 31/12/2021

 نقعن تقفقوفن  ينّي ئنقعن ذي رحرام ربدا تقفقوفن ؤخَا تگّن رحساباث متاف ؤثنتطفن نقّن دّات زدجگن جبذن سسّن سكفن تْصوضن وه أرجفن تحواسن تهارافن تْباسارن سقظن ذي دْراهم عدجفن ذدجقن ئشمّوسن خ رواشون حجفن ذورن أم ئميان س ثمدجي تْنغرافن تغاغورن نشفن قّارن أوارن مْشقّافن دّاحان ؤسنمّيرن مشا قفرن غا تهوفن زغيراسن ؤتنزريفن مشا عاذ أذنزرفن مرا كْفارن ؤخَا نزفن غا ثندتش ؤذفن أتاف صافي نْقجّن غا ثوذارثين ؤنفن غا دّنيا ؤدتذويرن من گّين أذينثافن غا دّنيا ؤدتذويرن من گّين أذينثافن أشهبار محمد امنود 26/12/2021 

 الصهاينة القتَلة إرحلوا أيها الصهاينة المحتلين المعتدِين عن فلسطين كفاكم قتلاً وهدمًا وتشريدًا فأنتم لستم من فلسطين أنتم من أوطان متعددة جُمعتم هناك لتسرقوا فلسطين كما ماتَ من جابكم إلى هناك ستموتون وتبقى فلسطين فلسطين للفلسطينيّين وليست للصهاينة قتلةُ المسلمين فلسطين للفلسطينيّين وليست للصهاينة قتلةُ المسلمين أشهبار محمد امنود 25/12/2021 

 زعمن زعما ئمَسيحيّن ذ ئروميّن طْغان أينّي ئوضن سّوجاذن كور أسُگّاس تگن فِشطاث فارحن شطحن سسّن نّان ؤ قّارن زعمن زعما أمّيس ن مريَم ذ أربِّ نسن نّان ؤ قّارن قا عيسى ن مريَم ذ أمّيس ن أربِّ نسن مشا نتّا عيسى ذ نّبي ذ رّسول أموخ ئخاس نسّن نشنين ذ ئمسرمن ربِّثْنغ نتوحّاديث نومن نغرا نسّن ربِّثْنغ ؤدجي ئتارو نيغ تارونثيذ ذ نتّا ئذانغ ئخرقن كورشي نّس من ئدجان ذي الكون غاس ئخزّارن ربِّثْنغ ئخدجق ؤدجي ئتارو ذ نتّا ئذانغ يارزقن كورشي يارحميثن سكفن سسّن تفزازن تتّن كّامن تمغورن تمتّان تذوارن غا الله ربِّثْنغ ئثن ئخرقن تمغورن تمتّان تذوارن غا الله ربِّثْنغ ئثن ئخرقن أشهبار محمد امنود 25/12/2021 

 ثنهز ثسنهزّانغ  ثعجيج ثمورث ثسعجيجيانغ ثسنخرعانغ نفاقد زي ئظس س دجيرث ثنهز ثسنهزّانغ حد ياور بارا زيرا ندجا غا ذاخر ثسّوفغانغ رغاشي ئعمّار ئبريذن ؤ نشنين ثسّيوگذانغ ثمورث ربدا ثتنهزّا ربِّثْنغ ئتصّار ئحفظانغ ثوذارثَا أميا ئثدجا ؤ أدُنيِوَا غا ئتغارايانغ رموث أتاس أتاس شي نهار أتاف ثهنّايانغ رموث أتاس أتاس شي نهار أتاف ثزرگانغ أشهبار محمد امنود 23/12/2021 

 ؤذين حد يوفِيت ؤشمّاي ثمدجاتش نيغ أدوضيغ زي ثزقّا ؤشمّاي زي غا كيفغ نيغ أذارويناغ من ذا جّمّاي أذخدارغ رعقر نيغ أذهذمغ ثدّارثَا أويمد رفروس نيغ قا ؤثتيريم ذي رهنا قا نش حطّيغ خاوم دّنيا ثتحاراباي مارّا قا نش مرا عاقغ ئوذان أشكوم شّن مارّا أراح أرخرا ما زعما ئوذان حطّانش واها قا ئوذان خدمن شْغر نسن أزّون خ رهنا ؤذين حد يوفا رهنا وارا يوفِيت أموخ ثنّا مرا ؤيخذيم ذي ثوذارث ؤيكسي رمحنا أشهبار محمد امنود 21/12/2021 

 را ذ نّش مري ؤفيغ  أقاي وخّا ذ نّش مري ؤفيغ أتاف مرشغ مشا نش ذ رمسكين رفروس مايثتغافغ ثينا ن روقتا وْعانت ألحساب موخ سْنغ أتيغ أذمسرقيغ أك شا ن ئشتنت أتايضغ الحمد لله نش ذ أمسرم عماس أذتوابدرغ ثوذارثَا أتعذا موخما دّارغت أخاس قبرغ نش غاري أسّارزفغ حسن زي مرا مرشغ نشنين أغيغْنا ربِّثْنغ أتدّار أكي أكيس دّارغ نشنين أغيغْنا ربِّثْنغ أتدّار أكي أكيس دّارغ أشهبار محمد امنود 19/12/2021 

 نشنين زي الحسيمة نشنين زي لْحوسيما زي أريف نّغ يشنان بيّا ثمورث نّغ شحار رجذوذ ئگ دّارن نّان جاهذن ذ ئمجاهذن حاربن سّوفغن بوسبّان شحار ئيمّوثن شحار ئيدّارن أوارن تْوانّان شحار ن ربني ؤيقّيم شحار ذايس ئتوابنان يزري نّس ذ أصبحان ئسفاقا أمزيان أمقران ثوذارثَا أميا ئثدجا رگنوس تاسند ؤ تْمتّان ثوذارثَا أميا ئثدجا رگنوس تاسند ؤ تْمتّان أشهبار محمد امنود 19/12/2021 

قا عاذ أذمثن  جّاي أشاويغ ثمورث نيغ قا شك ذ أعفان أودّي قا ثمورث نّغ ؤغتاشارثشي أ ئرفان نشنين ذ راصر ؤنقطّعشي أبريذ أ ئوذان تا ئنيثايد ما نكساومث قْبر ذي من ئعذان عماس، عمّاس أثنكّس، را نشنين غانغ ئزرفان نوسد أنحفّظ ثمورث نّغ قا ئمتروثن سْوان ثنّيمانغ من غاوم ذا ثنكارم رخير ئصفان شي نزّنزاسنث شي ئقّيمانغ كورشي ئبان نّاناي " روحث غا لْمحكما " ها أقا ندعان تَشارنّانغ تنعدّان نشنين نسّن من ئدجان تعْيارن ثحرَيميث تحوّاسن گين أم ئطان سْعورشن ئشارن ذ ئكشواض ئخ يا ئوذان تْحاران أزّون حما أغتاوين تْقيّارن حطّان قا عاذ أذمثن أذّورن ذ والو ؤ ربّي ذ أمقران قا عاذ أذمثن أذّورن ذ والو ؤ ربّي ذ أمقران أشهبار محمد امنود 15/12/2021  Mohamed Achahbar · قا عاذ أذمثن.m4a

 حابوت  مرا حد نطحنث ربدا تگّنّاس حابوت أتيسّخرف س زّرواطا نيغ س ثقابوت نيغ أذيعفو أثنيشّك باعش ئ ثبنعمّوت أذزان من ذاسن ئروقن ذ شا تماينوت أذسگذن نيشان أذخذمن ئ ثنگّاروت ؤمي ذين رموث ؤثتذومّي ثمزْواروت  مرا غْرون عاذ أذتْنَنّان أم ذي كوكّوت زي غا موثَن ما أدذورن أسگن حابوت أشهبار محمد امنود 12/12/2020

 أمّن أ رفقي  أمّن أ رفقي غبّاسند ئ ربعاضيث قا تشهاذن زّور سْنَن مشا شّهادا ن رْحق كتمنت تاراند س ؤعرور أقاثن أك رعذو ذي فيلا تْبارامن سروسان أزبّور خْسنّانغ أنمّث قدجعند ؤر دّونّيثَا تخسنت س ؤر مند نواث زي باباثنغ أخاس نذافع رعذو أثنسبور مرا نوّيد رحق هانت مرا والو قّاع عاذ أسّانوگور مرا نوّيد رحق هانت مرا والو قّاع عاذ أسّانوگور أشهبار محمد امنود 10/12/2021 

 مرا حد ئسخيقاي  مرا حد ئسخيقاي أثصبنغ أثسريرغ أخاس أريغ أوارن أثسقرغ أثسميرغ أذيمل ئخفنّس مليح نش ؤثتحيويرغ ئيّا ما أذيحظا نش ؤتارگليغ ؤتبدّيرغ ئشفا نش ذ أسُنّي غاي أوار ؤتذويرغ ئوقاراي حد أثوقّارغ ؤذايس سّيويرغ مرا حد ئتعاذاي أسبعذغ ؤخَا أثفيرغ را نش غاي رعقر ؤ نش ؤتمساسيرغ هانت ئدجيغ ؤتفرفيرغ ؤتسرسيرغ نش ذ نّش وزْنغ قّارغ وَزنغ ؤتزبّيرغ مرا حد ئسخيقاي أثصبنغ أثسريرغ أخاس گغ ثقسيسث أثذقرغ أثسميرغ أخاس شطبغ أذيملْ أثعدجمغ أثجيرغ ثوذارث ؤسثتردّي أذيقّار نش ؤتغيرغ ثوذارث ؤسثتردّي أذيقّار نش ؤتغيرغ أشهبار محمد امنود 10/12/2021 

 ربعاضيث عْمان ربعاضيث عْمان ذي رمجراث نقعن غاسن ئگروان عاذ ذي رحرام جمعن أبرن تدمن تتّن تاوين أگرا ن ميدن تْسحقارن ظدجمن تاشارن ئيوجيرن حطّان تقابارن تْخادجاضن تْشكّيمن خدجان غزُّون نقّن فارحن تْنعنيعن ما زغيراسن ؤتمتّين والله تا أذمثن ذي ثوذارثَا نيغ ذي ثين بزّز أذسقارن بزّز أذاحرن أذنخرعن خمي غا نقرعن ثوذارثَا أسن ثقظا والله ما ذا قّيمن ثوذارثَا أسن ثقظا والله ما ذا قّيمن أشهبار محمد امنود 09/12/2021  Mohamed Achahbar · ربعاضِث عْمان.m4a

ثگرمامين باباثنغ ؤمي ياحر زي ثوذارثَا ذي سبعا ؤثمانين ئجّانغد ثمورث زايس ثنّي ن غانغ ذي ثگرمامين شحار ئتنشاز نقرعيت شحار ئناوس ئنعيار ذين نوريد ذ ئيوجيرن ذي ثوذارثَا شحار ئدنَنقر سّين ذي أرفاين ؤ أبعا نزّنز شواي، شواي ئقيمانغ ذين روحن ؤسّان ؤسند نراح غا من ذانغ ئقّيمن ذين نخس أتنحفّظ مشا ئبوحدوثن خسن أزايس أوين من غانغ ذين نسنيث ؤ نثنين غاسن شحار سغين عْمان نْطمسن ذ ئهَرافن تحوّاسن أزّون أذانغتاوين عْمان نْطمسن ذ ئهَرافن تحوّاسن أزّون أذانغتاوين أشهبار محمد امنود 07/12/2021  Mohamed Achahbar · ثگرمامين.m4a

 قّارن من ؤدجين قّيمغ حيران ذي ربعاض ئذسن غْرين ؤغْرين نكارن ربِّثْنغ ئثنيخرقن ؤخَا قّارن من ؤيدجين نكارن جّنّثْ ثمسّي رعذاب ما دّاغرن ؤتوِيرين من ئدجان ذي ثوذارثَا أقاث را ذي ثوذارثين ذين من ؤسرين ئمجّان ذ من ؤزرينت ثطاوين ئرا ؤندجي ئخرقانغد ربِّثْنغ نذور ندجا أيا وين ئرا ؤندجي ئخرقانغد ربِّثْنغ نذور ندجا أيا ثين عاذ أنمّث أنذور ؤندجي أنودّار ذي ثمضرين عاذ أذانغديبعث كورشي روخن غا ثوذارثين أتاف روخن ئمسرمن أذاربحن ذي جّنّثْ أذيرين روخن ئكافريون زي رعذاب ن ثمسّي ؤتنفكّين أذافن من نكارن أذين ذومّن أذنزرفن أذفسّين أذافن من نكارن أذين ذومّن أذنزرفن أذفسّين أشهبار محمد امنود 06/12/2021 

 ؤدغايارون نشنين ذ ئمسرمن ذ ئسُنّيّن نرمذ نسّن غانغ رحق ذي ثوذارثَا ؤذانغ غا يكسَن رحرام ؤثنتگشي مشا رحرار أثنگ حْسَن سبحان الله بانَنْد شواطن ؤسّا من خْسَن تاوين أياويا شطّن خ أياويا تقتوتّوسن ئوثمان مارَا ثوثمين مارَا تْمسخن نْطمسن مرا ئوذان تبعنثن عماس أدارون جاراسن أذتنقاراضن زي ثوذارثَا رمراش أثمّخسن أموخ نسّن قّاع ئوذان تاروند ثاروَا نْسَن ئوثمان تاوين ثوثمين تِجّاند دّوريث نْسن متاف ئوذان أذقّيمن ذ رگنوس أدتاسن متاف ئوذان أذقّيمن ذ رگنوس أدتاسن أشهبار محمد امنود 04/12/2021 

 ون ؤيطيعن  غا حنزز شفّق س ؤغزذيس أيا بوثغماس وخّا ثگيذ منْما ثگيذ أتمثذ أتمثذ أيا أخمّاس ون ؤيطيعن ئ ربِّثْنغ ئخسار قّاع ئنقصاس ذي ثوذارثَا أذيتمهافا أذيتمغور أذيتنقواس زمان أثيزم أذيبّارشن س رهم أذيتنخساس عاذ أذيذوَر ذ شار أذيودّار وخّا روخا ثشناس عاذ ذين ثوذارث نّضّن مرا حد ئسقط ئسبّاس روخن ما أذاسثْشن مرا ئكفار ئبريس ئبياس روخن ما أذاسثْشن مرا ئكفار ئبريس ئبياس أشهبار محمد امنود 03/12/2021 

ؤيفدجثشي  مرا حد ئحسذاي نيغ ئشاهاي ؤغاس من غا ياوي ئخسّاس أذيغار حما أذيسّن مغار يشّاث ذي رخاوي قا رعيب رحسذ ركروهيث كورشي منَايَا ؤينفّعشي قّاع ون ئكفارن زي ربِّثْنغ أذيرقا ثمسّي ؤيفدجثشي زي ثوذارثَا أذيمّوتي رعذاب أذيذوم رحمو أثيسّفسي ون ئفهمن ئسرم يومن ئهْنا ربِّثْنغ أثنيارحم ؤيخسّارشي مرا يوفيث يوفا كورشي مرا ئخساريث ئخسار كورشي مرا يوفيث يوفا كورشي مرا ئخساريث ئخسار كورشي أشهبار محمد امنود 03/12/2021 

 رحار ئندغوَر  رحار ئندغوَر كور حد موخ ئذوَر حد ئذوَر أم زومبي ئتميّار ئندّر ئسبّريت ذي ثوذارث ئحش ئهتّر ئقّيماس غير أذينحزوَض أذيبدّر حد ئشّا ئسوا حد ئسقّر حد ئذقّر حد شحار ئنغا مشا زمان أثيفصّر أذينّروَس أذينّقوَس راخاث أثيبقّر أذياوي شْبار بزّز خاس أذيتواقزّر زي ثوذارثَا أذيمّوتي بزّز أسّا ياحر غا ثوذارث نّضني بزّز أغاس ياحر أشهبار محمد  امنود  03/12/2021

ئوذان مسوضان  ئوذان مسوضان حد ئسّن حد ئقفر مرا حد ؤيسّين ذين حد ئسّن أسيمّر مرا ئجِهريوَن تّبران ستبران، الله ئستر ئوذان ذايسن ؤذايسن ذين حد ذ راصر ذين حد ئفطن ئسّفطان جار ئوذان ئعدّر ذين حد ئفتن ئفارق جار ئوذان ئنق ئنطّر ذين حد ئفاق ئسفاقا مرا ئبهض ؤسثعدّر مشا أمسرم أسُنّي نتّا يومن ئقّار ئنقّر نتّا ئعيز دّين نّس ئعيز عماس أثيبدّر ئسّن شي ذ أصبحان ئتاريث أثيخمّر مرا حد ئكفار ؤخَا ئمواراع أكيس أثيقزّر ذين ئج ن ربِّثْنغ ئخرقانغ أغاسنذوَر شي ن حد أم نتّا ؤذين حد أغاسناوَر شي ن حد أم نتّا ؤذين حد أغاسناوَر أشهبار محمد  امنود  02/12/2021

أتيغ أذهْنيغ موخاس غا گغ أذتّارغ قا نش ثوترا ؤخاس دوريغ موخاس غا گغ أذاشارغ قا ثوكّاظَا ؤخاس دوريغ نش ئخرقاي ربّي يارزقاي ؤ نش ذ أمسرم صْفيغ من خافي يورا ربّي ئقدّاريث نش بزّز أثسّعذيغ ثوذارثَا ثتراح ثقطّا ئوذان تمتّان نش ثذث أتينيغ ؤغاي من زي غا وْگْذغ قا نش ؤمْنغ سْنغ زْريغ أتيغ ثوذارثَا أيثشَن أتيغ نش ذي جّنّثْ أذيريغ أتيغ ربِّثْنغ أغيارحم قا أدُنيوَا ئزعب أتيغ أذهْنيغ أتيغ ربِّثْنغ أغيارحم قا أدُنيوَا ئزعب أتيغ أذهْنيغ أشهبار محمد امنود 02/12/2021 

أدُنيوَا ذ والو  من غا يگ رعذو ؤزغاي ئتيوي والو ؤمي ذين رَاخاث خ قّاع ؤذين والو قّاع بزّز خاسن أذمثن أدُنيوَا ذ والو زمانَا ئتزمّا ئوذان رموث أثن ثسارو أذتراحن ئج ئج غا ئمضران ذ أبارو حد يورو من يورو حد عاذ أذيارو حد ئحمذ ئكامذ ئنجح حد أتديارو ئمسرم ؤمنَن هْنان ؤثنيشقي مورو مشا ئكافريون طغان هجمن أم طورو نقّن سْتعمارن تَشَارن جمعن ؤرو دورو نقّن سْتعمارن تَشَارن جمعن ؤرو دورو أشهبار محمد امنود 01/12/2021