الله تعالى ئخرق كورشي الله تعالى ئخرقانغ قّاع ئخرق ثِمورا ذ ئجنوان ئخرق ربحوراث ذ رباراث ذ رغوابي ذ ئسرمان كورشي ذ نتّا ئثيخرقن قّاع زي مارّا من ئدجان ذين بزاف ئكلوصاي ن ثشكارين زي من ئتمشّان ها ثنّي ن أروز ها ثنّي ن ثنيفين ها ثنّي ن ئوزان ها ثنّي ن رعذس ها ثنّي ن رحِمز ها ثنّي ؤذهان ها ثنّي ذ ها ثنّي ذ ها ثنّي ذ بزاف زي من ئدجان ذين رخناشي ؤخمّر ذين رخزين ن لْغلّث ئصفان ذين ثزيّاثين ذ ئبامار ئتشارن ئتزيّارن ئتمسدّان ذين ئقدّوحن ثقدّوحين ذ ئقذواح مسرَن تْمنزان ذين رخير مْسقّم زي من ئتنْسسّان ذ من ئتمَشّان ذين رخير مْسقّم زي من ئتنْسسّان ذ من ئتمَشّان مُحمذ أشهبا = محمد أشهبار المَهجر = الخَريج  01/08/2026 م 17/02/1448 هـ

 نحمذ نتسلاّك  بناذم غا ئتسلاّك وها ذي ثوذارثَا ئقّار ئتفكّارد ئشتيشت ثا آوان ئثا ئتسوجاذد ئشتيشت ثا زذاث ئثا من غا ئعذرن ئتنعذار زي ثا غا ثا ئتاري أوارن ئوزّن ئتفاقا ئسفاقا ئتاري من ئشنان ذ أفنّان ئسراقا مرا حد ئزرا مِن ئنّا مْستّف ئتراقا مرا حد ئتسراس ئتعجّيب ئتراقا مرا حد ئتسراس ئتعجّيب ئتراقا مُحمذ محمد أشهبا أشهبار المَهجر 19/07/2026 م 04/02/1448 هـ 

 سكسو سكسو عدرنث فترنث ذي جّمعا ربعاض تگّنث تگّنّاس رقوام تفوّارنث سننّانث تنگراون تتّنث سننّانث تنگراون تتّنث مُحمذ محمد أشهبا أشهبار المهجر 18/07/2026 م 03/02/1448 هـ 

 ئوذان مصوضان ئوذان ئصبحن مّارن أبريذ ئتاوين غا جّنّث عبذن الله تعالى تْزادجان ذايسن رحنونيّث تگّن رخير تخسن جّنّث ؤتخسنشي دّنيث ئوذان ئقبحن قطعن أبريذ ئتاوين غا جّنّث ظدجمن تنعدّان ؤتزيدجينشي تازّون سّبّث تگّن رغير ؤتخسنشي جّنّث تخسن دّنيَث مُحمذ محمد أشهبا أشهبار المهجر 25/01/1448 هـ 10/07/2026 م 

 نومن نحمذ شحار ئيوذان زغيراسن قا مُحمّذ أشهبا ئفّغ أبريذ مشَا محمد أشهبار ئسّن من ئتگ ؤيفّيغشي أبريذ أمسرم نتّا مرا ئخظا ذين ربِّثْنغ ئتاراثيذ غا ؤبريذ مشَا ربعاضِث حسذنث مري ؤفين أتاف ئفّغ أبريذ نشنين ذ ئمسرمن نومن نحمذ ربِّثْنغ ئمّارانغ أبريذ نشنين ذ ئمسرمن نومن نحمذ ربِّثْنغ ئمّارانغ أبريذ مُحمذ محمد أشهبا أشهبار المهجر 28/06/2026 م 13/01/1448 هـ 

 رعذو ذ أمنّخرو ن دشار  رعذو ذ أمنّخرو ئستبران ئحوذريّن س ثحشيشث ذ ركيف ذ شرب ذ رغبار  مشا أشهبار نتّا ذ أمسرم أقاث نيشان نيشان أثيهبر قا عاذ أثذياوض رخبار شحار غا يدّار قّاع بزّز خاس أذيمّث س نتّا ذ ئنُوزميون ذ أمژيون ن ثقبّار رموث أقات ذين أقات ذين ربِّثْنغ ئگيت خ ئمنّخراق قا ذين رحساب ئوعار رعذو أمنّخرو ئستبراثن ئفلسيثن ئهلكيثن حما أذيگ ئگروان ئنعد ذ أمزوار ئهْجَم خ رموساكين ئظرْميثن ئهوريثن مشا قا عاذ ذين ئج ن رعذاب ئزبّار وخّا ئشفّار منما ئشفّار كورشي أذيقيم ذي دّنيايا أذيمزُزّار أم ئتمزُزّار رغبار وخّا ئشفّار منما ئشفّار كورشي أذيقيم ذي دّنيايا أذيمزُزّار أم ئتمزُزّار رغبار مُحمذ محمد أشهبا أشهبار المهجر  27/04/2026 م 09/11/1447 هـ 

 شْحار ئيّوذان شْحار ئيّوذان ذ ئغيار تْكيّافن دّات نسن سْتبرانْتْ ها گيرُّو ها ثحشيشث ها ثشمراتش ها ثبرشانت سسّن شْرب وَگار ئطان زْغيراسن من تگّن هانت نثنين ذ ئغدّارن قَفرن تَبعن ئجْ نْ ثَبريت تَعفّانت تّبران سْ مِن ئدجان ذ أعفّان سُّومْعث تْسخْسانت رَعيار ؤيتّبرين وخّا تراحن ذي زّرغث أمّن جبّانت رعيار ؤيتّبرينشي عدرنت نثنين ذي دشار هانت أميا ئوذان ئتّبران ثتواحشاسن دّات نسن خرانت رعقر ئتفرفير تْهلّاكن رْوَاشون ثدّارث خَدجانت مشَا ئوذان ؤيتّبرينشي دّات نسن مليح حشانت رعقر ئهنَاسن تگّن رخير تِحثارن ثوذرين تعمّانت رعقر ئهنَاسن تگّن رخير تِحثارن ثوذرين تعمّانت مُحمذ أشهبا : محمد أشهبار امنوذ : امنود الثلاثاء ليلة الأربعاء : تْراثا دجيرث ن رابع  30/12/2025 م : 11/07/1447 هـ 🕚 Mohamed Achahbar · شحار ئيوذان.m4a

 أمغرابي ذ أمغرابي  منزي أمغرابي قّاناس أمغرابي حيت ئغرب سبع ئتسّو زرابي حيت ئسّن موخ ئشّاث درابي مرا حد ئتفهام ئتعوَذاس ترابي ثوري ثوري أستِق ئسَسْ خرابي نيشان نيشان أريفي ذ أمغرابي نيشان نيشان أريفي ذ أمغرابي مُحمذ محمد أشهبا أشهبار  امنوذ امنود  08/07/1447 هـ 28/12/2025 م 

 أسنيني  ونّي ئژوان زي شي غا شي أسنيني ئژوَا ونّي ئزوان مرا تمحيزوارن أسنيني ئزوَا ونّي ئزوان ثازوايث ئسّيف أسنيني ئزوَا ونّي ئهوان زي شي غا شي أسنيني ئهوَا ونّي ئخوان زي شي ئتسفّا أسنيني ئخوَا ونّي ئقوان خ شي ئغربيثن أسنيني ئقوَا ونّي ئسوين شي ئكّس فاذ أسنيني ئسوَا ونّي ئشوان شي ئشّا ئسوا أسنيني ئشوَا ونّي ئطوان شي ئخمريث أسنيني ئطوَا ونّي ئظوين مرا ئفاث ئعذا أسنيني ئظوَا ونّي ئنوان شي ئنّاث نيغ لاَّ أسنيني ئنوَا ونّي ئنوان شي ئنّاث نيغ لاَّ أسنيني ئنوَا مُحمذ محمد أشهبا أشهبار  امنوذ امنود  28/12/2025 م  08/07/1447 هـ 

 نشنين ذ ئفنّانن  نشنين ذ ئفنّانن نوريد هانت ربعاضِث نَسْنيثن نشنين ذ ؤماثن ربعاض ئوذان حسذن نسْننّيثن نّاناش مايتيوفا ئخذميت مشَا نشنين نْغَربيثن نحَس نسَدج نّان من ؤيشنين نشنين نغّابريثن شحار ئنخذم ذي ربني ؤياش رموازن نشنيثن  شحار نخذم لوصا زّلّيج نشنا رحيوظ نعذريثن ناوي نبنا نحارش نزلّج ئوذان ئعفّانَن نشاهيثن ناوي نبنا نحارش نزلّج ئوذان ئعفّانَن نشاهيثن مُحمذ محمد أشهبا أشهبار امنوذ امنود ليلة السبت : 22/06/1447 هـ الجمعة : 12/12/2025 م 🕙 Mohamed Achahbar · نشنين ذ ئفنّانن

 قّيمغ خزّارغ  قّيمغ خزّارغ ذي أنترنت تْفوروجغ ذي مندنشّارن ئوذان خزّارغ ذي رخبار ذْ من ئسبعّيجن ذْ من ئسروبان ئوذان رقوِيآذ قّيمن دالعين زعما سّوارن تِشّند رنصايح ئِيَوْذان شي ئتازّر شي ئنطُّو شي ئتعيار شْحار ئتعانان ذ ئوذان شي ئتجاراب شي ئتحاراب شي ئربث شي ئعدّر ئوذان شي ئتقاراب شي ئسقاراب شي ئسّن من تخسن ئوذان شي ئتقاراب شي ئسقاراب شي ئسّن من تخسن ئوذان مُحمذ محمد أشهبا أشهبار امنوذ امنود 01/06/1447 هـ 22/11/2025 م 

كوبارذي كوبارذي ئتحاراباي حيت ئحسذاي ربدا ذ زگا ؤيحمّر ؤذمينو مرَا ئزراي ئقّار رعيب زعما ئتغير ئسعُوفُّوناي ئطّاوْ ئتگ هاوْ مري يوفا ئري ئنغاي ئسْتَن عاوذ ئسْتَن ئتهاج ئتعاراشاي مشَا نش سنغ من تگّغ ربِّثْنغ ئسناي ئحطّاي ئحفظاي يارحماي يارزقاي مرا غاي زْماغ تگّغ رخير ئتنخرافاي ؤتنعدّيغشي مشَا شمات ئظدجماي كوبارذي نتّا ذ شمات وهْ ئتسوّاساي ئنّا عاوذ ئنّا مشَا ذين ربِّثْنغ ئتواراي تْذافاعغ خ رحق خْمي حد ئهوگراي حمذغ ذ أمسرم اللهْ تعالى ئخرقاي حمذغ ذ أمسرم اللهْ تعالى ئخرقاي مُحمذ محمد أشهبا أشهبار امنوذ امنود  21/10/2025 م  28/04/1447 هـ  Mohamed Achahbar · كوبارذي.m4a

 نّيّث ذ نّيّث  أبريذ ن ثمسرنت نتّا ذ أبريذ ئسگّذْ ئسخشّا نشنين ئمسرمن أندّار ذي رهنا نهارا ثوذشّا ربِّثْنغ نْطاعاس نحمذيث نفطار نتغدّا نتعشّا ثوذارثَا وخّا ثقسح ثسّظماع ثتغارا ثتحشّا مرا نسّن نفهم نفطن أندّار رهنا نهارا ثوذشّا أنطاع ئربِّثْنغ ذ نبينّغ أنتاك ئحد مرا ئتغشّا ون ئگّورن س رغش أذيتواحاسب ثوذشّا مشَا نّيّث ذ نّيّث ئتعيش رهنا نهارا ثوذشّا مشَا نّيّث ذ نّيّث ئتعيش رهنا نهارا ثوذشّا مُحمذ محمد أشهبا أشهبار امنوذ امنود 21/03/1447 هـ 14/09/2025 م 

 نيشان والو نيشان  ثوذارثَا حد ئعدّر جار ئوذان  ئمّار ئكّان أستِق ذ أماريكان  را نتّا ئغرا من غرين ئوذان  ئنّا عاوذ ئنّا ئقّار من ئدجان  ئسّن ذي ثوسنا ئتوارا ئكّان   ئصدجح جار ئوذان ئخطّان  حد نيشان حد والو نيشان  حد ئزهم رزهامث ئتشوكان  أم زّانزار ئستوكوين ئوذان  تمحِمّارن تسمّارنث تراذان  ئتقيّار ئتنّض ئزدجگ جوان  ئتت ثهنديث ئتغزاز ؤگران  ثغماس بارينت ئرس ئتبان  ئوْثا يعجِجْ ئقّفقف ئتشيّان  أستِق ياوس حِمّار ؤشنان  أستِق ياربّا ئرفان ذ ئفغران  حد سرازنث ئتحاراب زمان  ئتت ثازَاث ئتسغراي ئوزان  أقمّوم ئوّاس ئفاسّن تنهزّان  ئضارن شكمن تاوين تاران  ئهنا ؤيهني ئسس دولبران  ئتت من ئكثابن ئسس أمان ئتت من ئكثابن ئسس أمان مُحمذ محمد أشهبا أشهبار امنوذ امنود 26/08/2025 م 02/03/1447 هـ 

 خاس ئزران خاس ئزران بنكيران ميمي ئتك أك إيران إيران نقّن ئمسرمن تحارابن سُّنّث تنعدّان تْكفّارن رعيشاث ن الرسول نعرن تسبّان زارعن رفتنث ذي ثمورث ئوذان تمضاران تگّن ئخفنسن زعما ذ ئمسرمن مشَا طغان قّان تشتّاحن سْقُوزّوعن تْزبزيبن أم ئيزان تامنَن س تّحريف ن القرآنَ بنّان ئمضران تامنَن س تّحريف ن القرآنَ بنّان ئمضران مُحمذ محمد أشهبا أشهبار 26/12/1446 هـ 22/06/2025 م

أتيغ أنتوارحم زي رحار غا رحار نمّوتي عراين شحار غا نك ندّار نرقّا رمحاين سحس ساين فْهم سفهم عاين رْمذ سرمذ فاجا خ ؤر ئتمذكاين غير گ رخير رعذواث أذنحاين نشنين ذ ئمسرمن ن جّنّثْ باين الحمد لله ذين ربِّثْنغ ئدجا كاين ؤذين حد أم نتّا ئخرقانغ ثناين س ئوثمان توثمين أندّار ماثاين مُحمذ محمد أشهبا أشهبار تمارة 09/05/2025 م 11/11/1446 هـ

 تُّوراث رقوماث غاسن ثتُّورا رگنوس غاسن ثسقّورا ربيوت غاسنت ثوّورا رحيوظ غاسن ثغمّورا ركامپو ذايس ثعورا رنديناث ذايسنت ثدّورا مُحمذ محمد أشهبا أشهبار تمارة : تمارا 19/04/2025 م 20/10/1446 هـ

 شي ئصمض شي ئحما مرا من ئصمضن ذ من ئحمان مسرقان توقيعنت ثحاياظين توقيعن ئضوقزان جاراسن را گ جنّا را ذي ثمورث تمنغان أسگنو ئتموتوي ئتيري ؤنزار ذ ئغزران أجّاج ئتنهام ئسنخراع ئتصدّاع ئمجّان ثتيري سّيحقث ربروق تضوّان ئجنوان ثمّورث ثتَنهزّا ثدّيدريو تنخراعن ئوذان قّاع ئتعجيجّي رمار ئجظيظن سحسّان قّاع ئتعجيجّي رمار ئجظيظن سحسّان مُحمذ محمد أشهبا أشهبار امنوذ امنود 30/03/2025 م 30/09/1446 هـ 

 ربعاض ئغابيّن  ربعاض ئغابيّن ذ ئعفّانَن ذ ئخدّاعن ذ ئمَتّارن ذ ئمعّاشن ؤخَا تقاطاعن ذگ ئريذن خ رباراني تمسلاّطن تمعّيشن تمزنّاذن حطّان تجسّاسن مرا ذين شي ن نّيّث أثنيشن نشنين ئريفيّن ذ ئحواريّن مشَا ئغابيّن ذاگسن ئمعّاشن تاسند زي رغاب غا أريف آسّن شراوط تتّارن تمعّيشن وخّا غاسن طّوموبيناث ثوذرين مشَا نثنين ذ ئمعّاشن وخّا غاسن طّوموبيناث ثوذرين مشَا نثنين ذ ئمعّاشن مُحمذ محمد أشهبا أشهبار تمارا 26/03/2025 م 26/09/1446 هـ 

 مرا ربعاض ئوذان  مرَا ربعاض ئوذان شارهنش وخّا شك ذ أصبحان وخّا شك ذ أمسرم ؤثتنعدّيذ خ حد ثگّورذ نيشان وخّا غاك رحق تحارابنش قّارن من ئدجان ذ أعفّان ئروخن جّيثن قا عاذ أذمثن ؤخَا أذزارن من دجان أقاثن خ ؤجيج أقاثن خ ؤقيش مرا تنعدّان تْراذان الحمد لله نشنين ذ ئمسرمن ربِّثْنغ ئسّن من ئدجان الحمد لله نشنين ذ ئمسرمن ربِّثْنغ ئسّن من ئدجان مُحمذ محمد أشهبا أشهبار امنوذ امنود 01/03/2025 م 02/09/1446 هـ 🕚