حابوت  مرا حد نطحنث ربدا تگّنّاس حابوت أتيسّخرف س زّرواطا نيغ س ثقابوت نيغ أذيعفو أثنيشّك باعش ئ ثبنعمّوت أذزان من ذاسن ئروقن ذ شا تماينوت أذسگذن نيشان أذخذمن ئ ثنگّاروت ؤمي ذين رموث ؤثتذومّي ثمزْواروت  مرا غْرون عاذ أذتْنَنّان أم ذي كوكّوت زي غا موثَن ما أدذورن أسگن حابوت أشهبار محمد امنود 12/12/2020

ئشيعيّن فيحن ئشيعيّن فاغن مّوزّارن س ئخف نسن فيحن شحار ئبدرن ذ ئپيلارن عبذن مشناو شطحن أنيند خ ربِّي ئخاريقن خ صّحابة نّان ئشتّيحن ؤغاسن روضو ؤرا تزادجيث ذ ئمخماج تشّْحن أگ حسين گين راشّاح ؤ ربّي خسارنث روحن وگار ئمنعار ذي دِّين تزوّارن نثنين زّونزوحن وگار ئمنعار ذي دِّين تزوّارن نثنين زّونزوحن أشهبار محمد امنود : ٣١/٠٧/٢٠١٩

أريمث ئتكيّافن دّخّان ذ ماركاث قاع تعفّانين ئخدجا أريمث ئسباواي ثطاوين ئتهلّاك صّحّث ئخدجا ذي ثنعاشين نْدار سخظ ئنقّن ألاك سْعان آغِرين ؤذايس بونفع ئتسَسميغ ثوراثين ئتضيّاع ئذمّن ئسباواي وين ذ وين تذوارن ؤتْوِيرين تصارن ذي ثخشبين را كيفن را نْدانث ذي رهنا ؤتيرين دّخّان ئتسبّاباسن رهراشاث ؤتوِيرين نتّا ون ئتكيّافن تزوغانث شّياطين ئتوارا قاع ذ روضا ئعصّا لْوالِدين أشهبار محمد امنود 18-04-2019

رعقوراث ئنّوقبن ربعاض ن رفقوياث رعقوراث نسَن نّوقبَن س ئسم ن ربِّ أثنتافذ ربعاض تْحدّاثن مشَا نثنين خزّارن غا ثنعاشين أذطفَن زنوزان دّين نسن تغيراسن من سُّوقيعَن قّان قَ لْجِهاد ئخسّا أتنغذ أشنغَن أزّون رموث ئ مارّا ين ؤدجين ذ ئمسرمن قّان قَ مارّا ين غا ئجاهذن مرَا مّوثَن أذراحن غا جّنّث أذمرشن أذشّن أذسوَن أذاوين حورالعين أذگّن من خْسَن سويَا ربعاض ئذسن سضوقوزن ئخفنسن نقّن أياويا تسزراغن ئوذان أكيسن نقّن أياويا تسزراغن ئوذان أكيسن أشهبار محمد امنود 02-07-2016

ميمّي ئتنغين رَزان ؤسن ثگّي والُو ميمّي ئتنغين ؤياش نتّاث ثتذاوا ئمجراح ئتيشّين شحار غا كّن دّارن ما تغيراسن ؤتمتّين رموْث أذمثن أذمثن أذتوانضرن ذي ثمضرين زي ثوذارثَا أذمّوتين أذراحن غا ثوذارثين ذي جهنم أذشمّْضن أذَّعقن أذفسّين رعذاب أذيذوم زي نّعرث ؤتنفكّين أذوار ؤدتذويرن جّنّث ؤگس تيرين أذوار ؤدتذويرن جّنّث ؤگس تيرين أشهبار محمد امنود : 02/06/2018

رَبِّي ئسّْنايْ مرَا ثوثاي ثفُويث ؤُخا كْسغْتْ ؤُخا ربِّي ئسْذاوايْ ربِّي ئعرَم خاي ئسَّن مِن نْوِيغ مِنزي نَتَّا ئخرْقاي مرَا رَعذَوَاثْ تَهْمنَّاي نِيغْ راذاناي ربِّي نَتَّا ئزْراي ؤُرْ ئنُـو ئصْفا ذ أشمْرار ربّي ئسّْنِيثْ ئعْـرَمْ خاي أَتِيغْ رَعذَوَاثْ أَتَاغن ؤُتْگَنفِين مَرَا نثنين عَـاذاناي أَتِيغْ رَعذَوَاثْ أَتَاغن ؤُتْگَنفِين مَرَا نثنين تْعَاذاناي أتِيغ أذشمّْضن ذِي ثمَسِّي ذ رَحمُو أثن ئسّفْساي أَتِيغ أذُّومَّن ذي رَعـذاب مَتَافْ أذتْخارسَن شْواي ربِّي ئعْرَمْ خاسَنْ ؤُخَا أذسّْنَن مرَا نثْنِين غْذارَناي ْأَتِيغْ ربِّي س أرحْمثْ غَا جَّنَّثْ قْبَرْ أَتافْ ئسِّيذْفاي أتافْ ربِّي ئسْزَذْغاي نَتَّا ئسّْنَايْ سّْنغْثْ ئعِيزْ خايْ  أتافْ ربِّي ئسْزَذْغاي نَتَّا ئسّْنَايْ سّْنغْثْ ئعِيزْ خايْ أشهبار مُحمد امنود : 12/09/2017 ربّما ضربة الشمس بحرارتها قد تَزول بماءٍ باردٍ شيئًا والشافي هو اللهُ عليهِ توكّلتُ لا يُؤاخذُ مـن كان بريئًا

شم نغ ثين نغ شم نغ ثين نغ كنّينت ذ تمغرابيِّين شم ذ مريتش ثسريث ن ثسراثين ثين ذ سبتا ثثبيرث ن ثثبيرين أسبانيو ئتحوّاس س ؤذاريع ذ تغادجين ئتحنّاش ئتشتّاح س و أوارن ؤيسوين ئتشّح يارزّو اتقيمنت ذ تروميِّين بو ئفارومن ئعارا س ؤذم ؤيسّذحين يانيد عاذ ئسّوار ئقّار من ؤيدجين ئتامس ئ المغرب س أوارن ؤيشنين أمزروي ئتشهاذ خ بو سبّان بو ثاقّيعين أريف ثمورث ن رعز ئسوان ؤيتمنزين المغرب ذ نوار ؤدجي ذ أسنّان خ ثبحيرين شم نغ ثين نغ كنّينت ذ تمغرابيِّين شم ذ مريتش ثسريث ن ثسراثين ثين ذ سبتا ثثبيرث ن ثثبيرين س ؤزعّق اذ ئنيغ كنّينت ذ تمرابضين شحار ئخسن اشكنت ئزور ؤذاس ؤفين نشنين ذ أيذوذ ئسغوران ثرلي ئ ثين ذ وين أوار نّغ ئحار حد ؤيغطّر باندو نّغ يورين باندو نّغ ذى أجنّا اث ئتاوي رعوين باندو نّغ ذى أجنّا اث ئتاوي رعوين أشهبار محمد امنود   : 08-12-2010  

بناذم بناذم ئسغوييون عماس ؤيشّيث اتافذ ئتنعدّا نّيث ئتشذشا نّيث مارا ئقّيم اميا وه ؤكيذس تمعارا جّيث ئوذان ئقذيمن شحار ئشّين ثزمّيث مونن خ ثندوت مونن خ ثحبّيث من ؤيسكْذن ئرا تسكّاذنث نّيث ئناي ما ذن حد زي زرض ؤيفريث رمسكين ئتازر خ ثوترجا ؤيحريث أيوجير ئتنقضاع رهم نتّا ئغزّيث أمهروش ئتمتّا بوحبر ئتفغيث مارّا ثسّاوار من ازّون قا نسنيث ون ميغار ئدجا شا ئحاث خاس ئخمريث بناذم ذي زمانا اك ؤماس ئسّاغيث كرباطا ذى ئيري ام أقزين ئتقنيث خ ؤماس ئستّن مري يوفا ئري ئشّيث يارزّو ئسّاغاست ماحند ؤخاس ئحريث ما زي خاس غا ئحاث روخن تيري ئقنيث ؤغاس اذ ئسّيور ؤرا اس ئنين فكّيث ؤغاس اذ ئسّيور ؤرا اس ئنين فكّيث أشهبار محمد امنود 17-08-2014

ءا ثمدّوكرث نّيغام ءا ثمدّوكرث ئتخسام ؤر ئنو يزري نّم ذ أصبحان ئوياي رعقر ئنو اذام ئنيغ أوار طفد ذى فوس ئنو اقا شم ذ نّواش غاري ذى ؤر ئنو علَسبّات نّم تمنغيغ اك ئخف ئنو جّورغ ذى أبريذ قّارغ أوار ئنو قّارغ أساشي ن ؤريغ خ ثوذارث ئنو ؤريغ س ؤمطّا ذ ؤزمّي ن ئذمّن ئنو تخسغام اتيريذ ذى ئمار ئنو ذ تمغارث ئدغا ئجّن ثروا ن ثسا ئنو ءا بوحبر ءا رعمار ءا نّواش ئنو ءا بوحبر ءا رعمار ءا نّواش ئنو أشهبار محمد امنود 15-08-2014

مرحبا مرحبا زي ويس سذيس غا رندينثيس الحُسيمة ثنوّاشث نْعذرنّاس ئبريذنيس ئحُسيْميّن ترحّابن زگس تدعون أكيس ؤياك نتّا ذ أزدجيذ نشنين ذ أيذوذيس أثيحفظ ربِّثْنغ أتيغت ربدا أذيبد أكيس أتيغت أذيحفظ مولاي حسن أمّيسيس أتيغت أذيحفظ مولاي رشيد ؤماسيس أتيغت أذيحفظ ثللاّثين ن ثمورثيس ذ مارّا سويثماس ذ مارّا رواشونيس ربِّثْنغ أتيغت أثنيحفظ س ثزمّاريس أتيغت ربِّثْنغ أثنيج ربدا ذي طّاعثيس أتيغت ربِّثْنغ أغيحفظ را نشنين أكيس أتيغ مرا نموث أغيارحم س أرحمثيس أتيغ مرا نموث أغيسّزذغ ذي جّنّثيس أشهبار محمد امنود 09-08-2014 11-09-2023

 قارغ اس منايا قّارغ اس منايا ما كَّاميغ اذاريغ ما قضاناي ئزران نش وا كيس رهيغ ئعين ئزران وا قطّين ئمكن نش اذ قضيغ أوار ئفقسد ؤماس س بوحبر تاشيغ س رعقر تحزّارغ س ئقرم تاريغ خ ثوريقث تشمرارث ؤر اخاس فاجيغ نش ئرزّون اذ مرشغ ثنعاشين وا ثنت ؤفيغ ثووري والو ذا ربحار مامش اث زويغ ما اذ راحغ ذي لانتشا ات سبرغ اذ عذيغ ما اذ قّيمغ واها وخّا نش ذا قطّيغ مامش غا كَّغ ئ رعقر ئطّاون اث سجنفيغ مري ؤفيغ را ذ نش س طوموبين اذ تساريغ مشا وازمّارغ ذ أمزروض ئك دجيغ اتيغ ؤسّان اذ توابدرن ذ رخير اث رقيغ أشهبار محمد امنود: 24-04-2014

قنضغ مانا ثوذارثا نش ذايس قنضغ ذي رقنض ودّارغ وا ؤفيغ ماي غا كّغ اذ هويغ غا الحسيمة ثنعاشين ماي ثنت غا افغ اذ هويغ غا قاسيطا ؤدجي من ذين غا جغ اذ عذيغ غا رحد س ثشري عجزغ اذ قيمغ ذي ثدارث اياو شحار قنضغ ئعين اذ اريغ س ئقرم اذ هاردغ خ ثوريقث ثقسيسين اثنت مسرغ ثيوشا اذ شاراغ من جيغ اذ فاحغ ثيوشا اذ شاراغ من جيغ اذ فاحغ أشهبار محمد امنود : 19-04-2014

مرا نش بوهريغ مرا نش بوهريغ ئني الله ئحسن عاون ؤسقّار ألاَّحت ق أبريذ ذ ئحفراون أغيرا ذ ؤغيرئن أطاس ئخمراون أمشوم ن رفقس ئسبوهري ؤراون ئجانغ جا ن رموث ذ ثوذرث ئسراون زاريعث ثبوري ذايس من ئشراون نوطّا نتنكّار نغمّس ئعراون نتاري نطار نزوكََّْا ئذمراون نسحسا نقّار ئ ؤر اذ ئجّاون أشهبار محمد امنود : 15-01-2014  

نّيغ أوار ئنو نّيغ أوار ئنو ئصبح نيغ ذ أعفّان ؤتخيرغ زي ثيري ؤتوكُْذغ زى ئوذان نش ذ أميس ن أريف س ئذمّن ذ ئزوران ؤريغد ذي الحسيمة ذ أحوذري ذ أمزيان ثوذرث ئ ئيضا سيورن خس نّان نّان خس رجذوذ ئشهذ خس را ذ زمان را ذ نش اذ اريغ اذ ئنيغ شا ئزران مشا مرا نّيغ تكَّْغ را ذ رميزان مرا ئشنا ئريق ترمّامغ ذ ئفيران تحوّاضغ ثبحّار س ئبوذا ئشنان وين ذوين اذ ئغار اذ سنن من ئدجان اذ سنن قا ثوذرث غاس أطاس ئزرفان ئنايد ءا ثومات ميخ تمتّان ئوذان ركَْنوس ئن ئمّ تارين ينضن هوكَْان سحس اذاش ئنيغ ؤقفّر خ ئمجّان رعز مرا يوري باب نس ئتبان ركَْنوس ئتمنغان مارّا ميخ تمتّان تمتّان خ ثرلي ئسرقاحن ئمان تمتّان خ ثرلي ئسرقاحن ئمان أشهبار محمد امنود  : 14-01-2014  

أمغنـاس ئنّا عاوذ ئكَّْا مانديلا أمغنـاس ئسيور خ ثرلي ذ ئزرفان ؤثاراس ئنّاسن قا ئسمغ ؤدج ذ أمحراس را نتا ذ بناذم ئتدّار دجيرث ذ وأس را نتا غاس ئزرفان خاس من خاس را نتا غاس ئزرفان خاس من خاس أشهبار محمد امنود : 12-2013  

زمان ئفغران زمان ئفغران ذ ئقاقريوَن زمان ؤسيمّار زى أمزيون زمان ؤحيّح ذ ؤقسّي ن أفريون زمان ؤسندف رحكام ئباغريون تَّاجار ئبّوك ئشّا ئجّيون ئتطّس ذي رقطن ئخّامن ئريون ئمسعي ئهارّا أذان تغارّيون أطّاون ؤذفن فغند أمّيون زمان ؤنقضع ذ ؤشماض ن ؤراوَن زمان ؤسيتم ن ثموغي ئسراون زمان ن رموث س أرهاج ذ ئسفضاون زمان ؤزوغار خ أمان ئزيزاون تّاجار ئسقضاع ثغماس ذ أشّاون ئتدّم ذى أزرو ئقّاز ئحفراون ئمسعي ئتوارا ثوذرث ذ ساون مامش ما ئكَّْاس ئترو ئمطّاون أشهبار محمد امنود   : 07-10-2013  

زمان ؤعفّار ءا ون ئزّاواحن ئحثار شوايت ئثار حاور خ ئمسعي ؤتقّس ام ؤفيغار ثوذرث ام رقنداث ثتوابنا ثنوّار ام ثبحيرث ئزوقن س بنعمان ثشوّار ام رقسير ئرقحن ئقوا ئعمّار زمان ئ ذي ندجا ن ؤعفّار ذ ؤسحقار تقيّارن تكسن ئ ون وا غار عدجفن تِشّن ئ ون مي غار س ئشقفان ئزوقن سودّارن ئروثار ون ئدجان ذ رمسكين ثسغارث نس ثودّار ئتنقضاع ذي ثوذرث ئتاري ئطّار ون مي غار ئضحّش خس ذايس ئخزّار ئتشح خس س أرشاوي باش ؤدئضهّار زغيراس ؤيتمتي ؤيتيوي شبار مشا عاذ اذ ئمّث من ئزاع اث ئمجار مشا عاذ اذ ئمّث من ئزاع اث ئمجار أشهبار محمد امنود   : 04/05-10-2013  

ءا ئسم ئنو ؤياش نش ذ أشهبار محمد ذ ئسم ئنو مرا نش مُّوثغ ئري شك ذى ؤمشان ئنو ئري شك ذ نّش مَّر ئروثار ئنو من تسريغ ذ من زريغ ذي ثوذارث ئنو ثقسِّيسين ئزمَّغ س ؤفوس ثينِّ ئنو عارسغ ثنت ذ رحواض س رعقر ئنو بنيغ ثنت ذ ربني س رقروم ئنو أثنت ئنيغ مرا خسغ س ئرس ئنو ؤذي ن حد اي ئكَّس ذ وا ذ أبريد ئنو ون ئ ذاي ئخرقن ئخرق بابا حنُّو ئخرق ثمورا ذ ئجنوان ذ ؤسينو نش ذ رعبذ ئنس نتَّا ذ ربِّ ئنو نش ذ رعبذ ئنس نتَّا ذ ربِّ ئنو أشهبار محمد امنود   : 20-09-2013  

مايمي راشّاح مايمي راشاح مايمي ئمنغان ثوذرث ثشاش انغ اندّار ذي رامان وقّاراي اشم وقّارغ انسمون ئضوضان أوار انسّيور من ئصبحن ئشنان يزري ؤيتمنزي ذي سّوق أبرشان أميا وه ؤديتيس ؤيتيري ذى ئوذان ئتشّ ئث ربي ئ ون ئخس س رميزان من ئخرق ربي ئعذراس رعذران رعقر يِيفن ذ ئج ن ركنز ذ أمقران ئتجّا باب نس ئتسّن ئزرفان ئتسّن ثوذرث ذ من سوان ؤسّان 20-10-2011 مايمي راشاح مايمي ئمنغان ثوذرث ثشاش انغ اندّار ذي رامان أمضال ئزوار انغ نشنين عاذ نتعايان شا ئوض غا ثزيري ارنون عاذ غا روان نشنين عاذ ذي ثيري ؤنسّين من ئدجان نحطّا ايويا ؤنتاري ئمزران ثووري س ؤذم ون يوذسن مِخ رقّان ئخسّا اندّار انمون ام ئضوضان انسمون ؤراون انسبد ون ئوضان نش وامي ذ رمسكين رجيوب ئنو خوان فوس ئنو ذ أقوضاض مايكا وغا ئتسران 16-09-2013 :  امنود أشهبار محمد  

أزّوغ أذ مرشغ أزّوغ أذ مرشغ مشا نش ذ رمسكين ثن غا زاغ زذاثِ قّاغاس ثا حسن زِ ثين ثينا ن روقتا تغارانثنت ثنعاشين أزّونت ون مِ غا طُمُوبيناث ثوذرين نش أزّوغ ئِشت اتاف غاس ؤر ذ أحنين مرا نش خيقع اي ثسفاح س ثوارين أنبنا ثوذارث دساس ئِنس ذ نشنين أدنج ئحنجيرن اد مغارن را نثنين أدنج ئحنجيرن اد مغارن را نثنين أشهبار محمد 03-09-2013