نّيغ غا رحق مرا نش سّيورغ ؤخَا نّيغ رحق ؤتوگذغ زي حد مرا غاي رحق ذغيا أذسنغ ئوذان ئقبرن رحق ذغيا أذسنغ ئوذان ئقارن رحق ئوذان ئعفّانَن ؤتخسنشي رحق ئوذان ئعفّانَن ؤتخسنشي رحق أشهبار محمد امنود 22/06/2023 

 دّنيا ؤسنثتذومّيشي  منزي رمسكين وخّا غاس رحق تاويناسث ؤخَا ئتراحاس حيت ذين شي زي ينّي ئتحكامن ظدجمنث تنعدّان خاس تاذفنثنت تگّن من خْسن تاشارن موخ خْسن تشحن خاس غاسن ثغمّورا تْكالان خ أياويا تتّن رمسكين تَّجار تَذارنّاس زغيراسن أذقّيمن ذي ثوذارثَا قا عاذ أذمثن وگار ئمنحاس دّنيايا ؤسنثتذومّيشي منما غشّن ؤشارن جمعن خطّنّاس كورشي أذيقظا أذيارز أذينّهذم أذيقّاص أذيارشا أذينفاس أشهبار محمد امنود 12/06/2023 

 عاذ أذتواحاسبن  وخّا ئوذان ئعفّانَن ربدا تاشارن گارون تْخمّارن تاذفن ذي ثسيّاسث ظدجمن تنعدّان تْسنسارن سْعدّانت خ شْعَبْ ذ دّوْلاث مشَا قا مارّا أذمثن ما أتنسّعذان خ ربِّثْنغ قا عاذ قّاع أذتواحاسبن زي دّنيا من گارون ؤثكسّين ذي ثندتش أذزرن أذزارن رحساب ذ رعذاب ثمسّي أتذوم أذنزرن عوض أذخذمن ثمورث نيشان نثنين ذ ئخوّانَن مرا ذي دّنيا فرثن ذي ثوذارث نّضّن أذحصرن دّنيا أتقظا أسنثقظا ذي ثوذارث نّضّن أذندمن أشهبار محمد امنود 09/05/2023 

 ما أذفرثن ما  ذين ئوذان غاسن ئطاموشن شارقن قّارن ذاينغ من ؤيدجين عاذ أذبارقن دّنيا ؤثتذومّي عاذ أذراحن أذنفارقن ثساعت مرا ثخشّد ئبريذن أذنزارقن ئمضران أذنّغزن ئگرمامن أذنهارقن ربِّثْنغ سنّج قّاع ئسّن ينّي ئسخارقن عاذ أذتخارسن ذي ثمسّي أذنحارقن ما أذفرثن ما مرا نعدّن ظرمن غاقن ما أذفرثن ما مرا نعدّن ظرمن غاقن أشهبار محمد امنود 05/05/2023  Mohamed Achahbar · ما أذفرثن ما

 ئقسح رحار  منزي غا نمرش ئقسح رحار تْسنسارنّانغ كورشي ئغرا روقت ثقسح ثسبوهريانغ نشّيت صّحّث تانقصيث دّاث ثتقسانغ نشنين زي رموساكين كورشي ئقابرانغ والو رفروس رعذواث قابرن حسذنّانغ جماعث ذ مافياث ذ ئجهريون تَشَارنّانغ تاوين رحق نّغ ؤتعوّيضنشي تْحگّارنانغ ما تغيراسن ؤتمتّينشي ؤخَا سْتامارنّانغ قا قّاع أذمثن ؤيتذومّيشي منما شّينانغ ؤقسيحنشي ذين ربِّثْنغ نسنيث ئسنانغ ؤذين حد أم نتّا كورشي ئزماراس ئغنانغ نشنين ئمسرمن أنراح غا جّنّثْ مرا ئنغانغ أشهبار محمد امنود 04/05/2023  Mohamed Achahbar · ئقسح رحار

 ؤذاشي، بْناقص  ؤمِي رْمخزن ئتحگّار زي ثمورث نّغ ئتَشَار ؤذاشي، بْناقص زي دّنيايا ثوذارثَا ثخسار سْننّانغ نوريد ذ ئيوجيرن ثكّا خانغ ننقثمار عاذ غانغ ئيوجيرن نتعانا ذي ثوذارثَا نْودّار گين أبريذ ذي ثمورث ضيعنت ؤر نّغ ئغيّار ؤذانغ عوضنشي منزي نتّا رْمخزن ذ أحگّار ئروخن قا عاذ أذاحرن ؤيتغيمي حد ئدّار ون يوشَارن شي أذيمّث كورشي أثيخسار مرا حد ئكفار منما ئخذم ثوذارثَا أتيخسار وخّا ئتراذا ئتنعدّا ذي ثوذارث نّضّن أذيزار ذي ثمسّي رعذاب أذيذوم روخن أذيسقار نشنين ئمسرمن ؤذين حد أم ربِّثْنغ ئمغار نتّا ئخرقانغ يارحمانغ أتيغ ذي جّنّثْ أندّار نّعمث ؤنزري عمّاس أتيغ ذي جّنّثْ أتنزار نّعمث ؤنزري عمّاس أتيغ ذي جّنّثْ أتنزار أشهبار محمد امنود 17/04/2023 

 كور حد ماي ئدجا  كور حد ماي ئدجا حد ذي ربار حد ذي ربحار حد ئتعيش ذي رقصار حد ئتعيش ذي رقجار ثوذارثَا حد ذغيا ثوشاس حد ثجّيث ئتنقثمار حد نتّا ذ والو ذي رخير ن ربار ذ ربحار ئتَشَار بناذم منما غاس ؤيقنّع أيذوذ ذي ثمورا ئودّار ئوذان كور حد موخ ئگا حد ئنّجمع حد ئمّندار شي ئتحاراب شي تتّن أياويا أجّار ئتراذا أجّار مشَا أمّن ذين حد أقث مليح يارسا خاس سّار نتّا بناذم ئگّورن نيشان ئگّور س نّيّث ئتحزّار مشَا بناذم ؤيگّورنشي نيشان وخّا نتّا ذ أغدّار عاذ أذيمّث قا ذي ثوذارثَا منما ئگاو أثيخسار قّاع ئوذان أذمثن ؤذين حد أذيقيم ربدا ئدّار ثوذارثَا ن دّنيا أتقظا أتقظا من ذايس أذيوَدّار كور حد موخ ئتيبنّا حد ئعدّر حد ئتسخسار ياك عاذ ذين ثوذارث نّضّن ئخسّا أنسّن أنغار نشنين ئمسرمن أناربح ون ئكفارن أذيخسار نشنين ئمسرمن أناربح ون ئكفارن أذيخسار أشهبار محمد امنود 10/04/2023 

 ؤتغيمينشي ‏شي ذ شي شي خ شي شي ذي شي شي أك شي شي ئتذحا ذ شي شي ئدّاحا ذ شي شي ئندّه شي شي ئتاري خ شي شي ئتاوي شي شي ئتارا ئ شي شي ئتِجّاد شي شي ؤدئتِجّي شي شي يارنا شي شي ئنق شي شي ئتت شي شي ئعدّم شي شي ئخدجا شي شي ذ شي زيرا دجان ذ شي أذمثن كورشي ذي دّنيا ؤتغيمينشي أشهبار محمد امنود 06/04/2023 

 كور حد موخ ئتعيش  ئسيّاسيّن گين أم ئغايذن غا نطون وه خ ركراسا تشبوبوظن تارين طّارن ربعاضِث ؤكّين مدراسا فطحن توعران تْعاران تْنعران ثسّانافيثن سّياسا من ئدجان ئتنگوراسند تْناوارن تْنفراگن سا ذ سا ون ئحصرن ئتخاراس ون ئفرثن ئتقاس ئسقاسا كور حد موخ ئتعيش ثوذارثَا حد ئطّاو ئتمروسا ذين حد ؤيشني ثشناس ذين حد ؤسثشني ئشنا ذين حد ؤيشني ؤسثشني ذين حد ثشناس ئهْنا أشهبار محمد  امنود 30/03/2023 

 ئسيّاسيّن جذمن فرنسا ذايس ئزامريوَن تحكامن أفريقيا ذايس أمزيوَن تحجّامن أيذوذ ئتعانا خدجانث ئشكّامن ئسيّاسيّن مرا نّان شي ؤثنتامن قا نثنين قّارن ئخاريقن ترقّامن تمحزوارن سْنعميرن ذ ئزعّامن تمحامان حما أذاربحن تْحشّامن ؤخَا تْشقّافن جذمن ذ ئمجذامن نثنين غا تمهافان وه سّخذامن شحار ئسظمعن مشَا سْحارامن تگّن ئيَخفنسن خ شْعب تْعزّامن تجّانث ذي زْرض ؤخَا تْعلّامن أشهبار محمد امنود 27/03/2023 

 ؤتحِنّين  يا ربي سّزرض ون ؤيتحكيمنشي نيشان ون ئتَشَارن شعب ذدجيث ؤستِجّا أمشان حما أثسنَنْ كورشي أويازد وستغايحشان ين ئتحكامن ؤتحِنّين غاسن ؤر ذ أبرشان رْمسكين تتّنّاس أگرا تشحن خاس حشّان مشَا ئروخن قا عاذ ذي ثمضرين أذارشان كورشي زي دّنيا أذاحرن ئكشّاون أذتعشّان ذ شار ئغا ذحان نتّا أشفّار ؤغاس بو شّان ذي كورشي ئتَشَار منما ئگا ؤثيتگ نيشان ذي كورشي ئتَشَار منما ئگا ؤثيتگ نيشان أشهبار محمد امنود 26/03/2023 

 منديتنخراقن ؤثتبدّيرن مرا ئنخرقد حد زي يمّاس ؤذين حد أثِبدّر ؤذين حد أذيار ئوثمان ذ توثمين أثنيمسر ؤذين حد أذيار ثوثمين ذ ئوثمان أثنتيمسر أتاف صافت منديتواخرقن ئتواخرقد ئكمر ‏فْرنسا ثذوَر تزوبايث ئزوراگ شّورن س زْبر ئوثمان تاوين أياويا ماكرون ئنّفضح ئحصر رْگنس ئتغيّار رْگنس مرا حد ذ راصر ؤثنِقَبّر دّنيا ثخسار فْرنسا ثورصوض رحار ئطّرطر ئوذان ئنقزحن خمجن دّاتْ نْسن ثگا أم زْبر وخّا بدّرن ثِماسَا ذيخر ن دّاتْ ما أذيتوابدّر وخّا ذين حد ئسبريت ؤثعدّرشي أذيتوابدّر أوثم ذ أوثم ثاوثنت تاوثنت ؤذين حد ئبَدّر كورشي موخ ئتواخرق بناذم ؤيمسّر ؤيعدّر دّاتْ ن بناذم ئخدجقيت ربِّثْنغ ثتصار ثنّعذر كورشي من ئخرق ئعذراس زا بارا زا ذيخر كورشي من ئخرق ئعذراس زا بارا زا ذيخر أشهبار محمد امنود 26/03/2023 

 تطفن ثغمّورا  ربعاضِث سْنعميرن تقسنّاسن ئوسّورا مشَا تَشارن أگرا ئيوجيرن تقنَن ثوّورا رْحق ن رمسكين تاوينث تطفن ثغمّورا ذورن أم ئفغران تقسن نخارن أم ثْزورا ئروخن قا عاذ أذمثن أذخرانت ثدّورا ياش عاذ ذين ئمضران گين أم رقجورا كورشي أذاحرن أموخ آحرن ئمزوُورا دّنيا نسن أتقظا وخّا ئعيشن ذ ئمگّورا أذذْحان ذ شار أذقتوتسن أم ثشجّورا أذذْحان ذ شار أذقتوتسن أم ثشجّورا أشهبار محمد امنود 10/03/2023 

 نشنين غانغ ربِّثْنغ  أ رعذواث وخّا من غاوم ؤيتنفيرير ؤثدجيمشي مْخيّر نشنين غانغ ربِّثْنغ أديسّگ ون ئنقّن زي دّنيا أشكوم ئفيّر غا نْعدث أشارث قا نهارا نيغ ثوذشّا أتمثم قّاع أذيتوابدّر س ثِمورا ذ ئجنوان قّاع أذيتواغيّار ئيّا ما بناذم أتيسبّر مارّا ولّهْ ما أذا ثقّيمم ذي ثوذارثَا حد أذيتمتّا حد أذينطّر ذي ثندتش أتذحام ذ شار ون غا يمثن غا دّنيا ؤديذوگّر ذي ثندتش أتذحام ذ شار ون غا يمثن غا دّنيا ؤديذوگّر أشهبار محمد امنود 10/03/2023 

 زي ثمسّي أذربعن نتّا بناذم س نتّا ذ ويكيذس غاسن من ؤيتنفيريرن ئطان ؤشارنّانغ زي ثمّورث گينت ذ أبريذ ئيمسوقن ؤفينانغ ذ ئيوجيرن ؤخَا سّحقارنّانغ مشَا عاذ أذمثن أسنديخظر نهار ؤغاسن منغا أنون ؤرا منغا سْنقصن من ؤشارن من جمعن ذي دّنيا نسن كورشي أثِذجّن ئروخن غا جّيثن أثندخذمن دّنيا ولّهْ ما ذايس قيمن ربِّثْنغ أسنتديوش منزي قا ين غا ياشارن ئيوجيرن ئقسح شْغر نسن رعذاب أذيذوم زي ثمسّي أذربعن ئقسح شْغر نسن رعذاب أذيذوم زي ثمسّي أذربعن أشهبار محمد امنود 09/03/2023 

 كور حد موخ ئتمتّا  كور حد موخ ئتمتّا ئتموتوي شحار ما يورجا الحمد لله ؤمي ذين رموث ثْنَقْ ثَتْقزّار ثْخَدجا قّاع ون ئدجان ذي شي بزّز أذيمّث مايما ئدجا وخّا زعما ئنّوفّار مرا ئخضراسد نْهار أذيتواقجّا موخما ئدجا أذياتوتا أذيمّسراوْ أذيذحا أم طجّا زي دّنيا أذيانف غا لْيَاخِرا أذياف ذين منغا ئهجّا كور ئج س ركتاب نس كور ئج شحار ئغا ئراجا ون غا ياربحن جّنّثْ أتيزذغ أذياف من يورجا ون غا يخسارن ذين ثمسّي أتاف ئنّقمح ئنّقجا بناذم ئرا ؤيدجي ربِّثْنغ ئخرقيثيذ ياريث ئدجا ربِّثْنغ أثيار ؤيدجي روخن أثِذيبعث أثيار ئدجا ربِّثْنغ أثيار ؤيدجي روخن أثِذيبعث أثيار ئدجا أشهبار محمد امنود 03/03/2023 

 تاوين رخبوراث  جْماعث ئشفّارن ؤشارنّانغ مشَا عاذ أذمثن ؤشارنّانغ زي ثمورث گين أبريذ ئيمسوقن ئيّا ما أذگن ئمحراسن أذخسارن ؤخَا أذملّن وخّا كْثارن عاذ أتاس شي ن رْوَقت أذنقلّن حطّان بناذم تاوين رخبوراث قّارن ئخاريقن ربدا تْبرگيگن تْشكّامن تْغيراسن ذا ئغا قّيمن مشْحار ما ئعيشن رْموث والله حتَّا أتقّاسن منما ذْحان ؤتغيمينشي أذيقظا منما جمعن عاذ أذذْحان ذ والو أذفنان ئيّا ما أذمْواراعن أشهبار محمد امنود 25/02/2023 

 ئگروان أذقظان ئحنوشن ذ ئشفّارن وسعن مشَا ؤغاسن منغا فهمن شحار ما زّيكْظَن نيغ حْرِدجزَن نيغ سّوكمن أذندمّن ئوذان ؤيدجينشي نيشان خ ؤبريذ ئشنان أذنعذمن وخّا گين منما گين ياش ئجّيج زي ثوذارثَا أذنزذمن ؤتيفنشي ئگروان ئجمعن رقصوراث ئبنان أذنهذمن مشَا ئوذان ئدجان نيشان خ ؤبريذ ئشنان عدجمن تِجّان رَثار مرا گين شي مرا مّوثن تْمتّان ذ ئمسرمن أشهبار محمد امنود 24/02/2023 

 شي خ شي ئزيّار طّبقث خ طّبقث شي خ شي ئزيّار فاز ن ثمورث ئگّور ئتنهزّا ئتذوّار من ذاسدينّوقارن ربحار خ ربحار ئحما ئسّفساي يوزّر ئتازّر ئتسزّار ذِخرْ ن ثمورث أذيسّفسي ئذورار ثِصفِحين تْقاقوبنت أقاقب ئمغار توقيعن ئظوقزان ؤخَا ئتنهزّا رْبار ؤخَا ثْتنهزّا ثمورث تنهزّان ئذورار ثدّارث ثدّدريوْ خمي ئدّدْرِيوْ رحار بناذم ئتْنخراع ئتنخراع را ذ رمار زّلزال ئسنبهاض أيّاو شحار ئوْعار ئتسيفا ئشّاث ئنق ئسروبا ئسهَجار ئتسيفا ئشّاث ئنق ئسروبا ئسهَجار أشهبار محمد امنود 22/02/2023  Mohamed Achahbar · شي خ شي ئزيّار

 ربِّثْنغ حْسن ‏نشنين نوريد ذ ئيوجيرن نتنقضاع عاذ غانغ ئيوجيرن رمخزن أشفّار يوشارانغ ثمّورث ئگّيت ذ أبريذ ئيمسوقن زي الملك ؤخا هواد أكيسن أگرا غاسن من ؤيتنفيريرن عاذ طّومّوعن ذاگنغ تاشارنّانغ مشَا جّيثن قا عاذ أذمثن دّنيا ؤسنثتذومّيشي كورشي من جمعن أذمثن أثيذجّن نشنين قا نگا من خانغ نگا المحامي أتيغت أذانغ عوضن مرا ؤذانغ ؤشينشي رحق ؤذانغ عوضنشي ربِّثْنغ حْسن من ذانغ ئراحن ذي دّنيا أتيغ ذي الآخرة أناف ماناحْسن أشهبار محمد امنود 19/02/2023