مملكة العجائب - 60 حكاية كاملة
https://kw60tc.vercel.app/
منديتنخراقن ؤثتبدّيرن
مرا ئنخرقد حد زي يمّاس ؤذين حد أثِبدّر
ؤذين حد أذيار ئوثمان ذ توثمين أثنيمسر
ؤذين حد أذيار ثوثمين ذ ئوثمان أثنتيمسر
أتاف صافت منديتواخرقن ئتواخرقد ئكمر
فْرنسا ثذوَر تزوبايث ئزوراگ شّورن س زْبر
ئوثمان تاوين أياويا ماكرون ئنّفضح ئحصر
رْگنس ئتغيّار رْگنس مرا حد ذ راصر ؤثنِقَبّر
دّنيا ثخسار فْرنسا ثورصوض رحار ئطّرطر
ئوذان ئنقزحن خمجن دّاتْ نْسن ثگا أم زْبر
وخّا بدّرن ثِماسَا ذيخر ن دّاتْ ما أذيتوابدّر
وخّا ذين حد ئسبريت ؤثعدّرشي أذيتوابدّر
أوثم ذ أوثم ثاوثنت تاوثنت ؤذين حد ئبَدّر
كورشي موخ ئتواخرق بناذم ؤيمسّر ؤيعدّر
دّاتْ ن بناذم ئخدجقيت ربِّثْنغ ثتصار ثنّعذر
كورشي من ئخرق ئعذراس زا بارا زا ذيخر
كورشي من ئخرق ئعذراس زا بارا زا ذيخر
أشهبار محمد
امنود
26/03/2023
تعليقات
إرسال تعليق