نشنين ذ ئفنّانن  نشنين ذ ئفنّانن نوريد هانت ربعاضِث نَسْنيثن نشنين ذ ؤماثن ربعاض ئوذان حسذن نسْننّيثن نّاناش مايتيوفا ئخذميت مشَا نشنين نْغَربيثن نحَس نسَدج نّان من ؤيشنين نشنين نغّابريثن شحار ئنخذم ذي ربني ؤياش رموازن نشنيثن  شحار نخذم لوصا زّلّيج نشنا رحيوظ نعذريثن ناوي نبنا نحارش نزلّج ئوذان ئعفّانَن نشاهيثن ناوي نبنا نحارش نزلّج ئوذان ئعفّانَن نشاهيثن مُحمذ محمد أشهبا أشهبار امنوذ امنود ليلة السبت : 22/06/1447 هـ الجمعة : 12/12/2025 م 🕙 Mohamed Achahbar · نشنين ذ ئفنّانن

 قّيمغ خزّارغ  قّيمغ خزّارغ ذي أنترنت تْفوروجغ ذي مندنشّارن ئوذان خزّارغ ذي رخبار ذْ من ئسبعّيجن ذْ من ئسروبان ئوذان رقوِيآذ قّيمن دالعين زعما سّوارن تِشّند رنصايح ئِيَوْذان شي ئتازّر شي ئنطُّو شي ئتعيار شْحار ئتعانان ذ ئوذان شي ئتجاراب شي ئتحاراب شي ئربث شي ئعدّر ئوذان شي ئتقاراب شي ئسقاراب شي ئسّن من تخسن ئوذان شي ئتقاراب شي ئسقاراب شي ئسّن من تخسن ئوذان مُحمذ محمد أشهبا أشهبار امنوذ امنود 01/06/1447 هـ 22/11/2025 م 

كوبارذي كوبارذي ئتحاراباي حيت ئحسذاي ربدا ذ زگا ؤيحمّر ؤذمينو مرَا ئزراي ئقّار رعيب زعما ئتغير ئسعُوفُّوناي ئطّاوْ ئتگ هاوْ مري يوفا ئري ئنغاي ئسْتَن عاوذ ئسْتَن ئتهاج ئتعاراشاي مشَا نش سنغ من تگّغ ربِّثْنغ ئسناي ئحطّاي ئحفظاي يارحماي يارزقاي مرا غاي زْماغ تگّغ رخير ئتنخرافاي ؤتنعدّيغشي مشَا شمات ئظدجماي كوبارذي نتّا ذ شمات وهْ ئتسوّاساي ئنّا عاوذ ئنّا مشَا ذين ربِّثْنغ ئتواراي تْذافاعغ خ رحق خْمي حد ئهوگراي حمذغ ذ أمسرم اللهْ تعالى ئخرقاي حمذغ ذ أمسرم اللهْ تعالى ئخرقاي مُحمذ محمد أشهبا أشهبار امنوذ امنود  21/10/2025 م  28/04/1447 هـ  Mohamed Achahbar · كوبارذي.m4a

 نّيّث ذ نّيّث  أبريذ ن ثمسرنت نتّا ذ أبريذ ئسگّذْ ئسخشّا نشنين ئمسرمن أندّار ذي رهنا نهارا ثوذشّا ربِّثْنغ نْطاعاس نحمذيث نفطار نتغدّا نتعشّا ثوذارثَا وخّا ثقسح ثسّظماع ثتغارا ثتحشّا مرا نسّن نفهم نفطن أندّار رهنا نهارا ثوذشّا أنطاع ئربِّثْنغ ذ نبينّغ أنتاك ئحد مرا ئتغشّا ون ئگّورن س رغش أذيتواحاسب ثوذشّا مشَا نّيّث ذ نّيّث ئتعيش رهنا نهارا ثوذشّا مشَا نّيّث ذ نّيّث ئتعيش رهنا نهارا ثوذشّا مُحمذ محمد أشهبا أشهبار امنوذ امنود 21/03/1447 هـ 14/09/2025 م 

 نيشان والو نيشان  ثوذارثَا حد ئعدّر جار ئوذان  ئمّار ئكّان أستِق ذ أماريكان  را نتّا ئغرا من غرين ئوذان  ئنّا عاوذ ئنّا ئقّار من ئدجان  ئسّن ذي ثوسنا ئتوارا ئكّان   ئصدجح جار ئوذان ئخطّان  حد نيشان حد والو نيشان  حد ئزهم رزهامث ئتشوكان  أم زّانزار ئستوكوين ئوذان  تمحِمّارن تسمّارنث تراذان  ئتقيّار ئتنّض ئزدجگ جوان  ئتت ثهنديث ئتغزاز ؤگران  ثغماس بارينت ئرس ئتبان  ئوْثا يعجِجْ ئقّفقف ئتشيّان  أستِق ياوس حِمّار ؤشنان  أستِق ياربّا ئرفان ذ ئفغران  حد سرازنث ئتحاراب زمان  ئتت ثازَاث ئتسغراي ئوزان  أقمّوم ئوّاس ئفاسّن تنهزّان  ئضارن شكمن تاوين تاران  ئهنا ؤيهني ئسس دولبران  ئتت من ئكثابن ئسس أمان ئتت من ئكثابن ئسس أمان مُحمذ محمد أشهبا أشهبار امنوذ امنود 26/08/2025 م 02/03/1447 هـ 

 خاس ئزران خاس ئزران بنكيران ميمي ئتك أك إيران إيران نقّن ئمسرمن تحارابن سُّنّث تنعدّان تْكفّارن رعيشاث ن الرسول نعرن تسبّان زارعن رفتنث ذي ثمورث ئوذان تمضاران تگّن ئخفنسن زعما ذ ئمسرمن مشَا طغان قّان تشتّاحن سْقُوزّوعن تْزبزيبن أم ئيزان تامنَن س تّحريف ن القرآنَ بنّان ئمضران تامنَن س تّحريف ن القرآنَ بنّان ئمضران مُحمذ محمد أشهبا أشهبار 26/12/1446 هـ 22/06/2025 م

أتيغ أنتوارحم زي رحار غا رحار نمّوتي عراين شحار غا نك ندّار نرقّا رمحاين سحس ساين فْهم سفهم عاين رْمذ سرمذ فاجا خ ؤر ئتمذكاين غير گ رخير رعذواث أذنحاين نشنين ذ ئمسرمن ن جّنّثْ باين الحمد لله ذين ربِّثْنغ ئدجا كاين ؤذين حد أم نتّا ئخرقانغ ثناين س ئوثمان توثمين أندّار ماثاين مُحمذ محمد أشهبا أشهبار تمارة 09/05/2025 م 11/11/1446 هـ

 تُّوراث رقوماث غاسن ثتُّورا رگنوس غاسن ثسقّورا ربيوت غاسنت ثوّورا رحيوظ غاسن ثغمّورا ركامپو ذايس ثعورا رنديناث ذايسنت ثدّورا مُحمذ محمد أشهبا أشهبار تمارة : تمارا 19/04/2025 م 20/10/1446 هـ

 شي ئصمض شي ئحما مرا من ئصمضن ذ من ئحمان مسرقان توقيعنت ثحاياظين توقيعن ئضوقزان جاراسن را گ جنّا را ذي ثمورث تمنغان أسگنو ئتموتوي ئتيري ؤنزار ذ ئغزران أجّاج ئتنهام ئسنخراع ئتصدّاع ئمجّان ثتيري سّيحقث ربروق تضوّان ئجنوان ثمّورث ثتَنهزّا ثدّيدريو تنخراعن ئوذان قّاع ئتعجيجّي رمار ئجظيظن سحسّان قّاع ئتعجيجّي رمار ئجظيظن سحسّان مُحمذ محمد أشهبا أشهبار امنوذ امنود 30/03/2025 م 30/09/1446 هـ 

 ربعاض ئغابيّن  ربعاض ئغابيّن ذ ئعفّانَن ذ ئخدّاعن ذ ئمَتّارن ذ ئمعّاشن ؤخَا تقاطاعن ذگ ئريذن خ رباراني تمسلاّطن تمعّيشن تمزنّاذن حطّان تجسّاسن مرا ذين شي ن نّيّث أثنيشن نشنين ئريفيّن ذ ئحواريّن مشَا ئغابيّن ذاگسن ئمعّاشن تاسند زي رغاب غا أريف آسّن شراوط تتّارن تمعّيشن وخّا غاسن طّوموبيناث ثوذرين مشَا نثنين ذ ئمعّاشن وخّا غاسن طّوموبيناث ثوذرين مشَا نثنين ذ ئمعّاشن مُحمذ محمد أشهبا أشهبار تمارا 26/03/2025 م 26/09/1446 هـ 

 مرا ربعاض ئوذان  مرَا ربعاض ئوذان شارهنش وخّا شك ذ أصبحان وخّا شك ذ أمسرم ؤثتنعدّيذ خ حد ثگّورذ نيشان وخّا غاك رحق تحارابنش قّارن من ئدجان ذ أعفّان ئروخن جّيثن قا عاذ أذمثن ؤخَا أذزارن من دجان أقاثن خ ؤجيج أقاثن خ ؤقيش مرا تنعدّان تْراذان الحمد لله نشنين ذ ئمسرمن ربِّثْنغ ئسّن من ئدجان الحمد لله نشنين ذ ئمسرمن ربِّثْنغ ئسّن من ئدجان مُحمذ محمد أشهبا أشهبار امنوذ امنود 01/03/2025 م 02/09/1446 هـ 🕚

 ئخ خ ربعاضِث  ئخ شيذسن ذ ئعفّانَن شارهنانغ حسذنانغ ؤُخا قّارن رعيب مري ؤفين ئري شّينانغ غاسن ؤذم ئقبح مري ؤفين ئري نْغينانغ مشَا ذين الله تعالى ئذانغ ئخرقن ئسنانغ نشنين ذ ؤماثن ئندجا نسّن ربِّثْنغ ئزارانغ نشنين ذ ئمسرمن ربِّثْنغ يرحمانغ يرزقانغ نشنين ؤنتريذي حد ذين ربِّثْنغ ئحفظانغ رعذو عاذ أذيمّث ؤخا أذيسّن مرا ئراذانغ رعذو عاذ أذيمّث ؤخا أذيسّن مرا ئراذانغ مُحمذ محمد أشهبا أشهبار امنوذ امنود 12/02/2025 م 13/08/1446 هـ 

 ثتزادجيث  مرا بناذم ئتزادجا ؤخا ئتفافا حما أذيكمّر ذغيا ثْتاسد خاس ثْزادحيث ثقسح ثذقر مشَا مرا ئتزادجا ؤخا ؤيتفيفيشي أذيكمّر ذغيا ثْتاسد خاس ثْزادحيث ثهوَن ثسهر مُحمذ محمد أشهبا أشهبار امنوذ امنود 24/01/2025 م 24/07/1446 هـ 

 زعما غْرين ربعاضِث زعما غرين سّوفغن ئكوراس ذورن تحكامن مرمي سّوارن عدرنّاس بنّان ئمرامبظن رْمسكين تْكمّارن خاس ظدجمن تنعدّان أمسرم تْعسّاسن خاس قابرن تْجسّاسن تاوين رخبور كور أس شحار بناذم ئنيا أستق عبذن تَذارنّاس مشَا عاذ أذمثن بناذم أذيقظا من غاس إلاّ الله تعالى ربِّثنغ نتّا ئذوم من غاس إلاّ الله تعالى ربِّثنغ نتّا ئذوم من غاس مُحمذ محمد أشهبا أشهبار امنوذ امنود  تْراثا 03/12/2024 م تْراثا 01/06/1446 هـ

 نْسدج نْطاع ذين رعذواث ذ ئخوّانَن ظرمن تسوعران زعما تگّن طّوموبيناث ؤخَا توفن توعران الحمد لله ذين ربِّثْنغ الله تعالى ذ أمقران ئسّن من ذاسن غايگ وخّا گين أم ئفغران حطّان تنعدّان ظدجمن تراذان نغزن ؤگران عاذ أذمثن ذين من ئخطفن أتيغ أم ئمگران سادو ذ جهنم مرا حد ئحصر خاس ئزران الحمد لله نشنين ئمسرمن زي ينّي ئغران نسدج نْطاع أتخت أنراح غا جّنّثْ ئحران نسدج نْطاع أتخت أنراح غا جّنّثْ ئحران مُحمذ محمد أشهبا أشهبار امنوذ امنود رحد 01/12/2024 م رثناين 30/05/1446 هـ 🕢

 ربِّثْنغ حْسن ما زعما ئطان ئتحكامن غاسن ئطان ندهن تسوّاسن ميمي ئطان تحكامن طريّان ميمي تاشارن تحوّاسن ظدجمن أيوجير ظدجمن رمسكين تراذانث تقوّاسن شذسن تواحزبن غا ستغلان تتّن خسّنّاسن ئحراسن دّاحان تاران ئخفنسن ذ شي نثنين گين أم ئمحراسن خونَن زي ثمورث ئيوجيرن ربِّثْنغ ئسنيثن ئتسراسن الحمد لله ذين رب العالمين ئسّن ئتوارا من سغاسن شحار غا دّارن قّاع قا عاذ أذمثن قّاع راخاث أتقّاسن شحار غا دّارن قّاع قا عاذ أذمثن قّاع راخاث أتقّاسن مُحمذ محمد أشهبا أشهبار امنوذ امنود 24/11/2024 م 22/05/1446 هـ

 شي نيشان شي لاّ  ونّ ئطايّان ئتحكام ؤيدجي ذي رهنا ئتاتوتا ئتسالا ثغماس تنخرخورنت أوار ئعوج شي نيشان شي لاّ ونّ ئظدجمن ذين ربِّثْنغ ئسّن موخ ذاگس غا يتهلاّ الحمد لله نْزار نتحزّار مرا نخظا نتّوبا رعذو ئتمقلاّ نشنين ئمسرمن ؤنظدجمشي غانغ يِيه ذ يِيه لاّ ذ لاّ نشنين نحمّذ وخّا تراذانانغ ذي دّنيا تتّنّانغ زگ أگرا عاذ أنگّوج منما نعدّن ذا عاذ ذيها أذتواحاسبن مارّا عاذ أنگّوج منما نعدّن ذا عاذ ذيها أذتواحاسبن مارّا مُحمذ محمد أشهبا أشهبار امنوذ امنود 07/11/2024 م 05/05/1446 هـ