موخما نگاس مرا حد يارزّو دراهم ئخسّاس دراهم ئخسّاس صّحّث ذ رعقر حما أذيخذم قا دّونّيث ئ ذي ندجا ثشور س رهم موخما نگاس سويرتي عماس أغيعرم ثخذمذ س ؤر أگ حد أشيش أشيژم ثقّيمذ ؤثخذيمذ أشينغ زرض ذ رهم ذي ثوذارثَا أشسعونان أشقّارن رحَم ثرحمذ أتصارذ ون ؤيرحيمن ؤثنيهم مشا أمسرم أسُنّي ئقسح نتا ئتواگم ؤر نس ذ أصبحان جنّث أسثتوارزم أتيغ ربي أخاس يارضا ربدا أثيارحم ربي ذ أمقران ؤذين حد أخاس ئنهم ؤيظدجم حد كورشي غاس ئتوازم كورشي غاس يورا ؤ خاس ئنتْشارم يارزقانغ يارحمانغ بزّز أغاس نتّارم مرا نگوج أتيغ س أرحمث أغيارحم مرا نگوج أتيغ س أرحمث أغيارحم أشهبار محمد امنود 01/04/2021

 ماي ثدجا ماي ثدجا نوال السعداوي ثكافريوث ن ثكافريوين ثنّ ئرا ئخسن أتحاكم ربي ؤ ثخساس من ؤيحرين ؤراذيج ما ئنقذيت زي رموث شحار ئثحارب دّين غارنت شّياطين ثنّا من ؤيحرين ثارزف خ تسعين ثشاب خ رخاوي ئزّرفيت زمان أتشّنت ثكشّاوين ثوّيت رخاث ثذور عبرا ئ مارّا ون ئتحارابن دّين باش أذسنَن قا ربي ؤثتنيقيشن أمّن نتا ئسّدّارين ئسمغارين ئسّگّورين ئسّگّامين يارزقين يارحمين ؤسّان مرا قظان زي ثوذارثَا غا ثوذارثين ئنقرين زي غا گّوجن ذيها ؤدتذويرن ذا عماس أذايرين زي غا گّوجن ذيها ؤدتذويرن ذا عماس أذايرين أشهبار محمد امنود 28/03/2021 

 فْهم  أثن ئنّان رعيب ئنَاي من ذام گيغ ما تغيرام نش تقصادغ مِخ ؤتسريغ ؤر ئنو ئقنظن بزّز أخاس فاجيغ قبر ما أتسّيورذ غار مارّا من نّيغ نش صبّارغ مشا ذ أمقنوظ ئگ دجيغ نش زي أريف ذ أريفي ئدوريغ ذ أمسرم ذ أمازيغ نش ؤتمنزيغ ذي ثوريقين ذ أمغرابي صْفيغ مرا ثتخسذاي فْهم قّاع من نّيغ مرا ثتخسذاي فْهم قّاع من نّيغ أون ئنّان رعيب ئنَاي من ذاش گيغ ما تغيراش نش تقصادغ مِخ ؤتسريغ ؤر ئنو ئقنظن بزّز أخاس فاجيغ قبر ما أتسّيورذ غار مارّا من نّيغ نش صبّارغ مشا ذ أمقنوظ ئگ دجيغ نش زي أريف ذ أريفي ئدوريغ ذ أمسرم ذ أمازيغ نش ؤتمنزيغ ذي ثوريقين ذ أمغرابي صْفيغ قبر ما أتحكمذ فْهم قّاع من نّيغ قبر ما أتحكمذ فْهم قّاع من نّيغ أشهبار محمد امنود 24/03/2021 

 ثينا ن روقتا  ثينا ن روقتا ئخسّاسنت ؤركّوض ذايسنت ؤذايسنت شي أم رحوض تشوكانت قا أشارنت ذ امايوض تسحسيحنت ئتفغاسنتيد ؤعبّوض ؤر ئروساسنت ئرس ئفغد ذ بوض حكمنت أشقدذنت أري ذ أمزروض جار ؤجار تبدّارنت أعبان أم أروض أشهبار محمد امنود 22/03/2021 

 ذي ثوذارثَا  ذي ثوذارثَا حد ئسكّار حد ئتحشّاش حد ئتكياف حد ئتشمّا حد ئتشيّاش وخّا حد ؤتتْغاريذ نتّا ئتغاراش وخّا حد ؤتتْقاريشذ نتّا ئتقاراش وخّا حد ؤتتْخابيشذ نتّا ئتخاباش وخّا حد ؤتتْهاريذ نتّا ئتهاراش مرا ؤثتْنيّيشذ ذي حد ذين حد ئتنياش مرا ؤثسّهريشذ حد ذين حد ئسّهراش ذي ثوذارثَا حد ئسكّار حد ئتحشّاش حد ئتكياف حد ئتشمّا حد ئتشيّاش وخّا حد ؤتتْحاريذ نتّا ئتحاراش وخّا حد ؤتتْجاريذ نتّا ئتجاراش وخّا خ حد ؤثتحاويشذ نتّا ئتحاواش مرا ثتكّذ شي ربِّثْنغ ئتواراش مرا ثقارذ شي ربِّثْنغ ئتسْراش مرا ثنويذ شي نْوا شي ذ أسدّاش أشهبار محمد امنود 22/03/2021 

 مرا حد مرا حد ئكفار ئخسّا ؤثنتجّي أذيخِّشَّع ئخسّا ؤنتجّي ئحنوشن أدتگّن خانغ تَّعْ أحفور مايس ئد تسجّان ئخسّا أثنبلّع ئخسّا أنوحّد ربِّثْنغ حد نّضّن ؤسناركّع ربِّثْنغ ئمغار نتّا ئخدجق يارزّق ئنفّع حد نّضّن ؤغيخريق ؤغيارزّق ؤغينفّع ثوذارثين أتقّيم بزّز ذي ثوذارثَا أنتلع ثوذارثين أتقّيم بزّز زي ثوذارثَا أنتلع أشهبار محمد امنود 20/03/2021

 شي شي خ شي شي زي شي شي ئتطّف شي شي ياخّو ئ شي شي ئتحاراب شي شي ئنق شي حشي ذي كورشي دونّيث ؤثتذومّيشي شي ئسّن شي شي ؤيسّينشي شي ئتفهام ئ شي شي ؤيتفهيم ئ شي أشهبار محمد امنود 19/03/2021

 حد خ حد ؤمي ئسرماذن ئشاثيثن ون ؤيسوين ذ رمقدّم ثسنذ قا أباشريو ئطريّان خاسن ذ أزعّاف ئتدّم يوحّر ما أذيش ذايس رهيف ؤيظهار مِن ئخدّم ئتسزراض أمزذوغ ئذكّن رحبساث ئخدجا ئعدّم مِن ذانغ ئنقّن أمغوّغ ئديسوكّن عاذ روخا ئزدّم ها ربار ها ربحار ؤسنوفي نوحّر أنبنا نتّا ئهدّم ئحسذانغ خ ؤصاظيظ ئتحوّاس والو مِن ئقدّم ؤيقدّم والو غا ئتَت حد خ حد أم أقزين ئتدّم أشهبار محمد امنود 18/03/2021

 مِن ئتمسارن أمْيَا ؤسّا مِن ئتوقيعن أمْيَا أعموذ ئتصار غا ذي رمسكين  حد يارزّو خ رحق نس وني ئشّاثن أخاس ثستوتّين  ئباشريون ذي ريداراث فغنّاسند ؤگران ذ تقاشوين  مرا ؤفين أشْشّن نقّنش ثدّارذ نطرنش س ثوريقين مرا غاش رفروس قطّاناش نفع مرا والو ؤشتويرين زمانَا ئقسح ئوذان ثتغاراثن دّونشث تتّون ثوذارثين ثوذارثين أتذوم ذي جّنّثْ نيغ ذي ثمسّي قاع ؤتمتّين مشا ذي ثوذارثَا ؤلابد أذمثن روخن سّاني أذمّوتين مشا ذي ثوذارثَا ؤلابد أذمثن زايس روخن أذمّوتين أشهبار محمد امنود 18/03/2021

بعّذ ئ تخربيق أمسرم أسُنّي ذ أسَلَفي نتّا ئشنَع صنّث أيا أمسرم زي رحرار قْنَع  بعّذ ئ تْخربيق ذي رحرام ؤنقّع بناذم أصبحان ون ذاش ئخسن نْفَع  مرا ئخساريث حد أذينّقضَع بناذم أعفّان ون ذاش ئخسن صْضَع  مرا ئفاقَاس حد أذينّخرَع ذي ثوذارثَا فاق ئري أم سْبع مرا ذين حد يارجف ئجوَع  قا ذين حد ياربع ئتوانزَع أمسرم أسُنّي ذ أسَلَفي ئشنَع ئقظَع مشَا أشيعي ذ أكافريو ذ أشانعيو ئتّنزَع مشَا أشيعي ذ أكافريو ذ أشانعيو ئتّنزَع أشهبار محمد  امنود  14/08/2020 

ئبريس ئويث بْناذم ئهرش ئبوهري ئبريس ئوّيث يوفيش س أريش ئقاراش حسنيث يوفيش س ؤرحيان ئقاراش كسيث نش تگغ السّنة الرسول ئناش جّيث نش سْنغ طرايّيغ خ ئخف ئنو نِّيثْ مرَا حد ئخسيش مرَا ثخسذ خسيث مرَا حد ئشاهيش س رقرم شطبيث سطار خاس أسطّير روخن عزريث ئناس أقاش ذين أبريذ نّس فغيث ئناس أقاش ذين أبريذ نّس فغيث أشهبار محمد امنود 12/08/2020 Mohamed Achahbar · ئبريس ئويث.m4a

نش تگغ السّنّة  نش تگغ السّنّة حد ؤر نّس ئحاري ، مرا سدجمغ خ حد ؤخا ؤثِيذْياري ، نش ؤيديشقي ؤر ئنو ؤيتمجاري شحار ئذاس نّان أسُنّي ذ أبوهاري ، نتّا ئطاع ئ ربّي ئبريس ؤثيتغاري ، مرا ئخظا أتيغ ربّي ؤكِس ئتمعاري ثوذارثَا أتعذا حد ئنّا رعيب ئتواري ، ثساعت نّس أتبَد س بزّز س ؤماري ، ثوذارثين أتقّيم ربّي ذَا ؤثِيذِيتَاري أشهبار محمد  امنود  22/07/2020 

مايمي أراذي مايمي رحسذ مايمي أراذي مايمي ئمنغان سحس قا ئمسرمن نثنين ؤحسذن بو ئوذان ؤحطّين شي أياويا ذ ئكافريون ئثن ئتراذان وَخّا شك ذ أصبحان تازّون أشارن ذ أعفان أتيغ أثنديهذا ربي أتيغ أذسنَن من ئدجان شحار ما عمّارن ذي ثوذارثَا ؤسان أسنقضان شحار ما جمعن أذيِري جار ئوريثن ذ ئزگنان عاذ أذتواحرن سّاني سْ راخاث أذتوافنان وَخّا ثشناسن مشَا ذي ثنضرين أثنسّهوان حد أذيمّش ذگ أمان أم تمشّان ئسرمان قّاع أذودّارن ذگ شار ذ شار ئغا ذحان قّاع أذودّارن ذگ شار ذ شار ئغا ذحان أشهبار محمد امنود 20/07/2020 

أوارن أثنينيغ نش تاريغ أوارن س ئقرم س ئيرس أثنينيغ مرَا ون ذاي ئحسذن ئتعاذاي نش ؤثتعيذيغ وخّا ئتسحقاراي مري يوفا ؤقّيرغ من ؤريغ مشا نش تاريغ أوار نشّارغ ؤر أخَس فاجيغ رحسذ ؤيتذومي بسّيف ثذت أتاريغ أتينيغ قبرنت نيغ ؤتقبيرن ؤر ئنو ئتاشَا سحسّيغ أم تاشَان ئوذان تاشِيغ أم تسران تسريغ زي ثوذارثَا أنگّوج أتيغ ذي ثمسّي ؤتيريغ أتيغ بوحبر أذيعثق أتيغ ذي جّنّث أذيريغ أرحمث ن ربّي ثمغار أتيغ أترقيغ أذهنيغ ربِّثْنَغ ذ أمقران ئخرقانغ نش غاس ئتدعيغ أتيغ أيْ يَارحم قا مري ؤيدجي نش ؤتيريغ أتيغ أيْ يَارحم قا مري ؤيدجي نش ؤتيريغ أشهبار محمد امنود ٢٨/٠٥/٢٠٢٠

أريف أريف ذايس رهنا ثوذارث ذايس ثشنا ئريفيّن ؤر نسن ئحار وخّا ذين رمحنا نتّا ون ئخدمن مِن ما ئويد ئتبان ئغنا ئحمّذ مامشما ؤديتاري رخبار ئ ثمنَّا ذ نّيّث وه ؤر نّس ذ أشمرار نتا ئتحِنّا ئسّن قا ثوذارثَا ثمزوّاق قا ؤلابد أتفنا ون ئدجان ذ أعقريوْ ئبحار ذي ثوسنا ئرزّو خ ثذت ئتجوّيل وخّا ثذت ثجنا وخّا ثتواندو ئسّن ئخف نّس مِن ئعنا  عاذ أداسن ؤسّان عاذ أريف أذيتوابنا عاذ أذيتوازيّن أريفي أذيِري ذي رهنا عاذ أذيتوازيّن أريفي أذيِري ذي رهنا أشهبار محمد امنود ٢٩/٠٤/٢٠٢٠ Mohamed Achahbar · أريف.m4a

أرحيان ربِّثْنغ ئخرقانغ ئزينانغ س ؤرحيان ربعاض تِجّانث غاسن ؤر ذ أصبحان ربعاض تِجّانث غاسن ؤر ذ أعفّان ربعاض تِجّانث تزوّاقنث ذ ئصغوان ربعاض تحفّافنث تكسنث س ؤزران أرحيان زي السّنّة نتّا ئعدّر ئوذان ئخسّانغ أثنتِجّا قا أكارط ذ أعفّان ئخسّانغ أثنسّيريذ حما ربدا أذيتْبان ذ أبّاح مسكسف ؤگس تيرين ئنجان أثنابَّا أگس نتهلاَّ حما ؤراون أذهنان ربِّثْنغ أسنطاع أثنعبذ أنزّادج نيشان  ربِّثْنغ أسنطاع أثنعبذ أنزّادج نيشان  محمد أشهبار امنود ١٨-٠٤-٢٠٢٠

كورونا سبحان الله كورونايا ثرقف ئوذان ثسبدّيثَنْ أمضال أمّن ئكمَر تْشذشان ثَسّندوثَنْ زي ئموشان ن فاقشغر أَورَن ثجمعيثن ذي ثوذرين تْنوفّارن شحار ئذسن ثنغيثن شُّورن سبّيطاراث شحار ئذسن ثحبسيثن شحار ئذسن ؤيشثيب أذمثن ثسنجميثن شحار ئذسن غاسن أگرا ثسعجيجّيثن شحار ئذسن ؤغاسنشي حد زي رعبذ ئتّوثن مشَا غاسن ون ئثن ئخرقن سنَنْث ئسنِيثَن شحار ئذسن ؤغاسنشي حد زي رعبذ ئتّوثن مشَا غاسن ون ئثن ئخرقن سنَنْث ئسنِيثَن أشهبار محمد امنود 08/04/2020 Mohamed Achahbar · كورونا.m4a

من قلّة الأدب من قلّة الأدب أن ترى رئيس جماعة وبعض الذين معه في الجماعة يكمون من قلّة الأدب أن ترى المسؤولين يسرقون أرض اليتامى وللخيرات ينهبون من قلّة الأدب أن ترى الملحدين ينكرون خالقهم وهو خلقهم وهم يعلمون من قلّة الأدب أن ترى البشر أصلهم واحد وهم عن بعضهم يتفاخرون ويتكبرون من قلّة الأدب أن ترى الذين درسوا ينتظرون بين المكاتب يتسكعون من قلّة الأدب أن ترى البعض يحمدون الله والآخرينَ لا يحمدونَ ولا يشكرون من قلّة الأدب أن لا يتّعض الناس وقد وهب الله لهم قلوبًا أفلا يتّعضون أشهبار محمد امنود : 12-09-2019

ئشيعيّن فيحن ئشيعيّن فاغن مّوزّارن س ئخف نسن فيحن شحار ئبدرن ذ ئپيلارن عبذن مشناو شطحن أنيند خ ربِّي ئخاريقن خ صّحابة نّان ئشتّيحن ؤغاسن روضو ؤرا تزادجيث ذ ئمخماج تشّْحن أگ حسين گين راشّاح ؤ ربّي خسارنث روحن وگار ئمنعار ذي دِّين تزوّارن نثنين زّونزوحن وگار ئمنعار ذي دِّين تزوّارن نثنين زّونزوحن أشهبار محمد امنود : ٣١/٠٧/٢٠١٩

أريمث ئتكيّافن دّخّان ذ ماركاث قاع تعفّانين ئخدجا أريمث ئسباواي ثطاوين ئتهلّاك صّحّث ئخدجا ذي ثنعاشين نْدار سخظ ئنقّن ألاك سْعان آغِرين ؤذايس بونفع ئتسَسميغ ثوراثين ئتضيّاع ئذمّن ئسباواي وين ذ وين تذوارن ؤتْوِيرين تصارن ذي ثخشبين را كيفن را نْدانث ذي رهنا ؤتيرين دّخّان ئتسبّاباسن رهراشاث ؤتوِيرين نتّا ون ئتكيّافن تزوغانث شّياطين ئتوارا قاع ذ روضا ئعصّا لْوالِدين أشهبار محمد امنود 18-04-2019

رعقوراث ئنّوقبن ربعاض ن رفقوياث رعقوراث نسَن نّوقبَن س ئسم ن ربِّ أثنتافذ ربعاض تْحدّاثن مشَا نثنين خزّارن غا ثنعاشين أذطفَن زنوزان دّين نسن تغيراسن من سُّوقيعَن قّان قَ لْجِهاد ئخسّا أتنغذ أشنغَن أزّون رموث ئ مارّا ين ؤدجين ذ ئمسرمن قّان قَ مارّا ين غا ئجاهذن مرَا مّوثَن أذراحن غا جّنّث أذمرشن أذشّن أذسوَن أذاوين حورالعين أذگّن من خْسَن سويَا ربعاض ئذسن سضوقوزن ئخفنسن نقّن أياويا تسزراغن ئوذان أكيسن نقّن أياويا تسزراغن ئوذان أكيسن أشهبار محمد امنود 02-07-2016

أنا إنسان أنا إنسان أنا إنسان لي رأس وأذنان أنا إنسان أنا إنسان لي أنف وعينان أنا إنسان أنا إنسان لي فم ولسان أنا إنسان أنا إنسان لي قلب ورئتان أنا إنسان أنا إنسان لي كف ويَدان أنا إنسان أنا إنسان لي كعب ورجلان أنا إنسان أنا إنسان بالروح والجسد  أنا إنسان أنا إنسان أشهبار محمد امنود : 11-12-2013

تاريغ ما اذ ئذارغ تاريغ ما اذ ئذارغ تيذارغ ما اذاريغ ما اذاريغ أسفرو س ئرس اث ئنيغ ئرا دجيغ ذ أنرماذ ذ أحوذري ذ أبريغ ؤسان ئنو عدان أم ؤصفض وا زريغ ثوذارث أم نضن ثقذاي ؤكيس رهيغ ئكسياي ؤسمّيض ئصوضاي وا ؤشيغ س ثطاوين زارغ س ئمجّان تسريغ كُّْورغ ذى أبريذ صوروفغ عدّيغ ئمرر ؤر ئنو ندخرفغ سهيغ كسيغ ئقرم ذ تدوات اذاريغ اذاريغ ثقسيسث ؤر اخاس فاجيغ اذسيتمغ ثوذارث تشجّارث ن سمّيغ اذهاردغ ئسقسان أفراكَْ اث عذيغ اذ سفسيغ أدجي ذ ربحار اث زويغ اذ سفسيغ أدجي ذ ربحار اث زويغ أشهبار محمد   طنجة: 07.2005

حكامٌ تصهينوا حكامٌ تصهينوا لم يعد لهم رأيٌ ولا ملة وهم ساكتون أهلُ فلسطين يُقتلون وحكامٌ عن الصهاينة يُدافعون يقولون بأن من حقهم أن يُدافعوا عن أنفسهم وهم يفرحون بمخطّطاتٍ يُريدونها لجعلهم أضحوكة عليهم يضحكون والحكام يَسرقون الشعوب لا يتّقون ولا يهتدون ينتظرون ثورة تأكلهم ومن الإسلام هم بعيدون لحُكم الصهاينة يبغون وعن الخلافة لا يدافعون يخافون منها يَنبذون الأحاديث ومن الله لا يخافون والموتُ ستأتيهم بغتة في اليوم الذي هم فيه سيموتون من الدنيا سينتقلون وإلى القبور سيُنقَلون فيُقبَرون أشهبار محمد 15-05-2018 امنود

ميمّي ئتنغين رَزان ؤسن ثگّي والُو ميمّي ئتنغين ؤياش نتّاث ثتذاوا ئمجراح ئتيشّين شحار غا كّن دّارن ما تغيراسن ؤتمتّين رموْث أذمثن أذمثن أذتوانضرن ذي ثمضرين زي ثوذارثَا أذمّوتين أذراحن غا ثوذارثين ذي جهنم أذشمّْضن أذَّعقن أذفسّين رعذاب أذيذوم زي نّعرث ؤتنفكّين أذوار ؤدتذويرن جّنّث ؤگس تيرين أذوار ؤدتذويرن جّنّث ؤگس تيرين أشهبار محمد امنود : 02/06/2018