مرا حد ئحسذاي مرا حد ئحسذ حد ؤخا ئغذاريث ئهنّاث ؤخا يوشاس أرهاج ئنغيث ؤخا ئصفّاث را نتّا أذيمّث منديجّا ذي ثوذارثَا أثيواث ثوذارثَا بزّز خاس أتيخسار زمان ئخدجاث ذي ثوذارثين أذياف من ئگا ذي ثا زذاث مرا ئتنذعاق روخن أتاف غارنث رخراواث أتاف ثتواحشاس ؤثغايعثقن نيغ أثيغاث ذي رعذاب ن ثمسّي أذيفسّي أذيتمقزواث بصاحتس ئ ؤمسرم ذا ذ ذيه قّاع ذ لْجنّاث بصاحتس ئ ؤمسرم ذا ذ ذيه قّاع ذ لْجنّاث أشهبار محمد امنود 30/11/2021

 بزّز أنسّعذا أدُنيوَا نشنين ندّار نشنين عاذ ؤنمّوث أمزروي نّغ أذيتواري وها نمّوث قا قّاع أذمثن أريف أتاف نزّوث أدينوار أيا أريفي رغير غا تّوث ؤتگْشي رعيب، رخير گّيث تّوث ئري هانت أك ئوذان رخير أرنوث قا مرا نشنين نتواندر أتاف نمّوث أتاف صافيت روخن شار نسّوث أنارشا أنودّار أدُنيوَا أتاف نسّعذوث أنارشا أنودّار أدُنيوَا أتاف نسّعذوث أشهبار محمد امنود 23/11/2021

 من ئگا ناصر من ئگا ناصر ؤمي ذاس ؤشين عشرين ياش نتّا ؤينغيشي ؤيوشارشي ثقبيرين ؤياش نتّا ذ أحوذري زي ئحوذريّن ئغرين را نتّا ذ أمسرم ذايس ؤر مشا ؤستسرين ينّي ئتحكامن طفنث تهمنث ئگا ؤثزرين شحار ئسفاق ئگا رخير ئوذان فاقن زْرين ئريفيّن عاذ أذمونَن أذسغارن ثريفيث أتارين ئمقرانَن أدجّن أمزروي أذفانَن من ؤيحرين ئمزيانَن أذرقحن أذنوّارن أذزمّن من غرين أريف عاذ أذينوّار ئريفيّن مايما أذين ئرين أريف عاذ أذينوّار ئريفيّن مايما أذين ئرين أشهبار محمد امنود 21/11/2021 

 حد ئتسطّا حد ؤيتسطّي  ؤدجي قّاع ون غا يِنين شي ؤخَا أوار نس ؤيوطّي رعقر أذيني من ئدجان ذ من ؤيدجين أوار ؤيقطّي ؤذين حد أذياري شي نيغ أذيِني شي أمّن ؤيخطّي ون ئفهمن ئفهم ون ؤيفهيمن أذيرمذ حما ؤيتشطّي قا ثوذارثا حد ذايس ئتسطّا حد ئقّار حما ؤيتسطّي قا ثوذارثا حد ذايس ئتسطّا حد ئقّار حما ؤيتسطّي أشهبار محمد امنود 19/11/2021 

 فوفّو  فوفّو جار ئضوضان شحار ئخرا ذ ئوذان يوذفاسن ئزوران ئزرگين سوكمن سغاذان ئذور أم ليصانس ذ مازوط زايس ئتسبذان ئستانكوثن تواستفن زي باريراث تسعذان ون غا ئعذان ئعذا ون غا شنقن أذايس هْذان حد ئتقذاست ئجّيون حد أعدّيس ئخوا أذان ذي ثوذارثَا سكفن تيزين بزّز دّونّيثَا أتسّعذان قّاع أذواغن أذنسقظن أذوظان أذكّن أذعذان راخاث أسن ثزرگ ثيريت أذتنقيصن ئوذان راخاث أسن ثزرگ ثيريت أذتنقيصن ئوذان أشهبار محمد امنود 17/11/2021 

 بزّز أذسقارن قّاع ين ئخسن أذاشارن ئيوجيرن ئيّا ما أذزوّارن عاذ قّاع أذنفضحن مرا نثنين تّشرن خ زور ذ ئشتيحن ئيوجيرن غاسن ربِّثْسن ئثنيخرقن ثوذارثَا أتفنا ذ ئمسرمن ئغاياربحن ين يومنَن أذفرحن عماس أثنسغن قّاع ين ئتنعدّان تاشارن ئيوجيرن عاذ قّاع أسنثقّوري ئيا ما أذاشارن بزّز خاسن أذمثن غا ؤشار أذّورن ؤذا تغيمينشي زي دّونّيثَا أذاحرن أذافن ذي ثوذارثين من ذا خذمن ما أدسَقَارن ما روخن بزّز أذسقارن ما أدسَقَارن ما روخن بزّز أذسقارن أشهبار محمد امنود 15/11/2021  Mohamed Achahbar · بزّز أذسقارن.m4a

 أذمثن قّاع  قّاع ينّ ئتافن ثمّورث ئيوجيرن ثوفوح ؤخَا تاوينت ستغلّانت تْشارنت أم ؤقذوح ئخسّا أذسنَن قا ثوذارثا أتقظا قّاع أذيروح قّاع أذمثن ؤراذيج أزّايسن ئقّيم ئتسوح أيا وين قا مايما ثدجيذ بوحبر أذيروح خَم قا ثوذارثين أتقّيم ؤتسعّاف بوقسروح ون غاياشارن ئيوجيرن وخّا ئگا أقبّوح ريعيش ؤسيتردّي ذي ثمسّي أذيزُّنزوح ربدا أذيفسّي عماس أذينفك وَرا أذيجوح رَاخاث ؤثتغيمي ئخسار مرا ئخسار طروح أشهبار محمد امنود 08/11/2021 

حنزز حنزز أيا أحنزاز عقراي مليح من عنيغ ؤياش نش ذ بناذم أوار ن رحق أثينيغ جارايد أكيذش ذين ئفاگان نش هنيغ ما دزنش س ئقوبا ما مريناش من نّيغ نش قنعغ زي من يورا ربّي ؤ نش غنيغ ؤرينو ذ أحنين سنغ من تگّغ زارغ تسريغ ثوذارثَا أتعذا أذكّغ مايس خسغ أذعذيغ نش ؤتنعدّيغشي أذاريغ من سنغ أذينيغ نش ؤتنعدّيغشي أذاريغ من سنغ أذينيغ أشهبار محمد امنود 07/11/2021 

 بَسرن ربعاض ئذسن حنشن ذ ئمَبْسارن مافياث ذي دشار ئنو ذ ئشفّارن ثمّورث ئيوجيرن تَشَارنت تعفّارن نقّن دّاتاث س أرهاجاث ئتخدّارن سضاون رعقوراث تمراوان تنوقارن غاسن ثمسّي أم روضو ربدا تشعّارن تتّن سسّن سقظن تطظن بونت تبخّارن شاهن ئمسرمن س ؤقموم تشقّارن تحِبّان ئبريس ذ رفروس تقسن زبّارن رهم نسن ذ درهم ندّين تصنّارن أقاثن خ ؤجيج أذراحن أذقشّارن أقاثن خ ؤجيج أذراحن أذقشّارن أشهبار محمد  امنود  ٠٦/١١/٢٠٢١   

 نوريد ذ ئيوجيرن  باباثنغ ئرا ذ أفدجاح  شحار ئگا ئذويرن باباثنغ ئمّوث ندّارد ثوذارثَا ذ ئيوجيرن أيثما ثناين جّيند ثاروا نسن ذ ئيوجيرن ربِّثْنغ أثنيارحم ؤ أذيارحم قّاع ئمسرمن ثمورث نّغ ثعيز ئجّانغد باباثنغ ئبحيرن شحار ئتنشاز نفدجحيت ذين ئگميرن ذين ثسونتاوين ذين من ذانغد ئحدّن  من ئدجان نّغ نّغ من ئدجان مّيدن مّيدن ين ذانغ ئحسذن ستنَن تدمن عاذ أذندمّن ين ذانغ ئحسذن ستنَن تدمن عاذ أذندمّن أشهبار محمد  امنود  04/11/2021 

 ئفلسطينيّن ذ أرتستاث  ثوذارثَا ثقسح نتسرا ذي ربواق ئقدواح رخبوراث را نشنين نزار من ئتوقيعن نتسّن من تگّن رعقوراث ؤذاين تنعدّان قدجعن خ ئفلسطينيّن زي رذشوراث تاويناسن ثمورث شحار ئطفن گّينث ذي رحبوساث أيذوذ ن فلسطين ئتنقظاع ئصهيونَنْ غا ذ رخراواث تغيراسن ؤفينت خاس مشَا ئفلسطينيّن ذ أرتستاث عاذ أداوين رحق أذدزن أصهيون أذيوّزوَز ذ ئزگناث فلسطين أتگ دجوارو أذاربحن ئمسرمن ذي گيرّاث أشهبار محمد  امنود  ٠٢/١١/٢٠٢١ 

 عدمن دّاتاث  ربعاض ئوذان مليح تيثارن أك أياويا تبدّان ربعاض ذ ئبزنازن تحشّيشن زدجين تشدّان ربعاضيث ؤتنعدّينشي ربعاضيث تنعدان شحار ظرمن ذ ئوذان س ئخاريقن ئنّان  أرنّيند رباطر زْنوزان أرهاجاث ئيَوذان عدمن دّاتاث سبوهروين رعقوراث تراذان شحار ئستبران شّينت ذورن أم ئسارذان مرا حشّن حْشانت تفرفيرن أم ؤسيوان أرجفن توعران نثنين گين أم ئشورذان تسكّانت خ لْوالِدين ثوذارثَا بزّز أتسّعذان ثوذارثَا ؤثتذومّيشي شحار ئفاثن عذان ينّ ئتّبران فْنَان ، ينّ ؤيتّبرينشي هْنان ينّ ئتّبران فنّان ، ينّ ؤيتّبرينشي هْنان أشهبار محمد  امنود  02/11/2021

  أمزروي يورا ثوّورث ؤمزروي ثيريوْ ركازي ن شّنعث ئتْفجّيوْ ثثبيرث ن ثرلّي ثسْروْريوْ أفاروج ئجنا ئتجوجيوْ أعدّيس ئشفارن ئتغاريوْ أقسموذ ئقزينَن ئتقجّيوْ  حد ئتّمسخ ئذحا ذ أقاقريوْ حد ئعّوفّن ئذحا ذ أعدجيوْ  ؤر أصبحان يُورم ؤيتنساريوْ ؤر أعفان ؤيسنبجيوْ ؤيتنبجيوْ أشهبار محمد امنود ٢٨/١٠/٢٠٢١ 

 أذيقظا  أماشار ؤثتسمّين ذ أشفّار بْرا ما أثعقرن شحار ما يفرث أذيك ذي حد ئثغايسقرن مِنما يوشار أذيقظا أقا ذين ويثغايذقرن رحق ن ميدن أگرا ن ميدن قّاع ؤثنقرن مرا حد يوشاريث مرا طفنث أثسبوقرن مرا حد ئنغا ئوّيث مرا شنقنث أثشقِقْرن ئقسّيش حد أثقسّن ئبقريش حد أثبقرن  أشهبار محمد  امنود  ٢٥/١٠/٢٠٢١ 

 ئهرافن  ئبوحدوثن نثنين ذ ئخدّاعن ذ ئماشارن  ذ ئهَرافن تزلاّفن تزارافن أذنّاغن أذسقارن سْغين گين ثبريت عاذ سوفوغند أشّارن خْسن أذاوين ثمورث س ؤبايباي تَشَارن تْشَارن خ ئطان ن امنوذ تازرن تمشاوارن مافياث ئسولان عاذ س ثمسّي أذفوّارن تِشّن أرهاج ئنقّن زغيراسن أذقيمن دّارن وخّا ذي دّونّيثا فرثن ذي جهنّم أذتصارن ربِّثْنغ ؤيظدجم حد أگرا نّغ أزون أثاشارن ربِّثْنغ ذ أمقران أغيغْنا رعذواث ؤغزمّارن ربِّثْنغ غاس قّاع ئهوَن من حوسن أثيذارن ربِّثْنغ قّاع ئقدّاس ئوذان عاذ أدتواحشارن  ئهرافن ذ مافياث ذ ئطان شّيناغ أذخسارن ئهرافن ذ مافياث ذ ئطان نغيناغ أذخسارن  أشهبار محمد  امنود  ٢٣/١٠/٢٠٢١  Mohamed Achahbar · ئهَرافن.m4a

 كم تمادى  كم تمادى طغاة العصور الخالية وتجبّروا  واللهُ أهلكهم جميعًا ولقد خابوا وخسروا وطغاة هذا العصر كالجواسيس إنتشروا  لو كانوا فعلاً يريدون لنا الخير لمَا قرروا فرض ما لا نريده ولمَا زمّروا واستحمروا  زادوا لقتل الفقير إنهم تكبّروا واستكبروا سجنوا الأبرياء فقّروا ودَمّروا واستعمروا أشهبار محمد  امنود  ٢٠/١٠/٢٠٢١

 ربِّثْنغ أغيغْنا  مرا دَّولايا ؤذانغ ثوشيشي ؤذانغ ثسعيزشي ؤخَا رفروس والو رعقر ذ صّحّث ؤغانغشي نسّن ربِّثْنغ ؤذانغ ئتتّوشي ئخسا ؤثنتتّوشي ربِّثْنغ ذ أمقران أغيغْنا وخّا رجيوب حبّاشي دّنيايا ؤذاشي انك أنعذا ؤغاسدنتذويرشي ربِّثْنغ أثنعبذ من ئدجان ذ أعفان ؤثنتگشي أنگ من ئدجان ذ أصبحان ؤنتسحقيرشي قا جّنّثْ زي غاس غا ناذف ؤسّيندنتفّغشي مرا حد ئكفار زي ربِّثْنغ جّنّثْ ؤتيتيذفشي محمد أشهبار امنود 27/09/2021 

 ؤتمنزيغشي  هاه سيرم أي ئحمتشارن ؤمي أرسين سانتورا  قا نش ذ نّش ؤتمنزيغشي س من ثتت ثزورا  أشفّار أم ئشفار ئتاشار ئتنوفور ئتقّن ثِوّورا  ينّا شي ؤثنتيمن مِنما يوشار أذيبّوري أذيفورا  ؤثزمّارم أتارم ذ روظا قاع من ثرقّام ن ثعورا  كورشي من ثقّارم شحار ئثنّان را ذ ئمزوُورا  أذگنشي ؤگينشي ئيّخفنسن گين ماندا ثِدّورا  أيذوذ ئخاسن ئشاظن ئندار خاسن زي ثقبورا جّينث ئتنقثمار ئوطّا ئتنكّار ذي ثندّام ذ دشورا أشهبار محمد امنود 08/09/2021

 ؤنقّغ حد  مري أقاي ذي فلسطين ؤخا تحارابغ أتاف نقّغ ؤذاي أستخناسغ أثتسيّابغ مشا الحمد لله ؤتحاريبغشي تغابارغ أقاي ذي المغرب خ أريف ئتواحسابغ ؤنقّغ حد ؤتنعدّيغ خ حد غريغ قّارغ مرا سْنغ مّارغ مرا ؤسّينغشي تبحّاثغ أشهبار محمد امنود 08/01/2021 

 ذين ربعاضيث  ذين ربعاضيث زي دشار ئنو امنوذ حطانش س ئلاقوصن گين أقسموذ حسذنش سعوفونَنش گين أم رقروذ بنّان خ رباطر أشنغن اشْشّن ذ أفروذ تازرن خ ثوذارثَا س ئشكراذ برا فوذ ثوذارثين تّونت ؤر نسن ئذعق ئفّوذ نقّن ئرساون شي ئخسّاسن أعموذ غاسن ؤر ذ أعفان وخّا عدرن أدوذ مشا ماشي مارّا ذين شي أتسروذ مشا ماشي مارّا ذين شي أتسروذ أشهبار محمد امنود 15/06/2021

 موخما نگاس مرا حد يارزّو دراهم ئخسّاس دراهم ئخسّاس صّحّث ذ رعقر حما أذيخذم قا دّونّيث ئ ذي ندجا ثشور س رهم موخما نگاس سويرتي عماس أغيعرم ثخذمذ س ؤر أگ حد أشيش أشيژم ثقّيمذ ؤثخذيمذ أشينغ زرض ذ رهم ذي ثوذارثَا أشسعونان أشقّارن رحَم ثرحمذ أتصارذ ون ؤيرحيمن ؤثنيهم مشا أمسرم أسُنّي ئقسح نتا ئتواگم ؤر نس ذ أصبحان جنّث أسثتوارزم أتيغ ربي أخاس يارضا ربدا أثيارحم ربي ذ أمقران ؤذين حد أخاس ئنهم ؤيظدجم حد كورشي غاس ئتوازم كورشي غاس يورا ؤ خاس ئنتْشارم يارزقانغ يارحمانغ بزّز أغاس نتّارم مرا نگوج أتيغ س أرحمث أغيارحم مرا نگوج أتيغ س أرحمث أغيارحم أشهبار محمد امنود 01/04/2021

 ماي ثدجا ماي ثدجا نوال السعداوي ثكافريوث ن ثكافريوين ثنّ ئرا ئخسن أتحاكم ربي ؤ ثخساس من ؤيحرين ؤراذيج ما ئنقذيت زي رموث شحار ئثحارب دّين غارنت شّياطين ثنّا من ؤيحرين ثارزف خ تسعين ثشاب خ رخاوي ئزّرفيت زمان أتشّنت ثكشّاوين ثوّيت رخاث ثذور عبرا ئ مارّا ون ئتحارابن دّين باش أذسنَن قا ربي ؤثتنيقيشن أمّن نتا ئسّدّارين ئسمغارين ئسّگّورين ئسّگّامين يارزقين يارحمين ؤسّان مرا قظان زي ثوذارثَا غا ثوذارثين ئنقرين زي غا گّوجن ذيها ؤدتذويرن ذا عماس أذايرين زي غا گّوجن ذيها ؤدتذويرن ذا عماس أذايرين أشهبار محمد امنود 28/03/2021 

 فْهم  أثن ئنّان رعيب ئنَاي من ذام گيغ ما تغيرام نش تقصادغ مِخ ؤتسريغ ؤر ئنو ئقنظن بزّز أخاس فاجيغ قبر ما أتسّيورذ غار مارّا من نّيغ نش صبّارغ مشا ذ أمقنوظ ئگ دجيغ نش زي أريف ذ أريفي ئدوريغ ذ أمسرم ذ أمازيغ نش ؤتمنزيغ ذي ثوريقين ذ أمغرابي صْفيغ مرا ثتخسذاي فْهم قّاع من نّيغ مرا ثتخسذاي فْهم قّاع من نّيغ أون ئنّان رعيب ئنَاي من ذاش گيغ ما تغيراش نش تقصادغ مِخ ؤتسريغ ؤر ئنو ئقنظن بزّز أخاس فاجيغ قبر ما أتسّيورذ غار مارّا من نّيغ نش صبّارغ مشا ذ أمقنوظ ئگ دجيغ نش زي أريف ذ أريفي ئدوريغ ذ أمسرم ذ أمازيغ نش ؤتمنزيغ ذي ثوريقين ذ أمغرابي صْفيغ قبر ما أتحكمذ فْهم قّاع من نّيغ قبر ما أتحكمذ فْهم قّاع من نّيغ أشهبار محمد امنود 24/03/2021 

 ثينا ن روقتا  ثينا ن روقتا ئخسّاسنت ؤركّوض ذايسنت ؤذايسنت شي أم رحوض تشوكانت قا أشارنت ذ امايوض تسحسيحنت ئتفغاسنتيد ؤعبّوض ؤر ئروساسنت ئرس ئفغد ذ بوض حكمنت أشقدذنت أري ذ أمزروض جار ؤجار تبدّارنت أعبان أم أروض أشهبار محمد امنود 22/03/2021 

 ذي ثوذارثَا  ذي ثوذارثَا حد ئسكّار حد ئتحشّاش حد ئتكياف حد ئتشمّا حد ئتشيّاش وخّا حد ؤتتْغاريذ نتّا ئتغاراش وخّا حد ؤتتْقاريشذ نتّا ئتقاراش وخّا حد ؤتتْخابيشذ نتّا ئتخاباش وخّا حد ؤتتْهاريذ نتّا ئتهاراش مرا ؤثتْنيّيشذ ذي حد ذين حد ئتنياش مرا ؤثسّهريشذ حد ذين حد ئسّهراش ذي ثوذارثَا حد ئسكّار حد ئتحشّاش حد ئتكياف حد ئتشمّا حد ئتشيّاش وخّا حد ؤتتْحاريذ نتّا ئتحاراش وخّا حد ؤتتْجاريذ نتّا ئتجاراش وخّا خ حد ؤثتحاويشذ نتّا ئتحاواش مرا ثتكّذ شي ربِّثْنغ ئتواراش مرا ثقارذ شي ربِّثْنغ ئتسْراش مرا ثنويذ شي نْوا شي ذ أسدّاش أشهبار محمد امنود 22/03/2021