044.يازّا ئسوگّد خ ثزيزوا

يازّا ئسوكَّد خ ثزيزوا

-1-

يازّا ئسوكَّد خ ثزيزوا

ئوّيد اكيذس را ذ ئبازّا

ئشاه أمغار يازّو خاس ئقضا

يازو اذاس ئكّس سّلطا

حما خاس ئستولا

ئناس اتفغذ أسّا نيغ ثوذشّا

ئخسّا ؤشتويريغ ذي رحكاما

حسن زى مارا نبذا ذى كَِْيرّا

قا مرا ثوكيذ اذاك كّغ سيمانا

اذاك نغغ لجنود اذاك اويغ من ذا

اد صبحغ ذ نش ئغا ئطريّان ذا

ؤرا ذ ئج اد ئكّار اي ئسّوفغ سّا

قا نش جهذغ ؤيزمّارن ذى زمانا

قا نش غاري تّطوير ن تكنولوجيا

ؤسيغد اذ كسغ دّكتاتوريا

حما اذارغ ذين ديمقراطيا

ازّوغ اذ اسن ؤشغ ئ يينا

ئزرفان ئ ذاسن ثكسذ ئرا

حما اذ ئذارن ذي رهنا

-2-

يازّا ئسوكَّد خ ثزيزوا

زعما ئفهم ئضدجعد ثسيرا

ئحزمد ثعواط س نتا ذ ئبازّا

تسوكَّْاند خ لعيراق وا ئتضفارد وا

شاثن قّارن قا نكَْا

ئشتّيحن وا خ وا

رخبار نسن ئخوا

روخ انراح غا دجلا

ايمارند سّني ئيازاز ثيوكَْا

قرعنثند زى ئغونام كَِّْين خاسن لحايحا

سقسانثن مايمي ئتوسيم ذا

ناناسن زغيرانغ نتسارا

ئفغ ريد أمّن ؤشا نوضاد ذا

نوضاد زي طيّارا غا ثمورث نراقا

رقاناغد س كانوها ئخفيفن وا خ وا

ؤنوفي من غا نكَْ نصمّط أك اياويا

ماي ما نخزار ثمسّي سّا ذ سّا

روخن نكسي ئفاسن نفغد غا بارا

طفنّانغ مارا

ارينانغ ذ لْأسرا

أفدجاح أمجاهذ ئكْسي لكلاطا

ئوثا ذى ؤجنّا ئغضرد طيّارا

ئفاح ئنطّو ثكْسيثيذ لجزيرا

ئنّا أوار نس ئحكَّْار أمريكا

أشهبار محمد

الحسيمة: 2003