088 ثسنذ نيغ ؤثسّينذ

ثسنذ نيغ وا ثسّينذ

-1-
ثسنذ نيغ وا ثسّينذ مرا ثسنذ سقار
مرا وا ثسّينذ سقسا وا تعفّار
مرا حد يَمزي غاش ؤثتسحقار
قا تارذ ذ والو اد ئفغ ذ فيغار
اغاس ثازيض س ثقّسث اش ئزبار
روخن اتاشيذ اتارذ ربار
اتافذ ذ شك ئ زوارن ذ أمزوار
مرا حد يوعرا غاش ؤذاس تاذار
قا مرا ثوذارذ اش ئسّك خ وأدّار
اش يار ؤثدجيذ اش ئكْ سادو ؤراثار
اش ئقّن ذي ثسيريث  اخاش ئعجن س ؤضار
اتاعيذ خ ؤنفكّي س ؤزايض اش ئندار
اتكسيذ ذي ثضوي اتنجمذ ذ رموحار

-2-
ثسنذ نيغ وا ثسّينذ مرا ثسنذ سقار
مرا وا ثسّينذ سقسا وا تعفّار
أجضيض مرا ئسّن ذي ؤمزوار ئتنوفّار
ئخسّا وا يطّيو مرا وا غاس أفار
قا مرا ئضوا ؤشا زرينث ئفّافار
اس ندين زمضاوز ذ تخشبين خ ئسومّار
اث حارن اذ ياكّب اذ ئنقب اذ ئصار
اذ ياف ئخف نس ذي ثخشبث ئزيّار
اذ يازو اذ ئنفك اذ ئنضو اذ ياذار
اذ ياف خشّند اكيس رجْمنث زي ثنزار
أجويح ئراح يوسد ئنشف ئقزّار
بوحبر عاذ ذايس سيبنث ذى ئمجمار
جّينث اذ ئشنف ؤماس ذايس ئخزّار
وا غاس اذ ئسّيور وارا اذ يِيني مغار

أشهبار محمد
تمارة: 03-04-2007

تعليقات

المشاركات الشائعة من هذه المدونة

الأبطال والأشرار

377 نحمذ نتسلاّك

284 شي خ شي ئزيّار

ينفثون سمومهم

كم من نفس

155 بزّز أذسقارن

089 مكّة

خلقَ اللهُ كل شيءٍ

208 شي ن حد

ذو القرنين