095 ؤياش نش ذ نش

ؤياكْ نش ذ نش 

ؤياكْ نش ذ نش س ئذمَّن ذ ئزوران
نش ذ ئجن ؤدجِ ذ بزَّاف ن ئوذان
نش ذ بناذم ازُّوغ ثذت ذ رَمَان
ودَّارغ ذك ئخف ئنو ؤياك نش زك ئوذان
ام نش ام نثنين مونن انغ ئزرفان
خزارغ غا ؤستِّيف ئن ن زَّاج ئن يوعران
تواريغ ذين ثفاوين يارقن ئتسِنيان
ماذ تيرناث ئعين ما وا تواريغ نيشان
خزارغ س ؤزير مانِ رمذن أنداه هان
تواريغ ثمسُّوكَْارين ذ أشمرار شا ذ أبرشان
ئزْوغ شا ذ أشحشاح كورشي موخ ئتبان
ندهغ س رعقر ذ ئفاسَّن ذ ئضوضان
طارغ زِي ثا نايغ ذِي ثا زكَْ ؤمشان
سزُوَّارغ ثا سوَخَّارغ ثا استيق نيشان
درهم ذِي جِّيب ذ ونضن ذ أمزيان
خسغ اذسنغ ثحنيا ن ثفاوث ئتنهزَّان
ذ تمسوكَْارين ئكَْورن ذكَْ ؤبريذ ئسروغان
سروغانت ثفاوث كور ئشت موخ ثتبان
ذ ئوذان ئطُّوكويَن تارين هوكَْان
خسغ اذسنغ ما من تواريغ نيشان
ما س ثذت ما تارجيغ ما بَّاروين ئزوران
ما س ثذت ما تارجيغ ما بَّاروين ئزوران

أشهبار محمد
10-11-2010 

Mohamed Achahbar · ؤياش نش ذ نّش