253 ربعاضِث

 ربعاضِث 

ربعاضِث ميرن بزّاف مرا نّوفسرن خدجان

خمجن تّون راصر ؤتصلّين زي جْبل ئدهوان

تبعن دّنيا جوعن فّوذن تزبزيبن أستِق ذ ئزَان

تگّن صْذع تومران خ أياويا تفايوضن تنهزّان

ربعاضِث زي را ملّن ثوذارث قسّنت أذزْوَان

قولارن ذ روروف شي سّزوانثن زوان سّزوان

مرا غاي شي ن زهار أتيغ أذمثغ حما أذهنان

ملّغ ثوذارثَا ؤريغد ذ أيوجير گورغ نيشان

گورغ س نّيّث تاويغتيد ؤر ئنو ذ أصبحان

بناذم نش تبعّاذغّاس مرا طلعغثيذ ذ أعفّان

نش ذ أسُنّي خدمغ شغر ئنو ؤ ربّي ذ أمقران

ربّي ئدّار ؤيتمتّيشي ئسّن ؤراون ئيوذان

قّاع غاسن ثساعت مرا ثخشّاسند أذقظان

ؤذاشي ذي دّنيايا، ربعاضِث تبعن شّيطان

نش زي نْفع ئربعاضِث مشا ربعاضِث عْمان

خطّانت أكيذي مشا معليش عاذ أذتوافنان

ياش أذمثن رْموث أتقّاسن أمزيان أمقران

ياش قّاع أذارشان أذودّارن ذ شار ئغاذحان

أشهبار محمد

امنود

15/07/2022