زي ثمزي توقّارغ
زي ثمزي توقّارغ مشَا ذين شي ؤيتوقّارشي
ربعاض زغيراسن مركغ نش عاذ ؤمريكغشي
مري غاي أتاف مركغ زي مرمي مشَا ؤغايشي
ؤغايشي أگرا منزي غا مركغ ؤخَا ؤمريكغشي
ربعاض زغيراسن مركغ مشَا عاذ ؤمريكغشي
الحمد لله نثنين تخارسن نش ؤتخيرسغشي
معلِش ئروخن قا عاذ أنذور غا ربّثنغ كورشي
سننّاي ذ مُحمذ أزوغ ثمغارث ؤذايتوشينشي
زغيراسن قا من غاسن منما غاسن ؤغاسنشي
ؤياك زعما قّاع من ئدجان ن ربّثنغ سكورشي
مغار ؤگين أيوشن ثمغارث ياك ؤسنگيغشي
ما نعدّغ خاسن ما ؤياك نش زعما ؤنعدّغشي
الحمد لله الله تعالى ئزراي ئسناي ؤتنعدّيغشي
نش ؤزنيغشي ؤمونغشي نش عاذ ؤمريكغشي
زي ثمزي توقّارغ ذي ثقسّيسين ؤسمحغشي
أوارن أثناريغ أثنينيغ من سنغ ؤثتخمّيرغشي
من سنغ أثاريغ أثينيغ نشّارغ ؤسنوفّورغشي
مرَا شي ن حد ئحسذاي نش ؤثنحسيذغشي
ذين الله تعالى ئسنيثن مرَا نش ؤثنسّينغشي
سننّاي ذ محمد عاذ ؤمريكغ مشَا ؤيتّيقنشي
ما زغيراسن قا مركغ ما ياك عاذ ؤمريكغشي
زي مرمي أزّوغ أذمركغ مشَا منزي ؤغايشي
نش وخّا خظيغ ذي شي ربّي ؤخافيتيغشي
منزي نش ذ پوبري الله تعالى ئسّن كورشي
مرَا سنوفّارن زگي شي ربّثنغ ئسّن كورشي
الله تعالى ئزرا كورشي وخّا نش ؤزريغشي
تواخرقغد ذ أمسرم مغار زعما ؤمدجكغشي
ئنشَعلّه عاذ أذمركغ رعذواث أذمثن كورشي
أذاويغ شي ن ثفوخث أثندنج ؤيثتخونشي
أيثفهم أسفهمغ مشَا ئروخن مرَا ؤيكْذيبشي
الله تعالى ئسّن مانثن غاويغ نش ؤسّينغشي
ثن يورا أكيس مّرقيغ نش عاذ ؤتسّينغشي
ربي طاعغّاس ئوذان ئتنعدّان ؤتفريحنشي
نش مرَا خظيغ أتغِري ربّثنغ ؤخافيتِيغشي
نش ذ بناذم زگ ئوذان ماشي سنغ كورشي
نش ذين شي سنغث ذين شي ؤثسّينغشي
نش ذين شي سنغث ذين شي ؤثسّينغشي
مُحمذ محمد أشهبا أشهبار
المَهجر = الخَريج
28/02/1448 هـ
12/08/2026 م
تعليقات
إرسال تعليق