مايمي -1- مايمي، مايمي ءاي أثاراس ودّارن ثفراي ن ثفراس نّان أوار ذورن خاس ون ميغار تشناس ون ؤغار تطسناس -2- مايمي، مايمي ءاي أثاراس شّين رماشور ؤمغناس حرون ثودّينت ئرا ئتقاس سّاغن ثزذنت ئرا ئسّاس ارينث ذى رمبد ذ أخمّاس -3- مايمي، مايمي ءاي أثاراس ندين ثخشبين ذى رعراس ندين رمضاوز س رقواس غزين ثسافين ذى أفاس سّون رحاراش كَِّْين ئموجاس -4- مايمي، مايمي ءاي أثاراس دورو تمنغان خاس رمسكين ضحشن خاس أيوجير تكمارن خاس تّاجار تذارنّاس -5- مايمي، مايمي ءاي أثاراس ثدجسث ثدار أس أزير نخزار غاس ثرلي نتمتا خاس ثووري نازو خاس أشهبار محمد   طنجة: 03.2006

شنّا ؤشا شنّا -1- شنّا ؤشا شنّا، والله ئما شنّا شنّا ؤشا شنّا، دّونشث ئما ثشنا شا ثوشاس، شا ثكساس، شا ثجّيث ئفنّا شا ثنغيث، شا ثنضريث، شا شا ؤتجّي ئهنا شا ؤيعريم ثدّارث، شا ذي رقصور شبنّا شا قنن خاس ثوّارث ودّارناس ثمنّا شّيناس ايسوم زمّناس ثورا جينث ئتمراوا ئتاوي ئتارا -2- شنّا ؤشا شنّا والله ئما شنّا شنّا ؤشا شنّا، دّونشث ئما ثشنا شا ئقار كْ أكيذي اتافذ رهنا غير أكيذس ثكّذ روخن اش ئهنّا شا ئططس ذي رقطن يوفيت اموخ ثنّا شا ذي ثخزانت ذى فان ئتننّا س ؤزير ذي ثووري ئتفافا ئتمارا   س دجيرث خ ثجاثيتش ئتمتا ئتهارا أشهبار محمد طنجة: 15.03.2006

نتواخرقد نتواخرقد ئا ثومات انعبذ ئ ربي انيني قا ربي ؤكيذس حد نضني انزّادج ثزادجيث روقت ؤغ ثعدّي انغار لقرءان غا طيا ن ثزيري انمون أم ئضوضان انبد ئج ؤبدي انخزار ذى أجنا ثفوشث خمي ئدتاري انخزار ذي دجيراث ذ و أس مند ئتاوي انارزو خ ثذت ماي ثدجا اتدناوي انوجور خ ؤيفوس رحق اث نيني قا ؤلابد انمّث مايمي أغيمي دّونشث اتفنا من ذايس ؤيتذومي دونشث ثتيرار ثتاوي س ؤماري ؤر أعفان ثويث قاع وا دياري ؤر أصبحان ئسّن ماي ثفاري ئسن أبريذ نس ئمرونض ئباري أيّاو موخ غا ثمسار ئ ون وا غا سراري ون ئبدرن دّين ئبنّا ذي رخاوي ون ئحوسن ثمورث شار نس اث يكسي ون ئشّين ...

ربي ئخرقانغ -1- ربي ئخرقانغ زى أشار ئمسرانغ ئكَانغ صيفث ثشنا ئوزنانغ ئخرقانغ ئج ئج ذ رجنوس ئسمونانغ ئخرقانغ نعرا س رغضا ئصارانغ ئخرقانغ نحفا س ثقشار ئسقنانغ ئخرقانغ نطراز س ماشّا ئتسشانغ ئخرقانغ نتفاذ س و أمان ئتسسّاوانغ ئفضلانغ خ و أطاس ئبريس ئحسذانغ ئ رعذوا أبرشان ئفارق جارانغ -2- ربي ئخرقانغ زى أشار ئمسرانغ ئكَانغ صيفث ثشنا ئوزنانغ ئخرقانغ ثمّنت زايس ئسجنفايانغ ئخرقانغ دواب خاسن ئكسيانغ نشنين ؤثنتويري نتا ئتوارانغ نترو نيغ نسّوار من نقّار ئتسرانغ نطّس نيغ نفاق ئج ئج ئسنانغ نجور نيغ نبد مايما يوذسانغ نوري نيغ نضار مايما ئزوورانغ -3- ربي ئخرقانغ زى أشار ئمسرانغ ئكَانغ صيفث ثشنا ئوزنانغ ئواطا...

ئكزّانن -1- اذاريغ أوارن خ رفعاير ئكزانن نثنين ذ ئمنعار ئ غاسن ئطراحن سخدامن راياح خ شواطن تشارن قّارن طراسم تارين شا ن ئسماون كسّين ئروثار تشدّان ذى ئحتّاون ذى ئمضران ؤينطرن قّازن ئحفراون ندّون ئحروزن سروغان ئسفضاون سنفاسن رحيوض سشماضن ئرماون سننّان ئمجّان تسشّان سحراون سنوفّورن ثذت مسحن ئزرياون تجّان بناذم أم ؤجضيض ئطّاون أم فاطّيو ئخ ارين ثفّاضين ئعراون ئحصرن ذي ثكعبونت يوزغن ئمّيسراون يارزون اذ ئنفك ئترون ئمطّاون ؤيزمّار وحذس ؤرا ذ ئج اث ئعاون -2- اذاريغ أوارن خ رفعاير ئكزانن نثنين ذ ئمنعار ئ غاسن ئطراحن سخدامن راياح خ شواطن تشارن تبخّارن س رخمج حما ادحضارن سقضاعن ثغماس طربّان ئشّارن ت...

تسريغ سّوارن -1- تسريغ سّوارن خ شعايب تخاراصن قا ئتش ئتكّس ئ ين غاس ئطراحن قا ئتش ثحمريوين ئسجنفا ئحيضارن قا ئتكّس أشعاض ئ ين ئتبوهرويَن قا نتا ذ أمرابظ تراحن غاس طزورن طزورن ثوشايث نس س ثمغارين ذ ئريازن قا شعايب ذ رعجب ذ أغرباز ئغربازن ذايس ئرمذن قّاع ئمغناجن زّايس ئتفغن تذحان ذ ئمذيازن ذى أدجون تدزن شطحن تفوروجن ها ين ئطراحن طشارن ئقرابن ها ين ئتاوان سنوسان يوماين ها ين ئوطّان ذى شار تمخضواين ها ين ئتاوين أحوري ثناين ها ين ئشّاثن طواجن ذ ئغلاين قارناس ئ ؤمهروش ثجّنفيذ عراين -2- تسريغ سّوارن خ شعايب تخاراصن شعايب قا ئموث مساكن غا فارسن ئمّوتي زي ثوذارث غا...

يينا ذ أوارن يينا ذ أوارن خ ثوذارث ئفاثن ؤران س ئقرم س ؤر ذ ئمطاون شا ئذسن تذارن ودّارن ذى ئفقوسن أم ئجضاض ئطجيون س أفريون قسّن ئجنت ئغمّيد ينضن تكسن رباز ياحر ئجيثن تمروذن يارزف سّاني ئجيثن ذ ئواروذن جار ن كوز ن رحيوض ذ سموس ئخامن سضارع ئ و أبريذ غا ؤزّاكَْ ئفاكَْن ذي ثنكُْوتش ن ثمّنت مونن ذ ئفروخن وا ئضفارد وا كسّين ئمنوسن أم ئثبيرن يارقمن ئ غاسن خزّارن رعذواث زايسن تشدّان ئدشوسن رعذو ن ذيها ئروح ئكّيت سّن رعذو ن ذاني س أوارن ئستّن وخّا ذ تومات نسن س ثمكّا تكَّْن تقسن أم ئفغران ئطفين ؤرجام نسن مري ؤفين اذ مثن حما نثنين اذ اسن حما...

أرْعِــيــذْ أرعيذ ذ ئج ن رموسَّن ذ أميمون ذ أصبحان ئتاسد كور أسكَُّاس فارحن ذايس ئوذان أمزيان أمقران خزَّارن غاس طراجان سَّاغند أحوري ذِ رغضا تِخْضَان طصبَّاحند ءَاسِين عذرن نْقَان طراحن زيش غا ثمزيذا طزادجان تباراكن رعيذ خ أيوْيَا خمِ ئتمرقان غير أذغاسن ءِ ؤحوري زِي ثسَا تسزوان سنَنَّان طزورن رواشون س ثِوثمين ذ ئوثمان فارحن ئوسُّورا فارحن را ذ ئسيْمان تنوَّارن و ؤراون س رفواح ن بنَّعمان س ثيماسا ثميْنُوت تسيقسيقن أم ئثران أم طيا ن ثزيريْ أم يُورْ يوعران أم طيا ن ثزيريْ أم يُورْ يوعران أشهبار محمد تمارة : 19-12-2006  

فران ئطّف لفران -1- فران ئطّف لفران ئخزار غا ئثران ئتواراثن رقّن س ثفاوين تسينيان ئتوارا يور ئبد ئسفضاون هوكَْان ئزرميثن ذى أرشام س مومو أبرشان س ئج ن رخفّث ارغين خسين ؤوضان ئسباح رحار طيا ئنّبزار ذى ئموشان ثجارد ثفوشث ثسضوّا ئجنوان -2- فران ئطّف لفران ئخزار ذى ئمضران يوفاثن ذ تجمّومت ستفن أم ئسرمان أم وا يا أم وا وّين شبار س رميزان وا ذين بو رفاز جا ن شّيخ ذ رقبطان وارا جا ؤفدجاح ذ رفقي ئسغوران ها ون ئرا ئدجان تحسابن خاس ئوذان ها ون ئرا ئهدّان ذى يوجير أمزيان ها ون ئرا ئتوعران ؤيتشّن ئزرفان ها ون ئرا ئسوضن ئضفارن شّيطان مارّا مّوثن ذورن ذى...

زّويثغ ئصوراف -1- زويثغ ئصوراف ذى ئجار ن بنعمان ؤرا ذ رفواح نس ئرقحن ذى ئمان أياو وي غا ئتون رهوا ن تمسمان وي غا ئتون يزري ن أريف ئنو ئشنان وي غا ئتون ئسم ئد ئجّين شّان   وي غا ئتون رجذوذ ئ ئسّيورن نّان نان أوارن عاذ أقاثن سوان رعز نسن يوري مايكا وث غا ئمحان اذ يقّيم ذى أمزروي اث غارن ئسجمان -2- زويثغ ئصوراف ذى ئجار ن بنعمان ؤرا ذ رفواح نس ئرقحن ذى ئمان سحاد ءاي أمازيغ سذورد خ ئسقسان مايس تويذ أشتويا ئزران وي ذاش ئمرين أبريذا ن بنعمان صنث ءا ثومات سحس مايس ئدوسان ؤرجيغ كُّورغ جا ئضس ذ رفيقان زرمغ ئج ن ثسكّورث ئقرم جا ئضوضان س...

سبحان الخالق سبحان الخالق ئضوَّان ئجنوان ئخرق ثفوشث ئخرق را ذ ئثران ئخرق ئصفضاون ارجمن شِّيطان ئخرق ثمورث ذ روضا ذ ئعوران ئخرق ثسجُّورا ذ تكَْانين ئقوان ئخرق ربحار يِيذار ذايس ئسرمان ئخرق بناذم زٍ ؤشار ذ و أمان ئكَْاس ؤذم ذ ؤقمُّوم ذ ئمجَّان ئكَْاس ئضارن ذ ئفاسَّن ذ ئضوضان ئكَْاس ئذمَّن تازرن ذكَْ ئزوران ئكَْاس ؤر ئزاع ذايس ئيمان سبحان الخالق ئضوَّان ئجنوان ربِّ ئسَّن ئتوارا مِن ئدجان أقث اكَْ وين ذ وين ئسَّن مِخ تمشذكَان ئسَّن من تكَّْن يومار وِكَْ ئتزمَّان يومار وِكَْ ئتطفن بوحبر ءِ ئوذان ئخسَّانغ انمون ام ستفن ئضوضان انطَّف ذِ دِّين نغ انغار القرآن انعبذ ربِّ س ؤر...

فكَّارث فكَّارث ءا ئمسرمن فكَّارث ءا ئوذان ئريث ذ ؤماثن سَّخزاث شِّيطان قا ؤلابد اتمثم اتزذغم ئمضران امُوخ موثن رجذوذ ذْ مارَّا وي ئعذان شحار ئرا جهذن امَّن نثنين فْنان ربِّي اثن يارحم مرا ؤث عَاذان ؤيارن جاراسن س رعذران ذ رميزان ربِّي اخاسن يارضا ذ جَّنَّث اترقان ئنايد ءا ثومات وى ئخرقن ئثران وى ئخرقن ركَُْنوس س وي ئفاثن ذ وي ئدجان س نش ذ شك ذ وين ذ يِن ذانغ ئتسران ذ يِن ئد غا ياسن كَُّورند عاذ نطراجان وكَُ ئخرقن ثمّورث ذ روضا ذ ئعوران ئخرق ذايس اطَّاس يِيذار ئت س و أمان يِيذار انغ نشنين ئزاع ذاينغ ئيمان ئكَّْانغ ؤذماون ذ ئرساون مصوضان ثمزي...

مايمِّ ئد نتواخرق مايمّ ئد نتواخرق ذي ثوذارثا ئشنان نتواخرقد ءا ثومات ان سَّن ئزرفان ان ئري ذ ؤماثن ان ئذار ذي رمَان ان ؤيار غا زذاث ان ئني مِن ئدجان ان ئني قا ربِّي نتَّا وَهْ ئكْ ئدجان وا ذن حد نضن بغا نتّا ذ أمقران ربِّي اقث ئزذغ ذى ؤراون ذى ئيمان ربِّي ئكَّْا طيا ئسضوَّا ئجنوان ربِّي ئخرقانغ زى ؤشار ذ و أمان اث نعبذ نيشان س ؤر نغ ئصفان انزَّادج ثزادجيت انغار القُرءان انطاع ئ ربِّ انعصا شِّيطان ئبريس قا ئضهار ئ رعذو أبرشان ئتحوار اذ ئجار اذ ئنده ئوذان اذ ئسّك خ ؤزدجيف ين ئث غا ئضفان مرا نثنين غفرن خ دِّين سحتَّان ثوّيثن دّونّشث...